- ପୂରୁଣା ବର୍ଷକୁ ବିଦାୟ ଦେଇ ନୂଆ ବର୍ଷକୁ ସ୍ବାଗତ ପାଇଁ ସମସ୍ତଙ୍କ ମନରେ ଉତ୍ସାହ । ହେଲେ କରୋନା କଟକଣା ପାଇଁ ଏଥର ନୂଆବର୍ଷ ସେଲିବ୍ରେସନ ଫିକା ପଡିଛି । ପିଲାଠୁ ବୟସ୍କ ସମସ୍ତେ ନୂଆ ବର୍ଷକୁ ସ୍ବାଗତ କରିଛନ୍ତି । ହେଲେ କେଉଁଠି ସେଲିବ୍ରେସନ ହୋଇନି ।
- ଦେଶରେ ଓମିକ୍ରନ୍ ପ୍ରଜାତି ଦ୍ବାରା ଦ୍ରୁତ ସଂକ୍ରମଣ ଜାରି ରହିଛି ଏବଂ ଆଜି ସନ୍ଧ୍ୟା ସୁଦ୍ଧା ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୧୩ ଶହ ଟପିଯାଇଛି । କେରଳରେ ୪୪ ଓ କର୍ଣ୍ଣାଟକରେ ୨୩ଟି ନୂଆ ମାମଲା ଠାବ ହୋଇଛି।
- କରୋନା ଭାଇରସ୍ ମହାମାରୀରେ ବିଶ୍ବବ୍ୟାପୀ ଆତଙ୍କିତ ହୋଇଛନ୍ତି। ଗତ ୨୪ ଘଣ୍ଟା ମଧ୍ୟରେ ୧୫ ଲକ୍ଷ ୧୯ ହଜାର ୧୨୨ ଜଣ ସଂକ୍ରମିତ ହୋଇଛନ୍ତି। ମୃତକଙ୍କ ସଂଖ୍ୟା ୫୫୫୨ ହୋଇଛି। ଆମେରିକା, ଭାରତ, ବ୍ରାଜିଲ, ବ୍ରିଟେନ୍, ଋଷିଆ, ସ୍ପେନ ଓ ଫ୍ରାନ୍ସରେ କରୋନା ଭାଇରସ ସଂକ୍ରମଣ ଅଧିକ ବ୍ୟାପିଛି।
- ଓଡିଶା ପୋଲିସ ମୁଖିଆ ଭାବେ କର୍ତ୍ତବ୍ୟ ସମ୍ପାଦନ କରିଥିବା ଅଭୟଙ୍କୁ ରାଜ୍ୟ ସରକାର ଏସଟିଏଫ(ନାର୍କୋଟିକ୍ସ) ଅଧ୍ୟକ୍ଷ ଭାବେ ନିଯୁକ୍ତି ପ୍ରଦାନ କରିଛନ୍ତି । ନିଯୁକ୍ତି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଅବସର ପରେ ଅଭୟଙ୍କୁ ମିଳିବ ମୁଖ୍ୟ ଶାସନ ସଚିବ ପାହ୍ୟା ।
- ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୨୮ ପ୍ରତିଶତରୁ ୩୧ ପ୍ରତିଶତକୁ ବୃଦ୍ଧି ପାଇଲା। ଏହା ୦୧.୦୭.୨୦୨୧ରୁ ପିଚ୍ଛିଲା ଭାବରେ ଲାଗୁ ହେବ। ସଂଶୋଧିତ ହାରରେ ପେନ୍ସନ ପାଉଥିବା ପେନ୍ସନଭୋଗୀ ମାନଙ୍କ ଟି.ଆଇ ରେ ମଧ୍ୟ ତିନି ପ୍ରତିଶତ ବୃଦ୍ଧି କରାଯାଇଛି।
- ଚଳିତ ଅଣ୍ଡର-୧୯ ଏସିଆ କପ ଜିତିଲା ଟିମ୍ ଇଣ୍ଡିଆ । ଶ୍ରୀଲଙ୍କାକୁ ୯ ଓ୍ୱିକେଟରେ ପରାସ୍ତ କରି ଏସିଆ କପ୍ ଟ୍ରଫି ଉଠାଇଛି ଟିମ୍ ଇଣ୍ଡିଆ ।
- ନୂଆ ନିୟମ ଅନୁସାରେ ନୂଆ ବର୍ଷ ପୂର୍ବରୁ ମୁମ୍ବାଇରେ ଜାରି କରାଯାଇଥିବା ୧୪୪ ଧାରାକୁ ୧୫ ଜାନୁଆରୀ ପର୍ଯ୍ୟନ୍ତ ବଢାଇ ଦିଆଯାଇଛି । ସନ୍ଧ୍ୟା ୫ଟାରୁ ନେଇ ସକାଳ ୫ଟା ପର୍ଯ୍ୟନ୍ତ ବିଭିନ୍ନ ସ୍ଥାନରେ କଡ଼ା କଟକଣା ଲାଗୁ କରାଯାଇଛି । ସମୁଦ୍ର କୂଳ, ଖୋଲା ପଡିଆ, ଗାର୍ଡେନ, ପାର୍କ ଓ ଅନ୍ୟ ସାର୍ବଜାନୀନ ସ୍ଥାନରେ ସନ୍ଧ୍ୟା ୫ଟାରୁ ସକାଳ ୫ଟା ପର୍ଯ୍ୟନ୍ତ ସାଧାରଣ ଲୋକଙ୍କ ଯିବା ଆସିବା ଉପରେ ରୋକ ଲଗାଯାଇଛି ।
- ସୁସ୍ଥ ହେଲେ ସୌରଭ ଗାଙ୍ଗୁଲି । ଗତ ସୋମବାର ସୌରଭ ଗାଙ୍ଗୁଲି କୋଭିଡ ପଜିଟିଭ୍ ଚିହ୍ନଟ ହୋଇଥିଲେ ।
- ‘ଜଳ ଜୀବନ ମିସନ୍’ର କ୍ରିୟାନ୍ବୟନ ପାଇଁ ଆଜି ଓଡ଼ିଶାକୁ କେନ୍ଦ୍ର ସରକାର ୮୩୦.୩୫ କୋଟି ଟଙ୍କା ପ୍ରଦାନ କରିଛନ୍ତି। ‘ହର୍ ଘର୍ ଜଲ୍’ ଯୋଜନାରେ ୨୦୨୪ ସୁଦ୍ଧା ରାଜ୍ୟର ପ୍ରତି ଘରକୁ ପାନୀୟ ଜଳ ଯୋଗାଇ ଦେବାକୁ ମିସନ୍ ଲକ୍ଷ୍ୟ ରଖିଛି।
- ରାଜ୍ୟ ପରିବହନ ବିଭାଗରେ ଏଣିକି ନୋ ଅଫଲାଇନ୍, କେବଳ ଅନଲାଇନ । ଅର୍ଥାତ୍ ଡ଼ିଏଲ ଠୁ ଆରମ୍ଭ କରି ଗାଡି ପରିମିଟ୍ – ସବୁ କିଛି ଏଣିକି ଅନଲାଇନରେ ହେବ ।
- ATM ବ୍ୟବହାର କରିବା ଲାଗି ଆପଣଙ୍କୁ ଦେବାକୁ ପଡିବ ୫ପ୍ରତିଶତ ଅଧିକ ଚାର୍ଜ । ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ଗାଇଡଲାଇନ୍ ଅନୁଯାୟୀ ନିର୍ଦ୍ଧିଷ୍ଟ ସୀମାଠାରୁ ଅଧିକ ଥର ATMରୁ ଟଙ୍କା ଉଠାଣ ପାଇଁ ଆପଣ ଏବେ ୨୦ଟଙ୍କା ଦେଉଥିବା ବେଳେ ଏଣିକି ୨୧ ଟଙ୍କା ସହିତ GST ମଧ୍ୟ ଦେବାକୁ ପଡିବ ।
- ବ୍ୟାଙ୍କ ଲକରରୁ ଆପଣଙ୍କ ସାମଗ୍ରୀ ଚୋରି ହୋଇଗଲେ କିମ୍ବା ବ୍ୟାଙ୍କ କର୍ମଚାରୀ ହଡପ କରିଦେଲେ ବ୍ୟାଙ୍କମାନେ ନିଜ ମୁଣ୍ଡରୁ ଦାୟିତ୍ବ ଖସାଇ ପାରିବେନି । RBI ଗାଇଡଲାଇନ୍ ଅନୁୟାୟୀ ବ୍ୟାଙ୍କମାନେ ବାର୍ଷିକ ଲକର୍ ଚାର୍ଜର ସର୍ବାଧିକ ଶହେ ଗୁଣା ଦେବାକୁ ବାଧ୍ୟ ହେବେ ।
- ଇଣ୍ଡିଆନ ପୋଷ୍ଟ ପେମେଣ୍ଟ ବ୍ୟାଙ୍କରୁ ଟଙ୍କା ଉଠାଣ ଲାଗି ୧ ଜାନୁଆରୀ ୨୦୨୨ରୁ ନିୟମ ବଦଳିଯିବ । ମାସକରେ ୪ଥରରୁ ଅଧିକ ଟଙ୍କା ଉଠାଇଲେ, ଉଠାଣ ରାଶିର ୦.୫ପ୍ରତିଶତ ଚାର୍ଜ ଲାଗିବ । ଏହା ଉପରେ ଅଧିକ ଅତିରିକ୍ତ GST ଦେବାକୁ ପଡିବ ।
- ଡେବିଟ୍ କିମ୍ବା କ୍ରେଡିଟ୍ କାର୍ଡ ପେମେଣ୍ଟକୁ ଅଧିକ ନିରାପଦ କରିବା ଲାଗି ନୂଆବର୍ଷରୁ ନୂଆ ନିୟମ ଲାଗୁ କରିବାକୁ ଯାଉଛି ଭାରତୀୟ ରିଜର୍ଭ ବ୍ୟାଙ୍କ । ଅନଲାଇନ୍ ପେମେଣ୍ଟ କରିବା ଲାଗି ପ୍ରତିଥର ଆପଣଙ୍କୁ ୧୬ଟିକିଆ ଡେବିଟ୍ ବା କ୍ରେଡିଟ୍ କାର୍ଡ ନମ୍ବର ସହ ସମସ୍ତ ତଥ୍ୟ ଦେବାକୁ ପଡିବ । କିମ୍ବା ଏଥିପାଇଁ ଟୋକନ୍ ସିଷ୍ଟମ୍ ଆପଣାଇବାକୁ ପଡିବ । ଆପଣଙ୍କ କାର୍ଡର ତଥ୍ୟ କୌଣସି ଇକମର୍ସ ସାଇଟ୍ କିମ୍ବା ୱେବସାଇଟ୍ ସେଭ୍ କରି ରଖିପାରିବେ ନାହିଁ ।
- ଜମ୍ମୁସ୍ଥିତ ମାତା ବୈଷ୍ଣୋଦେବୀ ଧାମରେ ଦଳଚକଟା ହୋଇଥିବା ଜାତୀୟ ଗଣମାଧ୍ୟମର ଖବରରୁ ଜଣାପଡ଼ିଛି। ଏଥିରେ ୧୨ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ନେଇ ଚର୍ଚ୍ଚା ହେଉଛି।
- ଦାୟିତ୍ୱ ନେଲେ ନବନିଯୁକ୍ତ ପୋଲିସ ମହାନିର୍ଦ୍ଦେଶକ ସନୀଲ କୁମାର ବଂଶଲ। କଟକ ସ୍ଥିତ ପୋଲିସ ମୁଖ୍ୟାଳୟରେ ଅଭୟଙ୍କ ଠାରୁ ସେ ଦାଇତ୍ୱ ଗ୍ରହଣ କରିଛନ୍ତି।
- ଦେଶରେ ସାମଗ୍ରିକ କରୋନା ଟିକାକରଣ ଶୁକ୍ରବାର ୧୪୫ କୋଟି ଅତିକ୍ରମ କରିଛି । ଆଜି ସନ୍ଧ୍ୟା ସୁଦ୍ଧା ୧୪୫ କୋଟି ୧୫ ଲକ୍ଷ ୮୦ ହଜାରରୁ ଅଧିକ ପାନ ଟିକା ଦିଆଯାଇଛି ।
- ଜାନୁୟାରୀ ପହିଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ୍-କିଷାନର ଦଶମ କିସ୍ତି ପ୍ରଦାନ କରିବେ । ଦଶ କୋଟି ଚାଷୀ ପରିବାରଙ୍କୁ ୨୦ହଜାର କୋଟିରୁ ଅଧିକ ଅର୍ଥ ହସ୍ତାନ୍ତର ହେବ।
- କରୋନା ଟିକାକରଣ କ୍ଷେତ୍ରରେ ଓଡ଼ିଶା ଆଉ ଏକ ଉଲ୍ଲେଖନୀୟ ସଫଳତା ହାସଲ କରିଛି । ରାଜ୍ୟରେ ମୋଟ ଟିକାଦାନ ୫ କୋଟି ଅତିକ୍ରମ କରିଛି। ଶୁକ୍ରବାର ସନ୍ଧ୍ୟା ସୁଦ୍ଧା ମୋଟ ୫ କୋଟି ୫୬ ହଜାର ୩୧୧ପାନ ଟିକାଦାନ କରାଯାଇଛି।
- ଆସନ୍ତା ୩ ରୁ ହିଁ ଖୋଲିବ ପ୍ରଥମ ରୁ ପଞ୍ଚମ ଶ୍ରେଣୀ। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏନେଇ ଦ୍ୱନ୍ଦ୍ୱ ଦୂର କରିଛନ୍ତି। ନୋଡାଲ ଅଧିକାରୀ ମାନେ ଜିଲ୍ଲା ବୁଲୁଛନ୍ତି। ଡିଇଓ ଓ ବିଇଓଙ୍କ ସହ ସଚିବ ବୈଠକ କରୁଛନ୍ତି।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.