- ହାଇକୋର୍ଟ ତାର ୭୫ତମ ପ୍ରତିଷ୍ଠା ଦିବସ ତଥା ୨୦୨୨ଜୁଲାଇ୨୬ରୁ ୭୫ତମ ବର୍ଷ ପୂର୍ତ୍ତି ୨୦୨୩ଜୁଲାଇ୨୬ ପର୍ଯ୍ୟନ୍ତ ଅନେକ କାର୍ଯ୍ୟକ୍ରମ ଗ୍ରହଣ କରିଆସିଛି । ତେବେ ହାଇକୋର୍ଟର ୭୫ତମ ବର୍ଷ ପୂର୍ତ୍ତିକୁ ସ୍ମରଣୀୟ କରିବା ପାଇଁ ଏହାର ଠିକ ଦୁଇ ଦିନ ପୂର୍ବରୁ ହାଇକୋର୍ଟଙ୍କ ଗୋଟିଏ ଖଣ୍ଡପୀଠ ଗୋଟିଏ ଦିନରେ ୭୫ଟି ମାମଲାର ରାୟ ପ୍ରକାଶ କରି ଉଦାହରଣ ସୃଷ୍ଟି କରିଛନ୍ତି ।
- ଭୁବନେଶ୍ବର ଓ ରାଉରକେଲା ସ୍ମାର୍ଟ ସିଟିର ସମୁଦାୟ ୮୫ଟି ପ୍ରକଳ୍ପର କାର୍ଯ୍ୟ ଶେଷ ହୋଇଥିବାବେଳେ ୧୪ଟି ପ୍ରକଳ୍ପର କାର୍ଯ୍ୟ ଜାରି ରହିଛି। ଦୁଇଟି ସ୍ମାର୍ଟ ସିଟିର ୯୯ଟି ପ୍ରକଳ୍ପ ପାଇଁ ଖର୍ଚ୍ଚ ହୋଇଛି ୩୬୭୨.୬୩ କୋଟି ଟଙ୍କା।
- ଇସ୍ରୋ ଦ୍ବାରା ଜୁଲାଇ ୩୦ ସକାଳ ସାଢ଼େ ୬ଟାରେ ଡିଏସ୍-ଏସ୍ଏଆର୍ ସାଟେଲାଇଟ୍ ସମେତ ସିଙ୍ଗାପୁରର ୭ଟି କୃତ୍ରିମ ଉପଗ୍ରହକୁ ପିଏସ୍ଏଲ୍ଭି-ସି୫୬ ଦ୍ବାରା ମହାକାଶକୁ ଛଡ଼ାଯିବ। ଡିଏସ୍-ଏସ୍ଏଆର୍ ଉପଗ୍ରହଟିକୁ ସିଙ୍ଗାପୁରର ପ୍ରତିରକ୍ଷା ବିଜ୍ଞାନ ଓ ପ୍ରଯୁକ୍ତି ସଂସ୍ଥା (ଡିଏସ୍ଟିଏ) ଓ ଏସ୍ଟି ଇଂଜିନିୟରିଂର ସହଯୋଗରେ ନିର୍ମାଣ କରାଯାଇଛି।
- ୧୫ ବର୍ଷରୁ ଅଧିକ ହୋଇସାରିଥିବା ଗାଡିକୁ ସ୍କ୍ରାପିଂ କରାଯାଇ ଗାଡି ମାଲିକଙ୍କୁ ଉଚିତ ମୂଲ୍ୟ ପ୍ରଦାନ କରାଯିବ। ରାଜ୍ୟରେ ବିଧିବଦ୍ଧ ଭାବେ ଗାଡ଼ି ସ୍କ୍ରାପିଂ ଆରମ୍ଭ ହୋଇଛି। ଖୋର୍ଦ୍ଧା ପିତାପଲ୍ଲୀ ଠାରେ କାର୍ଯ୍ୟକ୍ଷମ ହୋଇଛି ରାଜ୍ୟର ପ୍ରଥମ ଗାଡ଼ି ସ୍କ୍ରାପିଂ ୟୁନିଟ୍।
- ରାଜ୍ୟରେ ୭ହଜାର ୨୭୬ ଡାକ୍ତର ପଦବୀ ପୂରଣ ପାଇଁ ପ୍ରକ୍ରିୟା ଆରମ୍ଭ ହୋଇଛି ।
- ଗ୍ୟାଙ୍ଗଷ୍ଟର ଟିଟୋକୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଜାମିନର ସର୍ତ୍ତ ଖିଲାପ କରିଥିବାରୁ ଗ୍ୟାଙ୍ଗଷ୍ଟର ଟିଟୋକୁ ପୁଣିଥରେ ଜେଲ ପଠାଇବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ ସଙ୍ଗମ କୁମାର ସାହୁଙ୍କ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି ।
- ପଶ୍ଚିମ ଓଡ଼ିଶାର ବରିଷ୍ଠ ବିଜେପି ନେତା ଜଗଦୀଶ ବିଶ୍ୱାଳ ବିଜେଡିରେ ଯୋଗଦେଇଛନ୍ତି ।
- ରାଷ୍ଟ୍ରପତି ଜୁଲାଇ ୨୫ରୁ ୨୭ ଯାଏଁ ଓଡ଼ିଶାରେ ରହିବେ। ଏହାପୂର୍ବରୁ ବ୍ଲୁ ବୁକ୍ ଆଧାରରେ ସୁରକ୍ଷା ବ୍ୟବସ୍ଥା କରାଯାଇଛି। ରୁଟ୍ ଲାଇନ, କାରକେଡ, ଟ୍ରାଫିକ ଓ ପାର୍କିଂ ପାଇଁ ବ୍ୟବସ୍ଥା ହୋଇଥିବା ଡିସିପି ପ୍ରତୀକ ସିଂ କହିଛନ୍ତି ।
- ମସ୍କଙ୍କ ବୈଦ୍ୟୁତିକ କାର(ଇଭି) କମ୍ପାନୀ ଟେସ୍ଲା ଖୁବ୍ ଶୀଘ୍ର ଭାରତୀୟ ବଜାରରେ ପ୍ରବେଶ କରିବ। କିନ୍ତୁ ଟେସଲାକୁ ପ୍ରୋତ୍ସାହିତ କରିବା ପାଇଁ କୌଣସି ଅଲଗା ନୀତି ପ୍ରଣୟନ କରିବାର କୌଣସି ଯୋଜନା ନାହିଁ।
- ପିଏଫ୍ ଉପରେ ସୁଧ ହାରକୁ ୮.୧୫ ପ୍ରତିଶତ ବୃଦ୍ଧି କରିବାକୁ ୨୦୨୨-୨୩ ଆର୍ଥିକ ବର୍ଷ ପାଇଁ ନିର୍ଦ୍ଧାରଣ କରିଥିଲା କର୍ମଚାରୀ ଭବିଷ୍ୟନିଧି ବୋର୍ଡ । ସରକାର ସୋମବାର ଏକ ନିର୍ଦ୍ଦେଶନାମା ଜାରି କରି ଘୋଷଣା କରିଛନ୍ତି ଯେ ୨୦୨୨-୨୩ ଆର୍ଥିକ ବର୍ଷ ପାଇଁ ଇପିଏଫ ଖାତାଧାରୀଙ୍କୁ ପୂର୍ବ ବର୍ଷ ତୁଳନାରେ ୦.୦୫ ପ୍ରତିଶତ ଅଧିକ ସୁଧ ଦିଆଯିବ ।
- ହାଇଦ୍ରାବାଦ ପୁଲିସ ଏକ ବଡ଼ ଠକେଇ ରାକେଟର ପର୍ଦ୍ଦାଫାସ କରିଛି ଯେଉଁଥିରେ ଗତ ଏକ ବର୍ଷରୁ କମ୍ ସମୟ ମଧ୍ୟରେ ପାଖାପାଖି ୧୫,୦୦୦ ଭାରତୀୟ ୭୦୦ କୋଟି ଟଙ୍କାରୁ ଅଧିକ ଠକେଇର ଶିକାର ହୋଇଛନ୍ତି ।
- ମେଘାଳୟ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଉତ୍ତ୍ୟକ୍ତ ଜନତାଙ୍କ ଆକ୍ରମଣ, ୫ ଆହତ ।
- ବାରାଣାସୀ ଜ୍ଞାନବ୍ୟାପୀ ମସଜିଦରେ ହେବନି ଏଏସଆଇର ସର୍ଭେ, ୨୬ ଜୁଲାଇ ସନ୍ଧ୍ୟା ୫ଟା ପର୍ଯ୍ୟନ୍ତ ସର୍ଭେ ଉପରେ ରୋକ ଲଗାଇଲେ ସର୍ବୋଚ୍ଚ ନ୍ୟାୟାଳୟ ।
- ଭୁବନେଶ୍ୱରର ମାର୍କେଟ ବିଲ୍ଡିଂ ବନ୍ଦ ରହିଛି । ୭ ଦିନ ବିତିଲାଣି, ସ୍ଥାୟୀ-ଅସ୍ଥାୟୀ ଦୋକାନୀଙ୍କ ମଧ୍ୟରେ ବିବାଦ ତୁଟୁନି । ବିଏମସି ହାତ ବାନ୍ଧି ବସିଛି ।
- କର୍ଣ୍ଣାଟକ ହାଇକୋର୍ଟର ସମସ୍ତ ବିଚାରପତିଙ୍କୁ ହତ୍ୟା ଧମକ, ଦୁର୍ବୃତ୍ତ କହିଲା- ବଞ୍ଚିବାକୁ ଚାହୁଁଥିଲେ ୫୦ ଲକ୍ଷ ଦିଅ।
- ଓଡିଶାରେ ଜାତୀୟ ଗୁରତ୍ବ ବହନ କରୁଥିବା ୮୦ ଟି ପ୍ରାଚୀନ କୀର୍ତ୍ତିରାଜି ଓ ପ୍ରତ୍ନତତ୍ତ୍ବ ସ୍ଥାନ ଓ ଅବଶିଷ୍ଟାଂଶ ରହିଛି ଯାହାର ବିବରଣୀ ଏଏସ୍ଆଇ ୱେବ୍ସାଇଟରେ ଉପଲବ୍ଧ ରହିଛି।
- ସରକାର ମଣିପୁର ପ୍ରସଙ୍ଗରେ ଲୋକସଭାରେ ଆଲୋଚନା ପାଇଁ ପ୍ରସ୍ତୁତ ଅଛନ୍ତି ବୋଲି କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଲୋକସଭାରେ କହିଛନ୍ତି।
- ନିର୍ବାଚନ କମିଶନ ଆସାମର ଲୋକ ସଭା ଓ ବିଧାନସଭା ନିର୍ବାଚନ ମଣ୍ଡଳୀଗୁଡ଼ିକର ସୀମା ପୁନଃନିର୍ଦ୍ଧାରଣ ପ୍ରକ୍ରିୟା ଚଳାଇଥିବାବେଳେ ଏହା ଉପରେ ସ୍ଥଗିତାଦେଶ ଲଗାଇବାକୁ ସୁପ୍ରିମକୋର୍ଟ ସୋମବାର ମନା କରିଦେଇଛନ୍ତି।
- ଟ୍ବିଟର ଏହାର ଦୀର୍ଘଦିନର ପରିଚୟ ହରାଇଛି। ନୂଆ ମାଲିକ ଏଲନ୍ ମସ୍କ ଟ୍ବିଟରର ଚର୍ଚ୍ଚିତ ନୀଳ ଚଢ଼େଇକୁ ହଟାଇ ଦେଇଛନ୍ତି। ସେହି ସ୍ଥାନରେ ଇଂରାଜି ଅକ୍ଷର ‘ଏକ୍ସ’ ବ୍ୟବହାର କରିଛନ୍ତି
- ଫ୍ରାନ୍ସର ତାରକା ଫୁଟବଲ୍ ଖେଳାଳି କାଇଲିନ୍ ଏମ୍ବାପେଙ୍କୁ ରେକର୍ଡ ମୂଲ୍ୟରେ କିଣିବା ପାଇଁ ସାଉଦି ଆରବୀୟ କ୍ଲବ୍ ଅଲ୍ ହିଲାଲ୍ ଆଗ୍ରହ ଦେଖାଇଛି। ବର୍ତ୍ତମାନ ପ୍ୟାରିସ୍ ସେଣ୍ଟ ଜର୍ମେନ୍ (ପିଏସ୍ଜି) ପାଇଁ ଖେଳୁଥିବା ଏମ୍ବାପେ ୨୦୨୪ ମସିହାରୁ ମୁକ୍ତ ହୋଇଯିବେ।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.