- ଦ୍ରୌପଦୀ ମୁର୍ମୁ ଦେଶର ପ୍ରଥମ ଆଦିବାସୀ ମହିଳା ରାଷ୍ଟ୍ରପତି। ଆସନ୍ତା ୨୫ ତାରିଖରେ ଦ୍ରୌପଦୀ ରାଷ୍ଟ୍ରପତି ଭାବେ ଶପଥ ନେବେ। ୬୪ ବର୍ଷୀୟା ମୁର୍ମୁ ରାଷ୍ଟ୍ରପତି ଭବନରେ ସବୁଠୁ ସର୍ବକନିଷ୍ଠ ରାଷ୍ଟ୍ରପତି ।
- ପାର୍ଲାମେଣ୍ଟର ମୌସୁମୀ ଅଧିବେଶନରେ ଦରଦାମ୍ ଓ ଜିଏସ୍ଟି ବୃଦ୍ଧି ସମ୍ପର୍କରେ ଆଲୋଚନା କରିବାକୁ ଦାବି କରି ବିରୋଧୀ ଦଳଗୁଡ଼ିକ ଏମିତି ହଙ୍ଗାମା କରୁଛନ୍ତି ଯେ ବାଚସ୍ପତି ସଂସଦକୁ ମୁଲତବି ରଖିବାକୁ ବାଧ୍ୟ ହେଉଛନ୍ତି।
- ବମ୍ବେ ଷ୍ଟକ ଏକ୍ସଚେଞ୍ଜ୍ ସୂଚକାଙ୍କରେ ବୃଦ୍ଧିର ଧାରା ଜାରି ରହିଛି। ଗୁରୁବାର ମଧ୍ୟ ସେନ୍ସେକ୍ସ ୨୮୪ ପଏଣ୍ଟ୍ ବୃଦ୍ଧି ପାଇ ୫୫,୬୮୧ ପଏଣ୍ଟ୍ରେ ବନ୍ଦ ହୋଇଛି। ଗତ ପାଞ୍ଚଟି କାରବାର ଦିନରେ ସେନ୍ସେକ୍ସରେ ୨,୨୬୫ ପଏଣ୍ଟ୍ ବୃଦ୍ଧି ଘଟିଛି।
- ଭାରତ-ଭୁଟାନ ଓ ଚୀନର ତ୍ରିକୋଣୀୟ ସୀମା ନିକଟରେ ଅବସ୍ଥିତ ବିବାଦୀୟ ଡୋକଲାମ୍ ଉପତ୍ୟାକା ନିକଟରେ ଚୀନର ଗ୍ରାମ ନିର୍ମାଣ ସଂପର୍କରେ ପ୍ରତିକ୍ରିୟା ରଖିଛି ଭାରତ । ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ, ଏହା ଉପରେ ଭାରତ ନଜର ରଖିଛି ।
- ବ୍ରିଟେନର ପ୍ରତିରକ୍ଷା ସଚିବ ବେନ ଓ୍ବାଲେସ କହିଛନ୍ତି ଯେ ୟୁକ୍ରେନକୁ ଆଉ କିଛି ଆର୍ଟିଲାରୀ ଗନ ଓ ପ୍ରାୟ ୧୬୦୦ ଟ୍ୟାଙ୍କ ବିଧ୍ବଂସକାରୀ ଅସ୍ତ୍ର ପ୍ରଦାନ କରିବ
- ‘ମାଇକ୍ରୋସଫ୍ଟ୍’ର ସହ-ସଂସ୍ଥାପକ ବିଲ୍ ଗେଟ୍ସ୍ଙ୍କୁ ଟପି ଆଜି ‘ଅଦାନୀ ଗ୍ରୁପ୍’ର ଅଧ୍ୟକ୍ଷ ଗୌତମ ଅଦାନୀ ବିଶ୍ବର ୪ର୍ଥ ଶ୍ରେଷ୍ଠ ବିତ୍ତଶାଳୀ ବ୍ୟକ୍ତି ହୋଇଛନ୍ତି ବୋଲି ‘ଦି ଫୋବ୍ସ୍’ ପତ୍ରିକାର ‘ରିୟଲ୍-ଟାଇମ୍ ବିଲିୟନାରିଜ୍’ ତାଲିକା ଉଲ୍ଲେଖ କରିଛି।
- ନିତି ଆୟୋଗ ପକ୍ଷରୁ ଭାରତ ଉଦ୍ଭାବନ ସୂଚକାଙ୍କର ୩ୟ ସଂସ୍କରଣ ପ୍ରକାଶ ପାଇଛି । ଏହି ତାଲିକାର ନିଜ ନିଜ ବର୍ଗରେ କର୍ଣ୍ଣାଟକ, ମଣିପୁର ଓ ଚଣ୍ଡିଗଡ଼ ପ୍ରଥମ ସ୍ଥାନରେ ରହିଛନ୍ତି ।
- ବୃହତ୍ ରାଜ୍ୟ ବର୍ଗରେ କର୍ଣ୍ଣାଟକ ପ୍ରଥମ ସ୍ଥାନରେ ଥିବାବେଳେ ତେଲେଙ୍ଗାନା, ହରିୟାଣା ଓ ମହାରାଷ୍ଟ୍ର ଯଥାକ୍ରମେ ୨ୟ, ୩ୟ ଓ ୪ର୍ଥ ସ୍ଥାନରେ ରହିଛନ୍ତି । ମାତ୍ର ଏହି ତାଲିକାରେ ଓଡ଼ିଶା ୧୬ତମ ସ୍ଥାନରେ ରହିଛି, ଯାହାକି ତାଲିକାରେ ତଳଆଡ଼ୁ ୨ୟ । ଓଡ଼ିଶା ତଳକୁ କେବଳ ଛତିଶଗଡ଼ ରହିଛି ।
- ରାଷ୍ଟ୍ରପତି ନିର୍ବାଚନରେ କ୍ରସ୍ ଭୋଟ୍ କରିଛନ୍ତି ୧୭ ସାଂସଦ, ୧୦୪ ବିଧାୟକ ।
- ପ୍ରତିବର୍ଷ ହେବ ‘ଓଡ଼ିଶା ଫୁଡ୍ପ୍ରୋ’: ଏମ୍ଏସ୍ଏମ୍ଇ ବିଭାଗ ଆୟୋଜନ କରିବ ।
- ଏମ୍ସ ଭୁବନେଶ୍ୱରର କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବେ ଦାୟିତ୍ୱ ଗ୍ରହଣ କଲେ ଡାକ୍ଟର ଆଶୁତୋଷ ବିଶ୍ବାସ।
- ୨୦୨୧-୨୨ରେ ଭାରତ ବିରୋଧରେ କାର୍ଯ୍ୟ କରୁଥିବା ୭୪୭ ୱେବସାଇଟ୍, ୯୪ ୟୁଟ୍ୟୁବ ଚ୍ୟାନେଲକୁ ବନ୍ଦ କରି ଦିଆଯାଇଛି: କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ଠାକୁର ।
- ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, ଅବିବାହିତ ମହିଳାଙ୍କର ବି ଅଛି ଗର୍ଭପାତ ଅଧିକାର।
- ଗଛ ଗୋଟିଏ, ଆମ୍ବ ୩୦୦ ପ୍ରକାର । ଆଶ୍ଚର୍ଯ୍ୟ ହେଲେ ବି ସତ । ଉତ୍ତରପ୍ରଦେଶର ମାଲିହାବାଦରେ ଏହି ବିରଳ ଆମ୍ବ ଗଛଟି ଲେଖିଛି ବିରଳ ରେକର୍ଡ । କିନ୍ତୁ ଅଧିକ ବିସ୍ମୟ ଏହି ଗଛର ସ୍ରଷ୍ଟା । ସେ ଭାରତର ମ୍ୟାଙ୍ଗୋ ମ୍ୟାନ୍ କଲିମଉଲ୍ଲା ଖାନ୍ ।
- ଦେଶର ବିଶିଷ୍ଟ ଶିଳ୍ପପତି ଗୌତମ ଆଦାନୀ ଏବେ ଏକ ବଡ଼ ଯୋଜନା ଲକ୍ଷ୍ୟରେ ଅଛନ୍ତି । ଆଦାନୀ ସମୂହ ଏକ ବଡ଼ ପ୍ଲାଣ୍ଟ ଗୁଜୁରାଟର ମୁନ୍ଦ୍ରାରେ ବସାଇବା ନେଇ ଜଣାପଡ଼ିଛି । ଏଥିପାଇଁ ୧୪ ହଜାର କୋଟି ଆବଶ୍ୟକତା ରହିଥିବା ବେଳେ ଋଣ ପାଇଁ ଭାରତୀୟ ଷ୍ଟେଟ୍ ବ୍ୟାଙ୍କ୍କୁ ସଂପର୍କ କରିଛନ୍ତି ।
- ସୋନିଆ ଗାନ୍ଧୀଙ୍କୁ ନ୍ୟାସନାଲ ହେରାଲ୍ଡ ସହ ଜଡିତ ମନି ଲଣ୍ଡରିଂ ମାମଲାରେ ଗୁରୁବାର ପ୍ରାୟ 2 ଘଣ୍ଟା ପଚରାଉଚରା କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ସ୍ୱାସ୍ଥ୍ୟଗତ କାରଣରୁ ତାଙ୍କୁ ଆଜି ଦ୍ୱିତୀୟ ଥର ପଚରାଉଚରା କରାଯିବ ନାହିଁ । ତେବେ ମିଳିଥିବା ସୂଚନା ଅନୁସାରେ ଜୁଲାଇ ୨୫ରେ ଦ୍ୱିତୀୟ ଥର ପାଇଁ ତାଙ୍କୁ ପଚରାଉଚରା କରାଯାଇ ପାରେ ।
- କେରଳରେ ମେଡିକାଲ ପ୍ରବେଶିକା ପରୀକ୍ଷା (ଏନଇଇଟି)ରେ ଛାତ୍ରୀଙ୍କ ଅନ୍ତଃବସ୍ତ୍ର ଉତାରିବା ଅଭିଯୋଗରେ ପୋଲିସ ୨ ଶିକ୍ଷକଙ୍କୁ ଗିରଫ କରିଛି। ଉଭୟ ଶିକ୍ଷକ ଏଗଜାମିନେସନ ଇନଚାର୍ଜ ଥିଲେ। ସେମାନେ କର୍ମଚାରୀଙ୍କୁ ନିରୀକ୍ଷଣ ଲାଗି ଆଦେଶ ଦେଇଥିଲେ।
- ଓଡିଆ ସିନେମା ‘ବୋଉର ହାତବାକ୍ସ’ ଚଳଚ୍ଚିତ୍ରର ଅଡିଓ ରିଲିଜ୍ ଅନୁଷ୍ଠିତ ହୋଇଛି । ଚାଇରୋସନା ଫିଲ୍ମ ପ୍ରଯୋଜିତ ଓ ସଂଜୟ ଦାସ ନିବେଦିତ ‘ବୋଉର ହାତବାକ୍ସ’ରେ ମନଛୁଆଁ ଗୀତ ଲେଖିଛନ୍ତି ଦେବଦାସ ଛୋଟରାୟ ଓ ମାନଗୋବିନ୍ଦ ବାରିକ ।
- ଜୀବନ ଯୁଦ୍ଧରେ ହାରିଗଲେ କ୍ୟାନସର ପୀଡ଼ିତ ଟେଲି ଅଭିନେତ୍ରୀ ରାଜେଶ୍ୱରୀ ରାୟ । ବୁଧବାର ବିଳମ୍ବିତ ରାତିରେ ତାଙ୍କର ଦେହାନ୍ତ ହୋଇଥିବା ସୂଚନା ମିଳିଛି । ଖବର ଅନୁଯାୟୀ, ମସ୍ତିଷ୍କ ଓ ଫୁସ୍ଫୁସ୍ କ୍ୟାନସରରେ ପୀଡିତ ଥିଲେ ରାଜେଶ୍ୱରୀ । ମୃତ୍ୟୁ ବେଳକୁ ରାଜେଶ୍ୱରୀଙ୍କୁ ୩୭ ବର୍ଷ ହୋଇଥିଲା ।
- ଭାରତର ଷ୍ଟାର ଆଥଲେଟ୍ ନୀରଜ ନିଜ ପ୍ରଥମ ପ୍ରୟାସରେ ୮୮.୩୯ ମିଟର ଦୂରକୁ ବର୍ଚ୍ଛା ଫିଙ୍ଗିଥିଲେ । ଏହାସହ ସେ ପୁରୁଷ ଇଭେଣ୍ଟ ଫାଇନାଲରେ ସ୍ଥାନ ପକ୍କା କରିଛନ୍ତି । ଏହି ମୁକାବିଲାରେ ବିଭିନ୍ନ ଦେଶର ୩୪ ଖେଳାଳି ସାମିଲ ହୋଇଥିଲେ ।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.