- ଓଡ଼ିଶା ମାଇନିଂ କର୍ପୋରେସନ-ଓଏମସିର ୬୭ତମ ପ୍ରତିଷ୍ଠା ଦିବସରେ ବିଭିନ୍ନ ନୁଆ ପ୍ରକଳ୍ପର ଶୁଭାରମ୍ଭ ହୋଇଛି ।୫ଟି ଆଦର୍ଶ ବିଦ୍ୟାଳୟ ପ୍ରତିଷ୍ଠା ପାଇଁ ଚୁକ୍ତି ସ୍ବାକ୍ଷରିତ ହୋଇଛି । ଏହାସହ କୋଇଡା ITIରେ ଦକ୍ଷତା ବିକାଶ ଏକାଡେମୀ ପ୍ରତିଷ୍ଠା ପାଇଁ ବୈଷୟିକ ଶିକ୍ଷା ଓ ତାଲିମ ବିଭାଗ ସହ ଏକ MOU ସ୍ବାକ୍ଷର ହୋଇଥିଲା ।
- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୁମ୍ବିନିରେ ପ୍ରଧାନମନ୍ତ୍ରୀ ଶେର ବାହାଦୂର ଦେଓବାଙ୍କ ସହ ଦ୍ୱିପାକ୍ଷିକ ଆଲୋଚନା କରିଛନ୍ତି । ସହଯୋଗକୁ ମଜବୁତ କରିବା ଏବଂ ଆମର ବହୁମୁଖୀ ସହଭାଗୀତାରେ ନୂତନ କ୍ଷେତ୍ର ଅନୁସନ୍ଧାନ କରିବା ପାଇଁ ଏହା ଏକ ସୁଯୋଗ । ଜଳ ବିଦ୍ୟୁତ୍ ଏବଂ ସଂଯୋଗ ଭଳି ବିଭିନ୍ନ କ୍ଷେତ୍ରରେ ଦ୍ୱିପାକ୍ଷିକ ସହଯୋଗ ବୃଦ୍ଧି କରିବାକୁ ଦୁଇ ନେତା ଆଲୋଚନା କରିଛନ୍ତି ।
- ଭୁବନେଶ୍ୱର ନିକଟ ବରୁଣାଇରେ ଆର୍ଟ ଷ୍ଟାଡିୟମର ସ୍ଥିତି, ଅଭ୍ୟାସ ଗ୍ରାଉଣ୍ଡ, ଆବାସିକ ସୁବିଧା ଏବଂ ଅନ୍ୟାନ୍ୟ ସୁବିଧା ଭଳି ବିଶ୍ୱ ସ୍ତରୀୟ କ୍ରିକେଟ୍ ଏକାଡେମୀ ଆରମ୍ଭ ହେବାକୁ ଯାଉଛି । ଏହି କ୍ରିକେଟ୍ ଏକାଡେମୀକୁ କ୍ରିକେଟ୍ କିମ୍ବଦନ୍ତୀ ତଥା ଭାରତୀୟ କ୍ରିକେଟ୍ ଦଳର ପୂର୍ବତନ କ୍ୟାପଟେନ୍ ମହମ୍ମଦ ଆଜାରୁଦ୍ଦିନଙ୍କ ନେତୃତ୍ୱ ନେବେ ଏବଂ ପରାମର୍ଶ ଦେବେ ।
- ପ୍ରବଳ ବର୍ଷା, ଲ୍ୟାଣ୍ଡସ୍ଲାଇଡ ଯୋଗୁ ଆସାମରେ ଅତି ଭୟାବହ ସ୍ଥିତି ଉପୁଜିଛି ।
- ପୂର୍ବ ଅନୁମାନ ଅନୁସାରେ ୫ ଦିନ ଆଗରୁ ଦକ୍ଷିଣ ବଙ୍ଗୋପସାଗରରେ ସକ୍ରିୟ ହୋଇଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ସକ୍ରିୟ ହୋଇ ମୌସୁମୀ ଆଣ୍ଡାମାନ ସାଗର ଦିଗରେ ଅଗ୍ରସର ହେଉଛି । ପ୍ରଭାବରେ ଆଣ୍ଡାମାନ ଉପକୂଳରେ ବର୍ଷା ଆରମ୍ଭ ହୋଇଯାଇଛି । ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା ଅନୁସାରେ ମୌସୁମୀ ବାୟୁ ଆସନ୍ତା ମେ’ ୨୭ରେ କେରଳ ସ୍ପର୍ଶ କରିବ । ଏହାପରେ ଜୁନ ପ୍ରଥମ ସପ୍ତାହରେ ମୌସୁମୀ ଓଡ଼ିଶା ପହଞ୍ଚିଯିବ ବୋଲି ଆକଳନ କରାଯାଇଛି ।
- ଜ୍ଞାନବାପୀ ମସଜିଦ ପରିସରରୁ ଶିବଲିଙ୍ଗ ମିଳିଥିବା ଦାବି ପରେ ଅଦାଲତ ଉକ୍ତ ସ୍ଥାନକୁ ସିଲ୍ କରିବାକୁ ଆଦେଶ ଦେଇଛନ୍ତି । ଶିବଲିଙ୍ଗ ମିଳିଥିବା ସ୍ଥାନକୁ ତୁରନ୍ତ ସିଲ୍ କରିବା ସହିତ ସେଠାକୁ କାହାରିକି ପ୍ରବେଶ କରିବାକୁ ନଦେବା ପାଇଁ ଅଦାଲତ କହିଛନ୍ତି । ଉକ୍ତ ସ୍ଥାନକୁ ସୁରକ୍ଷିତ କରିବା ଦାୟିତ୍ୱ ଜିଲ୍ଲା ପ୍ରଶାସନ ଓ ସିଆରପିଏଫକୁ ଦିଆଯାଇଛି ।
- କରୋନା ଆରମ୍ଭ ସମୟରେ ଲକଡାଉନ୍ ଯୋଗୁଁ ୬.୨ ପ୍ରତିଶତରେ ବେକାରି ହାର ପହଞ୍ଚିଥିବା ବେଳେ ଏବେ ୬.୧ରେ ପହଞ୍ଚିଛି ବେକାରୀ ହାର । ଅନ୍ତର୍ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଯୋଗୁଁ ବିଶ୍ୱର ଦ୍ୱିତୀୟ ବଡ଼ ଅର୍ଥବ୍ୟବସ୍ଥାରେ ବହୁତ କ୍ଷତି ପହଞ୍ଚିଛି ।
- କରୋନା ମହାମାରୀର ଦ୍ୱିତୀୟ ଲହରୀ ସମୟରେ ଉତ୍ତରପ୍ରଦେଶ ଓ ବିହାରର ଗଙ୍ଗା ନଦୀରେ ଭାସୁଥିବା ମୃତଦେହ ଘଟଣାକୁ ଜାତୀୟ ଗ୍ରୀନ୍ ଟ୍ରିବ୍ୟୁନାଲ୍ (NGT) ଗୁରୁତର ସହ ନେଇଛି। କୋଭିଡ ମହାମାରୀ ଆରମ୍ଭ ହେବା ପରଠାରୁ ଚଳିତ ବର୍ଷ ମାର୍ଚ୍ଚ ୩୧ ପର୍ଯ୍ୟନ୍ତ ଗଙ୍ଗାରେ ଭାସୁଥିବା ଏବଂ ନଦୀ କୂଳରେ ପୋତି ଦିଆଯାଇଥିବା ମୃତଦେହ ସଂଖ୍ୟା ସମ୍ପର୍କରେ ବିସ୍ତୃତ ତଥ୍ୟ ଦେବାକୁ ଏନଜିଟି(ଜାତୀୟ ଗ୍ରୀନ ଟ୍ରିବ୍ୟୁନାଲ) ଉଭୟ ରାଜ୍ୟ ସରକାରଙ୍କୁ କହିଛନ୍ତି ।
- ଜଣେ ମାଆର ଯତ୍ନ ନେବା ପାଇଁ ବଡ଼ ଘର ନୁହେଁ ବରଂ ବିଶାଳ ହୃଦୟ ଆବଶ୍ୟକ ହୋଇଥାଏ | ଜଣେ ବୃଦ୍ଧ ମହିଳାଙ୍କ ପୁଅ ତାଙ୍କର ସେବା ନକରିବା ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଏହି ରାୟ ଦେଇଛନ୍ତି | ବୃଦ୍ଧ ମହିଳାଙ୍କ ଝିଅମାନେ କୋର୍ଟରେ ଆବେଦନ କରିଥିଲେ ଯେ ସେମାନଙ୍କ ଭାଇ ମା’ର ଯତ୍ନ ନେଉନାହାଁନ୍ତି, ତେଣୁ ମା’ଙ୍କ ଦାୟିତ୍ୱ ସେମାନଙ୍କୁ ଦିଆଯିବା ଉଚିତ |
- ବାମପନ୍ଥୀ ଦଳଗୁଡ଼ିକ ମୁଦ୍ରାସ୍ଫୀତି ଏବଂ ବେରୋଜଗାରୀ ବିରୋଧରେ ଦେଶବ୍ୟାପୀ ବିରୋଧ ପ୍ରଦର୍ଶନ କରିବାକୁ ଆହ୍ଵାନ ଦେଇିଛନ୍ତି। ପ୍ରସ୍ତାବିତ ଦେଶବ୍ୟାପି ବିରୋଧ ମେ ୨୫ ରୁ ଆରମ୍ଭ ହୋଇ ମେ ୩୧ ପର୍ଯ୍ୟନ୍ତ ଚାଲିବ।
- ୧୭ ତାରିଖ ମଙ୍ଗଳବାର ମଧ୍ୟାହ୍ନ ସୁଦ୍ଧା ରାଜ୍ୟର ରାଜ୍ୟର କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କୋରାପୁଟ, ମାଲକାନଗିରି, ନବରଙ୍ଗପୁର, ନୂଆପଡ଼ା ଓ କଳାହାଣ୍ଡି ଜିଲ୍ଲାରେ କାଳବୈଶାଖୀ ଜନିତ ବର୍ଷା ଏବଂ ପବନ ସହିତ ବଜ୍ରପାତ ହେବାର ସମ୍ଭାବନା ରହିଛି।
- ନଭି ମୁମ୍ବାଇର ଜଣେ ବ୍ୟକ୍ତି ୨୭ ବର୍ଷ ପୂର୍ବେ ଫ୍ଲାଟ ବୁକ୍ କରିଥିଲେ ଏବଂ ସେ ଆଜି ପର୍ଯ୍ୟନ୍ତ ତାହା ପାଇନାହାଁନ୍ତି | ଏହାର ପ୍ରତିବଦଳରେ, ଜାତୀୟ ଉପଭୋକ୍ତା ବିବାଦ ସମାଧାନ ଆୟୋଗ ଉକ୍ତ ବ୍ୟକ୍ତିଙ୍କୁ କ୍ଷତିପୂରଣ ବାବଦରେ ଫ୍ଲାଟର ମୂଲ୍ୟର ସାତଗୁଣ ପରିମାଣର ଅର୍ଥ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି।
- ଘର ସହ ଜୀଅନ୍ତା ଜଳିଗଲେ ମହିଳା ୱାର୍ଡମେମ୍ବର। ତିର୍ତ୍ତୋଲ ଥାନା ବିଦ୍ୟାଧରପୁର ପଞ୍ଚାୟତର ୱାର୍ଡମେମ୍ବର ସରସ୍ବତୀ ସେଠୀ ଘର ସହ ଜଳି ଯାଇଥିବା ସୂଚନା ମିଳିଛି।
- ଚନ୍ଦକା ଅଭ୍ୟାରଣ୍ୟରେ ନନ୍ଦ ହାତୀର ମୃତ୍ୟୁ ଘଟିଛି। ସେପ୍ଟିସେମିଆ ରୋଗରେ ଆକ୍ରାନ୍ତ ହୋଇ ନନ୍ଦ ହାତୀର ମୃତ୍ୟୁ ହୋଇଛି ବୋଲି ଜଣାପଡ଼ିଛି। ଗତ ୩ ଦିନ ଧରି ଅସୁସ୍ଥ ଥିଲା ନନ୍ଦ। ଚିକିତ୍ସା ପରେ ବି ସ୍ବାସ୍ଥ୍ୟବସ୍ଥାରେ ଉନ୍ନତି ଆସିନଥିଲା। ଶେଷରେ ଡାକ୍ତରଙ୍କ ଅକ୍ଲାନ୍ତ ପରିଶ୍ରମ ବୃଥା ହୋଇଥିଲା ଏବଂ ହାତୀ ନନ୍ଦର ମୃତ୍ୟ ଘଟିଥିଲା।
- ୟୁକ୍ରେନର ପୂର୍ବାଂଚଳରେ ଥିବା ଏକ ନଦୀପଥକୁ ବ୍ୟବହାର କରି ୟୁକ୍ରେନ ଉପରେ ବାରମ୍ବାର ଆକ୍ରମଣ କରୁଥିବାରୁ ସେହି ପୋଲକୁ ୟୁକ୍ରେନ ଧ୍ବଂସ କରିଦେଇଛି ଯାହା ଫଳରେ ରୁଷ ସେନାକୁ ଶକ୍ତ ଧକ୍କା ଲାଗିଛି।
- ଭାରତର ସବୁଠାରୁ ବଡ଼ ରିଟେଲର୍ ରିଲାଏନ୍ସ ଡର୍ଜନେ ଛୋଟ ଛୋଟ ଖାଉଟି ସାମଗ୍ରୀ ପ୍ରଡକ୍ସନ କରୁଥିବା ନନ୍ ଫୁଡ୍ ବ୍ରାଣ୍ଡ କିଣିବା ନେଇ ଜଣାପଡ଼ିଛି । ରିଲାଏନ୍ସର ଲକ୍ଷ୍ୟ ୬.୫ ଅରବ ଡଲାରର କଞ୍ଜ୍ୟୁମର ଗୁଡ୍ସର କାରବାର ।
- ଭ୍ୟାକ୍ସିନ ବିକଶିତ କରିବା କ୍ଷେତ୍ରରେ ଭାରତୀୟ ବୈଜ୍ଞାନିକଙ୍କୁ ବଡ଼ ସଫଳତା। ଭାରତୀୟ ବୈଜ୍ଞାନିକମାନେ ସ୍ୱଦେଶୀ ଏମଆରଏନଏ ଭ୍ୟାକ୍ସିନର ଘୋଷଣା କରିଛନ୍ତି। ଅଟଳ ଇନକ୍ୟୁଭେସନ ସେଣ୍ଟର-ସିସିଏମବିର ସିଇଓ ଡାକ୍ତର ଏନ ମଧୁସୂଦନ ରାଓ କହିଛନ୍ତି, କୋଭିଡ ୧୯ ବିରୁଦ୍ଧରେ ଭାରତ ଏମଆରଏନଏ ଟେକ୍ନୋଲଜି ବିକଶିତ କରିଛି।
- ଓଠକୁ ଚୁମ୍ବନ କରିବା ଏବଂ ଶରୀର କୌଣସି ଅଙ୍ଗକୁ ଛୁଇଁବା ଭାରତୀୟ ଦଣ୍ଡ ସଂହିତା (ଆଇପିସି) ଅନୁସାରେ ଅପରାଧ ନୁହେଁ । ଆଇପିସି ଧାରା ୩୭୭ ଅନୁସାରେ ଏହାକୁ ଅପ୍ରାକୃତିକ ଅପରାଧ ଶ୍ରେଣୀ ଭୁକ୍ତ କରିହେବ ନାହିଁ । ଏପରି କହି ଜଣେ ୧୪ ବର୍ଷର ବାଳକର ଯୌନ ନିର୍ୟାତନା ମାମଲାରେ ଅଭିଯୁକ୍ତଙ୍କୁ ଜାମିନ ପ୍ରଦାନ କରିଛନ୍ତି ବମ୍ବେ ହାଇକୋର୍ଟ।
- ଦେଶର ବର୍ଦ୍ଧିତ ମୁଦ୍ରାସ୍ଫୀତିକୁ ନେଇ ଆଗାମୀ ଦିନରେ ଭାରତୀୟ ରିଜର୍ଭ ବ୍ୟାଙ୍କ ସୁଧ ହାର ବୃଦ୍ଧି କରିପାରନ୍ତି ବୋଲି ଏସବିଆଇ ରିସର୍ଚ୍ଚ ପକ୍ଷରୁ କୁହାଯାଇଛି। ଜୁନ ଏବଂ ଅଗଷ୍ଟ ମାସରେ ହେବାକୁ ଥିବା ରିଜର୍ଭ ବ୍ୟାଙ୍କ ଦ୍ବିମାସିକ ମୁଦ୍ରାନୀତି ସମୀକ୍ଷା ବେଳେ ଏହା କରାଯିବାର ଯଥେଷ୍ଟ ସମ୍ଭାବନ ରହିଛି ବୋଲି କୁହାଯାଇଛି। ଜୁନରେ ଅତିକମ୍ରେ ୭୫ ବେସିସ ପଏଣ୍ଟ ବୃଦ୍ଧି କରାଯିବ।
- ଆସନ୍ତା ୨୨ରେ ୨ଟି ଭିନ୍ନ ଶୃଙ୍ଖଳା ନିମନ୍ତେ ୨ଟି ପୃଥକ୍ ଭାରତୀୟ କ୍ରିକେଟ୍ ଦଳ ମନୋୟନ କରିବ ଚେତନ ଶର୍ମାଙ୍କ ନେତୃତ୍ବାଧୀନ ବିସିସିଆଇ ମନୋନୟନ କମିଟି। ଆଇପିଏଲ୍ର ଚଳିତ ସଂସ୍କରଣରେ ଶେଷ ଲିଗ୍ ମ୍ୟାଚ୍ ୨୨ରେ ଖେଳାଯିବ। ସେହିଦିନ ୨ଟି ପୃଥକ୍ ଭାରତୀୟ କ୍ରିକେଟ୍ ଦଳ ଘୋଷଣା ହେବ ବୋଲି ଜଣାପଡ଼ିଛି।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.