- ଭୋଟ ଗଣତିର ପ୍ରକ୍ରିୟା ପୂରା ଶେଷ ହୋଇ ନଥିଲେ ବି ଶେଷ ରିପୋର୍ଟ ପର୍ଯ୍ୟନ୍ତ ବିଜେଡି ୭୬୨, ବିଜେପି ୪୬ ଓ କଂଗ୍ରେସ ୩୬ଟି ଜିଲ୍ଲା ପରିଷଦ ଜୋନ୍ରେ ବିଜୟୀ ଅଥବା ଆଗୁଆ ରହିଛି । ଆଜି ମଧ୍ୟାହ୍ନ ୧୨ଟା ସୁଦ୍ଧା ସମସ୍ତ ଜିଲ୍ଲା ପରିଷଦ ଜୋନ୍ର ଫଳାଫଳ ଘୋଷଣା ହୋଇଯିବାର ଅନୁମାନ କରାଯାଉଛି ।
- ଗଞ୍ଜାମ ଜିଲ୍ଲା ଖଲ୍ଲିକୋଟରେ ଟ୍ରକ୍ ମାଲିକଙ୍କୁ ଫିଲ୍ମ ଷ୍ଟାଇଲରେ ମର୍ଡର । ମୃତକ ହେଲେ ତୋଟା ଗାଁର ଜିତେନ୍ଦ୍ର ଦଳେଇ । ବ୍ରହ୍ମପୁରରୁ ଘରକୁ ଫେରୁଥିବାବେଳେ ବଡ଼ଘାଟି ନିକଟରେ ଜିତେନ୍ଦ୍ରଙ୍କୁ ଆକ୍ରମଣ କରିଥିଲେ ୫ ଦୁର୍ବୃତ୍ତ ।
- ଶିକ୍ଷକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଜଗତସିଂହପୁର ଜିଲ୍ଲା ରାହାମା ଜବାହର ନବୋଦୟ ବିଦ୍ୟାଳୟର ଶିକ୍ଷୟିତ୍ରୀ ପ୍ରମିଳା ସାହୁଙ୍କୁ ମିଳିଛି ଜାତୀୟ ଆଇସିଟି ପୁରସ୍କାର ।
- ଲିଟର ପିଛା ୨ ଟଙ୍କା ଅମୂଲ କ୍ଷୀର ଦର ବଢ଼ାଇବା ଲାଗି ଘୋଷଣା କରିଛି କମ୍ପାନୀ । ଅମୂଲର ସମସ୍ତ ଭାରିଆଣ୍ଟ ଯଥା ଗୋଲ୍ଡ, ତାଜା, ଶକ୍ତି, ଟି-ସ୍ପେଶାଲ କ୍ଷୀର କ୍ଷେତ୍ରରେ ଏହି ବର୍ଦ୍ଧିତ ଦର ଲାଗୁ ହେବ । ଏନେଇ ସୂଚନା ଦେଇଛି ଗୁଜରାଟ କୋପରେଟିଭ ମିଲ୍କ ମାର୍କେଟିଂ ଫେଡେରେସନ ।
- ୟୁକ୍ରେନ ଉପରେ ସ୍ଥଳ, ଜଳ ଓ ଆକାଶ ମାର୍ଗରୁ ବୋମା ବର୍ଷଣ । ମାତ୍ର ୫ ଦିନରେ ଖଣ୍ଡର ପାଲଟି ଗଲାଣି ୟୁକ୍ରେନ ରାଜଧାନୀ କିଭ ସମେତ ପ୍ରାୟ ୩୦ ସହର । ଯେଉଁଠି ଯେଉଁଠି ଋଷର ବୋମା ବର୍ଷୁଛି, ସେହି ସ୍ଥାନ ନିମିଷକରେ ଭୂତ ଇଲାକାରେ ପରିଣତ ହୋଇଯାଉଛି ।
- ୧୨ ଘଣ୍ଟାରେ ୟୁକ୍ରେନ ଉପରେ କବଜା ପାଇଁ ପୁଟିନ କରିଥିଲେ ଯୋଜନା । କିନ୍ତୁ ଯୋଜନ କେବଳ ଯୋଜନା ହୋଇ ରହିଗଲା । ଯୁଦ୍ଧର ୪ ଦିନ ପରେ ବି ସମ୍ପୂର୍ଣ୍ଣ ୟୁକ୍ରେନ ଋଷ ସେନା ଅଧିକାରକୁ ଆସିପାରିନାହିଁ । ଋଷକୁ ଛାଡନ୍ତୁ ୟୁକ୍ରେନର ସମର୍ଥକ ମଧ୍ୟ ଭାବିଥିଲେ ୧୨ ଘଣ୍ଟା ନହେଲେ ବି ୨୪ ଘଣ୍ଟାରେ ରାଜଧାନୀ କିଭ୍ର ପତନ ଅବଶ୍ୟମ୍ଭାବୀ । କିନ୍ତୁ ସମସ୍ତଙ୍କୁ ଚକିତ କରି ଏବେ ମଧ୍ୟ କିଭ୍ ଛିଡାହୋଇଛି । କିଭ୍ର ମୋର୍ଚ୍ଚାବନ୍ଦୀ ଋଷସେନାକୁ ଅଡ଼ୁଆରେ ପକାଇଛି ।
- ଯୁଦ୍ଧ ବନ୍ଦ ପାଇଁ ରୁଷିଆ ଓ ୟୁକ୍ରେନ ମଧ୍ୟରେ ଚାଲିଥିବା ଆଲୋଚନା ଶେଷ ହୋଇଛି । ତେବେ ଏହି ଆଲୋଚନାରେ ଉଭୟ ପକ୍ଷ ମଧ୍ୟରେ କୌଣସି ସହମତି ହୋଇପାରି ନାହିଁ । ପରବର୍ତ୍ତୀ ପର୍ଯ୍ୟାୟ ଆଲୋଚନା ପୂର୍ବରୁ ନିଜ ନିଜ ସରକାରଙ୍କ ସହ ବିଚାରବିମର୍ଷ ପାଇଁ ଉଭୟ ଦେଶର ପ୍ରତିନିଧିମଣ୍ଡଳ ଫେରିଯାଇଛନ୍ତି ।
- ୟୁକ୍ରେନ ସଂକଟ ଉପରେ ମିଳିତ ଜାତିସଂଘ ସାଧାରଣ ପରିଷଦର ଏକ ଜରୁରୀକାଳୀନ ବୈଠକ ଆରମ୍ଭ ହୋଇଯାଇଛି । ଏହି ବୈଠକରେ ଜାତିସଂଘରେ ଅବସ୍ଥାପିତ ୟୁକ୍ରେନର ରାଷ୍ଟ୍ରଦୂତ କହିଛନ୍ତି ଯେ ଏହି ଯୁଦ୍ଧ ଯୋଗୁଁ ଉଭୟ ପକ୍ଷର ବ୍ୟାପକ କ୍ଷତି ହୋଇଛି । ରୁଷିଆର ହଜାର ହଜାର ସୈନ୍ୟ ମୃତ୍ୟୁବରଣ କରିଛନ୍ତି । ଏଣୁ ରୁଷିଆ ତୁରନ୍ତ ଯୁଦ୍ଧ ବନ୍ଦ କରୁ ଓ ନିଃସର୍ତ୍ତ ସୈନ୍ୟ ପ୍ରତ୍ୟାହାର କରୁ । ଏହା ସହିତ ଅନ୍ତର୍ଜାତୀୟ ମାନବ ଅଧିକାର ଆଇନର ପାଳନ କରୁ ।
- ୟୁରୋପୀୟ ସଂଘ ଋଷର କୌଣସି ବିମାନ ଚଳାଚଳ ଉପରେ ପ୍ରତିବନ୍ଧକ ଲଗାଇବା ପରେ ଏହାର ଜବାବ ଦେବାକୁ ଯାଇ ଋଷ ଏବେ ୩୬ଟି ଦେଶ ଉପରେ ବିମାନ ଚଳାଚଳ ନେଇ କଟକଣା ଲଗାଇଛି।
- ସଡକ ପରିବହନ ଏବଂ ରାଜପଥ ମନ୍ତ୍ରାଳୟ ଦୁର୍ଘଟଣାର ଶିକାର ହୋଇ ଆହତ ହୋଇଥିବା ବ୍ୟକ୍ତିଙ୍କ କ୍ଷତିପୂରଣକୁ ୧୨୫୦୦ ରୁ ୫୦୦୦୦ ଟଙ୍କାକୁ ବୃଦ୍ଧି କରିଛି। ଏହା ବ୍ୟତୀତ ସଡ଼କ ଦୁର୍ଘଟଣାରେ ମୃତ୍ୟୁ ହେଲେ କ୍ଷତିପୂରଣକୁ ୨୫୦୦୦ ଟଙ୍କାରୁ ୨ ଲକ୍ଷ ଟଙ୍କାକୁ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ଏହି ନିୟମ ଭାରତର ସମସ୍ତ ସଡ଼କ ଏବଂ ରାଜପଥରେ ୧ ଏପ୍ରିଲ ୨୦୨୨ ଠାରୁ ଲାଗୁ ହେବ।
- ଆଗାମୀ ଜୁନ୍ ମାସ ମଧ୍ୟ ଭାଗରୁ ଶେଷ ଭାଗ ସୁଦ୍ଧା ଭାରତରେ କୋଭିଡ୍ ସଂକ୍ରମଣର ୪ର୍ଥ ଲହର୍ ଆରମ୍ଭ ହେବାର ସମ୍ଭାବନା ଅଛି ଏବଂ ଏଥିଯୋଗୁଁ ପ୍ରାୟ ୪ ମାସ ଧରି ଦ୍ରୁତ ବେଗରେ ସଂକ୍ରମଣ ବୃଦ୍ଧି ପାଇବ ବୋଲି ‘ଆଇଆଇଟି-କାନପୁର’ର ବୈଜ୍ଞାନିକମାନେ ସତର୍କ କରାଇ ଦେଇଛନ୍ତି।
- ରୁଷ୍ ୟୁକ୍ରେନ୍ ଆକ୍ରମଣ କରିଥିବାରୁ କେତେକ ଆମେରିକୀୟ ପ୍ରଦେଶ ଏବଂ କାନାଡା ରୁଷୀୟ ନିର୍ମିତ ଏବଂ ରୁଷୀୟ କମ୍ପାନୀର ସ୍ପିରିଟ୍ (ମଦ) ବର୍ଜନ କରିବାରୁ ‘ଭୋଡ୍କା’ର (ପ୍ରଖ୍ୟାତ ରୁଷୀୟ ମଦ) କ୍ଷତି ହେଉଛି।
- ଅନେକ ବର୍ଗର ଭାରତୀୟ ଭିସା ଆବେଦନକାରୀ ଆମେରିକା ଯିବା ପାଇଁ ବ୍ୟକ୍ତିଗତ ସାକ୍ଷାତକାର ଆବଶ୍ୟକତାରୁ ଆସନ୍ତା ଡିସେମ୍ବର ୩୧ ତାରିଖ ପର୍ଯ୍ୟନ୍ତ ଛାଡ଼ ପାଇବେ। ଆମେରିକାର ଜଣେ ବରିଷ୍ଠ କୂଟନୀତିଜ୍ଞ ଏହି ସୂଚନା ଦେଇଛନ୍ତି।
- ଏଫଡିଆଇ ନୀତି ଅନୁଯାୟୀ, ସରକାରୀ ଅନୁମୋଦନ ମାଧ୍ୟମରେ ରାଷ୍ଟ୍ରାୟତ୍ତ ବ୍ୟାଙ୍କରେ ୨୦ ପ୍ରତିଶତ ବିଦେଶୀ ପୁଞ୍ଜି ନିବେଶ ସୁଯୋଗ ରହିଛି। ତେଣୁ ଏଲଆଇସି ଓ ଏପ୍ରକାରର ଅନ୍ୟ କର୍ପୋରେଟ୍ ସଂସ୍ଥାରେ ୨୦ ପ୍ରତିଶତ ପର୍ଯ୍ୟନ୍ତ ବିଦେଶୀ ପୁଞ୍ଜି ନିବେଶ ସୁଯୋଗକୁ ଅନୁମତି ଦିଆଯାଇଛି।
- କିଶୋର ବିୟାନୀଙ୍କ ମାଲିକାନାରେ ଥିବା ଫ୍ୟୁଚର ରିଟେଲ୍ର ଅତିକମ୍ରେ ୨୦୦ ଷ୍ଟୋରକୁ ମୁକେଶ ଅମ୍ବାନିଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ ନିଜ ନିୟନ୍ତ୍ରଣକୁ ନେଇଛି।
- ପ୍ରମୁଖ ମସଲା କମ୍ପାନି ରୁଚି ପକ୍ଷରୁ ଫେଷ୍ଟିଭାଲ ବୋନାଞ୍ଜା ଅଫର୍-୨୦୨୨ର ପୁରସ୍କାର ବିତରଣ ସମାରୋହ ଆଜି ହୋଟେଲ ସ୍ବସ୍ତି ପ୍ରିମିୟମ ଠାରେ ଅନୁଷ୍ଠିତ ହୋଇଯାଇଛି। ବମ୍ପର ପୁରସ୍କାର ଭାବେ ଲକି ଡ୍ର ମାଧ୍ୟମରେ ପାରାଦୀପର ରଂଜନ ପଟ୍ଟନାୟକ ୧୨ ଲକ୍ଷ ଟଙ୍କା ମୂଲ୍ୟର ଟାଟା ନେକ୍ସନ କାର ଜିତିଛନ୍ତି।
- ଭାରତରେ କ୍ରିପ୍ଟୋକରେନ୍ସିର ବ୍ୟବହାର ପ୍ରସଙ୍ଗରେ ମତ ସ୍ପଷ୍ଟ କରିବାକୁ ସୁପ୍ରିମ କୋର୍ଟ ଶୁକ୍ରବାର ଦିନ ସରକାରଙ୍କୁ କହିଛନ୍ତି। ଗେନ୍ବିଟ୍କଏନ୍ ନାମକ ଏକ ସ୍କାମର ଶୁଣାଣି ବେଳେ ସୁପ୍ରିମ କୋର୍ଟ ଏହା କହିଛନ୍ତି।
- ମଣିପୁର ବିଧାନସଭାର ପ୍ରଥମ ପର୍ଯ୍ୟାୟ ନିର୍ବାଚନ ନିମନ୍ତେ ସୋମବାର ହୋଇଥିବା ଭୋଟରେ ୭୮.୦୩% ମତଦାନ ହୋଇଛି । ଏହି ପର୍ଯ୍ୟାୟରେ ରାଜ୍ୟର ୫ଟି ଜିଲାର ୩୮ ଆସନ ପାଇଁ ଭୋଟ ଗ୍ରହଣ ହୋଇଛି।
- ଆମେରିକା ଓ କାନାଡ଼ାର ବହୁ ରାଜ୍ୟରେ ଭୋଡକାକୁ ବର୍ଜନ କରାଯାଇଛି। ଅନ୍ତର୍ଜାତୀୟ କ୍ରୋଧର ଶରବ୍ୟ ହୋଇଛି ଭୋଡକା। ଭୋଡକାକୁ ଲୋକମାନେ ଠିପି ଖୋଲି ନାଳରେ ଢାଳୁଥିବାର ଭିଡ଼ିଓ ଭାଇରାଲ ହେବାରେ ଲାଗିଛି।
- ଋଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ସମୟରେ ଅନେକ କାହାଣୀ ସାମ୍ନାକୁ ଆସୁଛି | ଯୁଦ୍ଧ ଚାଲିଥିବାବେଳେ ଏବେ ୟୁକ୍ରେନର ସାଧାରଣ ନାଗରିକ ବନ୍ଧୁକ ଉଠାଇବାର ଭିଡିଓ ସାମ୍ନାକୁ ଆସିଛି | ଏହା ବାଦ ୟୁକ୍ରେନ ରାଷ୍ଟ୍ରପତିଙ୍କ ସାହସିକତା ବିଷୟରେ ମଧ୍ୟ ଆଲୋଚନା ଚାଲିଛି ।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.