-
କରୋନା ସଂକ୍ରମଣ ବଢ଼ିଲାଣି। ସଂକ୍ରମଣ ବୃଦ୍ଧି ଯୋଗୁଁ ବିଶ୍ବ ସ୍ବାସ୍ଥ୍ୟ ସଂଗଠନ ‘ହୁ’ ବିପଦ ଶ୍ରେଣୀରେ ଥିବା ଲୋକଙ୍କୁ ଅତିରିକ୍ତ ବୁଷ୍ଟର ଡୋଜ୍ ନେବାକୁ ପରାମର୍ଶ ଦେଇଛନ୍ତି। ବିଶ୍ବ ସ୍ବାସ୍ଥ୍ୟ ସଂଗଠନର ଟିକାକରଣ ବିଶେଷଜ୍ଞ ଏହି ପରାମର୍ଶ ଦେଇଛନ୍ତି।
-
ହିନ୍ଦୀ ବୈଦ୍ୟୁତିକ ଗଣମାଧ୍ୟମର ବରିଷ୍ଠ ସାମ୍ବାଦିକ ସୁମିତ ଅଗସ୍ତି ସାମ୍ବାଦିକତାର ପରିଭାଷା ଓ ବର୍ତ୍ତମାନର ସାମ୍ବାଦିକତା ଉପରେ ଆଲୋକପାତ କରି କହିଥିଲେ ଯେ ସମାଜ ଧ୍ରୁବୀକରଣ ହେବା ପାଇଁ ଉଭୟ ସାମ୍ବାଦିକ ଓ ଦର୍ଶକ ଦାୟୀ। ଚ୍ୟାନେଲ ଚ୍ୟାନେଲ ମଧ୍ୟରେ ଟିଆରପି ଯୁଦ୍ଧ ପାଇଁ ସମାଜରେ ବିଭାଜନ ସୃଷ୍ଟି ହୋଇଛି । ଯେ ପର୍ଯ୍ୟନ୍ତ ଆପଣ ନ୍ୟୁଜ୍ ଦେଖିବା ପାଇଁ ଟଙ୍କା ଦେଉ ନାହାନ୍ତି ସେ ପର୍ଯ୍ୟନ୍ତ ଆପଣଙ୍କୁ ଏହି ଭଳି ଶସ୍ତା ଖବର ଦେଖିବାକୁ ମିଳିବ ।
-
୧୯୩୬ ମସିହା ଆଜିର ଦିନରେ ଭାଷା ଭିତ୍ତିରେ ଗଠିତ ହୋଇଥିଲା ସ୍ବତନ୍ତ୍ର ଉତ୍କଳ ପ୍ରଦେଶ । ଆସନ୍ତା ୨୦୩୬କୁ ଉତ୍କଳ ପ୍ରଦେଶ ଗଠନକୁ ପୁରିବ ୧୦୦ ବର୍ଷ ।ଆଗାମୀ ୧୩ ବର୍ଷ ମଧ୍ୟରେ ଅର୍ଥାତ ୨୦୩୬ ମହିହା ବେଳକୁ ଓଡ଼ିଶା ଦେଶର ଶ୍ରେଷ୍ଠ ୫ଟି ରାଜ୍ୟ ମଧ୍ୟରେ ପହଞ୍ଚିବ ।’ - ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା
-
ମେ’ ୧୫ ତାରିଖରୁ ଆରମ୍ଭ ହେବାକୁ ଥିବା ଭୁବନେଶ୍ୱରରୁ ସିଧା ଦୁବାଇ ବିମାନ ଉଡ଼ାଣ ପାଇଁ ଟିକେଟ ବୁକିଂର ଶୁଭାରମ୍ଭ ହୋଇଛି । ଉତ୍କଳ ଦିବସ ଅବସରରେ ଟିକେଟ ବିକ୍ରିର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
-
ରାଜ୍ୟର ସମସ୍ତ ସରକାରୀ ଏବଂ ବେସରକାରୀ ଅନୁଦାନପ୍ରାପ୍ତ ବିଦ୍ୟାଳୟଗୁଡ଼ିକର ଶିକ୍ଷାବର୍ଷ ୨୦୨୩-୨୪ରେ ପ୍ରଥମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ପାଠପଢ଼ା କାର୍ଯ୍ୟକ୍ରମ ଚଳିତ ଏପ୍ରିଲ ମାସ ୩ ତାରିଖରୁ ସକାଳ ୭ଟାରୁ ଆରମ୍ଭ ହୋଇ ଦିନ ୧୧ଟା ୩୦ ପର୍ଯ୍ୟନ୍ତ ଚାଲିବ।
-
ମେଟ୍ରୋ ଟ୍ରେନ୍ ଚଳାଚଳ ପ୍ରସ୍ତାବକୁ ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମ ପର୍ଯ୍ୟାୟରେ ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନ ବନ୍ଦରରୁ ତ୍ରିଶୂଳିଆ ପର୍ଯ୍ୟନ୍ତ କାମକୁ ଅନୁମୋଦନ କରିଛନ୍ତି।
-
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆଜି ଓଡିଶା ସରକାରଙ୍କ ହାଇ ଲେଭଲ୍ କ୍ଲିୟରାନ୍ସ ଅଥରିଟି (HLCA) ୫ଟି ଶିଳ୍ପ ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛନ୍ତି। ଏହି ୫ଟି ପ୍ରକଳ୍ପଗୁଡ଼ିକ ମାଧ୍ୟମରେ ମୋଟ ୩୫,୭୬୦ କୋଟି ଟଙ୍କାର ପୁଞ୍ଜିନିବେଶ ଆସିବ ଓ ଏଗୁଡ଼ିକରେ ପ୍ରାୟ ୩୮,୧୦୦ଟି ନିଯୁକ୍ତି ସୁଯୋଗ ସୃଷ୍ଟି ହେବ ।
-
ଏପ୍ରିଲ୍ ୧ ତାରିଖଠାରୁ ସାରା ଦେଶରେ ସଂଶୋଧିତ ବନ୍ୟପ୍ରାଣୀ (ସଂରକ୍ଷଣ) ଆଇନ୍ ୨୦୨୨ ଲାଗୁ ହେଉଛି।ସିଡ୍ୟୁଲ୍-୧ ଓ ୨ ରେ ଭାରତୀୟ ବନ୍ୟପ୍ରାଣୀମାନଙ୍କୁ ରଖାଯାଇଥିବା ବେଳେ ସିଡ୍ୟୁଲ୍-୩ରେ ଗଛ ଓ ସିଡ୍ୟୁଲ୍-୪ରେ ବିଦେଶୀ ପଶୁ ପକ୍ଷୀଙ୍କୁ ସାମିଲ୍ କରାଯାଇଛି। ସିଡ୍ୟୁଲ-୧ର ପାର୍ଟ-ଏ’ରେ ସ୍ତନ୍ୟପାୟୀ ପ୍ରାଣୀ ରହିଛନ୍ତି। ଏଥିରେ ବାଦୁଡ଼ି, ଭାଲୁ, ବିଲୁଆ, ବଣଭୁଆଁ, ନେଉଳ, ଶାଳଆପତନି, ଝିଙ୍କ ଆଦି ରହିଛନ୍ତି। ସିଡ୍ୟୁଲ୍-୧ର ପାର୍ଟ-ବି’ ପକ୍ଷୀଙ୍କୁ ସାମିଲ କରାଯାଇଛି।
-
ପୂର୍ବରୁ ବନ୍ୟପ୍ରାଣୀ ସମ୍ପର୍କିତ ଅପରାଧ ପାଇଁ ଯେଉଁ କ୍ଷେତ୍ରରେ ଜରିମାନା ୨୫ ହଜାର ଥିଲା ତାହାକୁ ୧ ଲକ୍ଷ ଟଙ୍କା କରାଯାଇଛି। ୧୦ ହଜାର ଜରିମାନା ପରିମାଣକୁ ବୃଦ୍ଧି କରାଯାଇ ୨୫ ହଜାର କରାଯାଇଛି। ଏଣିକି ଅଭୟାରଣ୍ୟ ଅଞ୍ଚଳର ୧୦ କିଲୋମିଟର ପରିମିତ ଅଞ୍ଚଳରେ ବନ୍ଧୁକ ଲାଇସେନ୍ସ ଦିଆଯିବ ନାହିଁ।
-
ଓମଫେଡ୍ କ୍ଷୀର ଉପରେ ବର୍ଦ୍ଧିତ ଦର ଲାଗୁ ହୋଇଛି । ଲିଟର ପିଛା ୪ ଟଙ୍କା ବୃଦ୍ଧି ପାଇଛି ଓମଫେଡ୍ କ୍ଷୀର । ବର୍ଦ୍ଧିତ ମୂଲ୍ୟର ସିଂହ ଭାଗ ଦୁଗ୍ଧଚାଷୀଙ୍କୁ ମିଳିବ ବୋଲି କୁହାଯାଇଛି । ବର୍ଦ୍ଧିତ ୪ ଟଙ୍କାରୁ ଦୁଗ୍ଧଚାଷୀଙ୍କୁ ସିଧାସଳଖ ମିଳିବ ୩ ଟଙ୍କା ୫୦ ପଇସା। ଗୋଖାଦ୍ୟ ସମେତ ଗୋପାଳନ ପାଇଁ ଆବଶ୍ୟକ ସମସ୍ତ ସାମଗ୍ରୀର ଦରଦାମ ବୃଦ୍ଧି ଦୃଷ୍ଟିରୁ କ୍ଷୀର ଦର ବୃଦ୍ଧି କରିବାକୁ ଦୁଗ୍ଧଚାଷୀଙ୍କ ପକ୍ଷରୁ ଦାବି ହୋଇ ଆସୁଥିଲା ।
-
ଆମେରିକାର ପ୍ରଥମ ରାଜ୍ୟ ଜର୍ଜିଆରେ ହିନ୍ଦୁଫୋବିୟା (ହିନ୍ଦୁବିଦ୍ବେଷ)କୁ ବିରୋଧ କରି ବିଧାନସଭାରେ ଏକ ପ୍ରସ୍ତାବ ଗୃହୀତ ହୋଇଛି। ହିନ୍ଦୁବିଦ୍ବେଷ ଓ ହିନ୍ଦୁଙ୍କ ପ୍ରତି ଅସହିଷ୍ଣୁତାକୁ ଏଥିରେ ନିନ୍ଦା କରାଯାଇଛି।
-
ଇଟାଲି ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ଦଳ ଦେଶରେ ସରକାରୀ ଯୋଗାଯୋଗ କ୍ଷେତ୍ରରେ ସରକାରୀ ଓ ଘରୋଇ ସଂସ୍ଥାଗୁଡ଼ିକ ବିଦେଶୀ ଶବ୍ଦ, ବିଶେଷତଃ ଇଂରାଜୀର ବ୍ୟବହାରକୁ ନିଷିଦ୍ଧ କରିବା ପାଇଁ ଏକ ଆଇନ ଆଣିବାକୁ ପ୍ରସ୍ତାବ ଦେଇଛି।
-
ବାଳକଙ୍କ ବୟସ ମାତ୍ର ୪ ବର୍ଷ ୨୧୮ ଦିନ। ଅଥଚ ସେ ଏକ ପୁସ୍ତକ ପ୍ରଣୟନ କରି ଓ ପ୍ରକାଶ କରି ଗିନିସ୍ ବିଶ୍ବ ରେକର୍ଡରେ କନିଷ୍ଠତମ ପୁସ୍ତକ ପ୍ରକାଶକ ଭାବେ ସ୍ଥାନ ପାଇଛନ୍ତି। ଏହି ବିସ୍ମୟ ବାଳକ ହେଉଛନ୍ତି ଆବୁଧାବିର ସଇଦ ରସିଦ ଆଲମିରି।
-
ଭାରତରେ ୨୦୨୨-୨୩ ଆର୍ଥିକ ବର୍ଷରେ ଦିନକୁ ହାରାହାରି ୩,୭୨,୮୪୦ ଜଣ ଯାତ୍ରୀ ବିମାନରେ ଯାତ୍ରା କରିଛନ୍ତି। ୨୦୨୧-୨୨ ଆର୍ଥିକ ବର୍ଷ ତୁଳନାରେ ଏଥିରେ ୫୯.୮୧ ପ୍ରତିଶତ ବୃଦ୍ଧି ଘଟିଛି ବୋଲି ଏକ ତଥ୍ୟରୁ ଜଣାଯାଇଛି।
-
୨୦୨୨-୨୩ ଆର୍ଥିକ ବର୍ଷରେ ଅନ୍ୟ ଦେଶଗୁଡ଼ିକ ଭଳି ମଧ୍ୟ ଭାରତୀୟ ମୁଦ୍ରା ଟଙ୍କା ଅସ୍ଥିର ରହିବା ସହିତ ତଳକୁ ଖସିଛି। ରୁଷ-ୟୁକ୍ରେନ ଯୁଦ୍ଧ ସହିତ ଆମେରିକାର କେନ୍ଦ୍ରୀୟ ବ୍ୟାଙ୍କ ପକ୍ଷରୁ ସୁଧ ହାର ବୃଦ୍ଧି ଫଳରେ ଏଭଳି ସ୍ଥିତି ଦେଖାଦେଇଛି।
-
ମହାନଦୀ କୋଲ୍ ଫିଲ୍ଡ୍ସ (ଏମ୍ସିଏଲ୍) ପକ୍ଷରୁ ଝାରସୁଗୁଡ଼ାରେ ନିର୍ମାଣାଧୀନ କାର୍ଡିଆକ୍ କେୟାର ସେଣ୍ଟର ଶୀଘ୍ର କାର୍ଯ୍ୟକ୍ଷମ ହେବ। ଏଥିପାଇଁ କୋଠା ନିର୍ମାଣ କାର୍ଯ୍ୟ ଶେଷ ହୋଇଛି ବୋଲି ଏମସିଏଲ୍ ପକ୍ଷରୁ ଆଜି ସୂଚନା ଦିଆଯାଇଛି।
-
ଦେଶର ଜିଏସଟି ରାଜସ୍ବ ସଂଗ୍ରହରେ ଅଭୁତପୂର୍ବ ଅଭିବୃଦ୍ଧି ପରିଲକ୍ଷିତ ହୋଇଛି । ମାର୍ଚ୍ଚ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୬୦ ହଜାର କୋଟିକୁ ବୃଦ୍ଧି ପାଇଛି । ଏହା ମାର୍ଚ୍ଚ ୨୦୨୨ ତୁଳନାରେ ୧୩ ପ୍ରତିଶତ ଅଧିକ ।
-
ନୂଆ ଦର ଅନୁଯାୟୀ ଜାତୀୟ ରାଜପଥରେ ଗାଡି ଚଳାଇବା ପାଇଁ ଆପଣଙ୍କୁ ଏବେ କିଲୋମିଟର ପିଛା ୧ ଟଙ୍କା ୪୩ ପଇସା ଦେବାକୁ ପଡିବ, ଯାହା ପୂର୍ବରୁ କିଲୋମିଟର ପିଛା ୧ ଟଙ୍କା ୩୬ ପଇସା ଥିଲା । ସେହିପରି ଭାରି ଯାନଗୁଡ଼ିକୁ ଏବେ ଟୋଲ୍ ଟ୍ୟାକ୍ସରେ ପୂର୍ବ ତୁଳନାରେ ୪୦ ଟଙ୍କା ଅଧିକ ଦେବାକୁ ପଡ଼ିବ।
-
ସରକାରୀ କମ୍ପାନିଗୁଡ଼ିକ ବାଣିଜ୍ୟିକ ଏଲ୍ପିଜି ମୂଲ୍ୟ ହ୍ରାସ ଘୋଷଣା କରିଛନ୍ତି। ୧୯.୨ କିଗ୍ରା ବିଶିଷ୍ଟ ବାଣିଜ୍ୟିକ ଏଲ୍ପିଜି ଦାମ ଦିଲ୍ଲୀରେ ୯୧ ଟଙ୍କା ୫୦ ପଇସା ହ୍ରାସ ପାଇ ୨୦୨୮ ଟଙ୍କା ରହିଛି।
-
‘ନୂଆ ବୈଦେଶିକ ବାଣିଜ୍ୟ ନୀତି-୨୦୨୩’ ଆସନ୍ତାକାଲି ଠାରୁ ଲାଗୁ ହେବ। ଏହି ନୀତି ଅନୁଯାୟୀ ଟଙ୍କାରେ ବିଦେଶରେ ବ୍ୟବସାୟ କରିବା ସହଜ ହେବ ବୋଲି ଗୋଏଲ କହିଛନ୍ତି।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.