ଆଜିର ଅନୁଚିନ୍ତା ......
କଲରା ପାଟିକୁ ପିତା ଲାଗିଲେ କଣ ହେବ କିନ୍ତୁ ଶରୀର ପାଇଁ ହିତକର, ସେହିପରି ଗୁରୁଜନଙ୍କ ଗାଳି ଗୁଲଜ କାନକୁ ଖରାପ ଲାଗିଲେ କଣ ହେବ ଜୀବନ ସକାଶେ ହିତକର ।
- ଏଣିକି ମନ୍ତ୍ରାଳୟ, ସରକାରୀ ଅଫିସ ସମେତ ସାର୍ବଜନିକ ଉପକ୍ରମ କାର୍ଯ୍ୟାଳୟରେ ଭାରତର ସଞ୍ଚାର ନିଗମ ଲିମିଟେଡ (ବିଏସଏନଏଲ) ଓ ମହାନଗର ଟେଲିଫୋନ ନିଗମ ଲିମିଟେଡ (ଏମଟିଏନଏଲ) ଟେଲିଫୋନ ସେବା ଉପଲବ୍ଧ କରିବା ବାଧ୍ୟତାମୂଳକ କରିଛନ୍ତି କେନ୍ଦ୍ର ସରକାର ।
- ଶିକ୍ଷା, ଶିକ୍ଷଣ ଏବଂ ରାଜ୍ୟଗୁଡ଼ିକରେ ଶିକ୍ଷା ସମ୍ପର୍କିତ ଫଳାଫଳ ମଜବୁତ କରିବା ନିମନ୍ତେ Strengthening Teaching-Learning and Results for States (STARS) ପ୍ରକଳ୍ପକୁ ଅନୁମୋଦନ ମିଳିଥିବା କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି। ଏଥିପାଇଁ ବିଶ୍ବବ୍ୟାଙ୍କ ୫ ହଜାର ୭୧୮ କୋଟି ଟଙ୍କା ସହାୟତା ଯୋଗାଇଦେବ।
- ସରକାରୀ ଚାକିରି କ୍ଷେତ୍ରରେ ରାଜ୍ୟର ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ବ୍ୟବସ୍ଥା କରିଛନ୍ତି ପଞ୍ଜାବ ସରକାର ।
- ଜାତିସଂଘର ୪୭ସଦସ୍ୟ ବିଶିଷ୍ଟ ମାନବାଧିକାର ପରିଷଦ ସଦସ୍ୟ ଭାବେ ପୁନର୍ବାର ନିର୍ବାଚିତ ହୋଇଛି ଚୀନ।
- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଶୁକ୍ରବାର ଦିନ ଖାଦ୍ୟ ଓ କୃଷି ସଂଗଠନର ୭୫ତମ ବାର୍ଷିକୀ ପାଳନ ଅବସରରେ ଏକ ୭୫ ଟଙ୍କିଆ ସ୍ମାରକୀ ମୁଦ୍ରା ଉନ୍ମୋଚନ କରିବେ ।
- ଦୁବାଇ ଇଣ୍ଟରନ୍ୟାସନାଲ କ୍ରିକେଟ ଷ୍ଟାଡିୟମଠାରେ ଚାଲିଥିବା ଚଳିତ ଆଇପିଏଲର ୩୦ତମ ମ୍ୟାଚରେ ରାଜସ୍ଥାନ ରୟାଲ୍ସକୁ ୧୩ ରନ୍ରେ ପରାସ୍ତ କଲା ଦିଲ୍ଲୀ କ୍ୟାପିଟାଲ୍ସ ।
- ଉତ୍କୃଷ୍ଟ ସିଏସ୍ଆର କାର୍ଯ୍ୟକ୍ରମ ପାଇଁ ନାଲ୍କୋକୁ ଆଇସିସି ପିଏସ୍ଇ ଏକ୍ସିଲେନ୍ସ ଆୱାର୍ଡ ।
- ଅମାନିଆଙ୍କୁ ନେଇ ବଢିଲା ଚିନ୍ତା, ୨୬ରୁ ୬୦ ବର୍ଷ ବୟସ୍କ Covid ଆକ୍ରାନ୍ତଙ୍କ ମୃତ୍ୟୁ ହାର ୪୫%, ସତର୍କ କଲେ ସ୍ୱାସ୍ଥ୍ୟମନ୍ତ୍ରାଳୟ।
- କରୋନାଭୂତାଣୁ ଦ୍ବାରା ସଂକ୍ରମିତ ହୋଇଥିବା ପ୍ରାୟ ୬,୦୦୦ ଲୋକଙ୍କ ଆଣ୍ଟିବଡି ନମୁନାକୁ ଅଧ୍ୟୟନ କରି ଆମେରିକାରେ ଗବେଷକମାନେ କୋଭିଡ୍ ବିରୋଧୀ ରୋଗପ୍ରତିରୋଧକତା ସମ୍ପର୍କରେ ନୂତନ ତଥ୍ୟ ଆବିଷ୍କାର କରିଛନ୍ତି। ଜଣେ କୋଭିଡ୍ ପୀଡ଼ିତ ସୁସ୍ଥ ହେଲା ପରେ ତାଙ୍କ ଶରୀରରେ ଦୀର୍ଘ ୫ ମାସ ଯାଏ କରୋନାଭୂତାଣୁ ସାର୍ସ-କୋଭ୍-୨ ବିରୋଧରେ ରୋଗପ୍ରତିରୋଧକତା ରହିପାରୁଛି ବୋଲି ଆରିଜୋନା ବିଶ୍ବବିଦ୍ୟାଳୟରେ ସହପ୍ରାଧ୍ୟାପକ ଥିବା ଭାରତୀୟ ବଂଶୋଦ୍ଭବ ଦୀପ୍ତ ଭଟ୍ଟାଚାର୍ଯ୍ୟଙ୍କ ନେତୃତ୍ବରେ ଗବେଷଣାରତ ଗବେଷକମାନେ ଦାବି କରିଛନ୍ତି।
- ୨୦୧୦ରୁ ‘ଜାତି ସ˚ଘ’ର ଅନୁମୋଦନକ୍ରମେ, ଭାରତର ପୂର୍ବତନ ରାଷ୍ଟ୍ରପତି ଅବୁଲ ପକିର ଜୈନୁଲାଅବଦୀନ ଅବଦୁଲ କଲାମଙ୍କ ସମ୍ମାନର୍ଥେ ପ୍ରତି ବର୍ଷ ଅକ୍ଟୋବର ୧୫ରେ ପାଳନ କରାଯାଉଛି ‘ବିଶ୍ୱ ବିଦ୍ୟାର୍ଥୀ ଦିବସ’।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.