1.ଜଣେ ସାଂସଦ ମାସିକ ୧,୦୦,୦୦୦ ଟଙ୍କା ମୂଳ ଦରମା (ବେସିକ୍ ସାଲାରି) ପାଆନ୍ତି।ଅଧିବେଶନ ଓ କମିଟି ବୈଠକ ସମୟରେ ସାଂସଦମାନେ ରାଜଧାନୀରେ ଥିବା ସମୟରେ ରହିବା, ଖାଇବା ଓ ଅନ୍ୟାନ୍ୟ ଖର୍ଚ୍ଚ ପାଇଁ ଦୈନିକ ୨, ୦୦୦ ଟଙ୍କା ଭତ୍ତା ପାଇବାକୁ ହକ୍‌ଦାର। ସାଂସଦମାନେ ନିଜ ପାଇଁ ଓ ସେମାନଙ୍କ ପରିବାର ପାଇଁ ପ୍ରତିବର୍ଷ ୩୪ଟି ମାଗଣା ଘରୋଇ ବିମାନ ଯାତ୍ରା ପାଇଁ ହକ୍‌ଦାର। ଆହୁରି ଅନେକ କିଛି ।

2. ଉତ୍ତରାଖଣ୍ଡ ରାଜ୍ୟ ସରକାରଙ୍କ ତଥ୍ୟ ଅନୁଯାୟୀ, ମେ ୧୦ ତାରିଖରୁ ଆରମ୍ଭ ହୋଇଥିବା ଚାରିଧାମ ଯାତ୍ରା ସମୟରେ ସ୍ୱାସ୍ଥ୍ୟଜନିତ ଅସୁସ୍ଥତା କାରଣରୁ ଏପର୍ଯ୍ୟନ୍ତ ୮୬ ଜଣଙ୍କ ମୃତ୍ୟୁ ଘଟିଛି।

3.ଚାଷୀ ସଂଗଠନ ସଂଯୁକ୍ତ କିଷାନ୍‌ ମୋର୍ଚ୍ଚା (ଅଣ ରାଜନୈତିକ) ଓ କିଷାନ୍‌ ମଜଦୁର ମୋର୍ଚ୍ଚା ଦେଇଥିବା ସୂଚନାନୁସାରେ, ଜୁନ୍‌ ୯ରେ ସେମାନେ ନିଲମ୍ବିତ ସିଆଇଏସ୍‌ଏଫ୍ କନେଷ୍ଟବଳ କୁଲୱିନ୍ଦରଙ୍କ ସମର୍ଥନରେ ‘ଇନ୍‌ସାଫ୍‌’ ମୋର୍ଚ୍ଚା ଆରମ୍ଭ କରିବେ।

4.କୋଲକାତାର ଶ୍ୟାମା ପ୍ରସାଦ ମୁଖାର୍ଜୀ ବନ୍ଦରରେ କଣ୍ଟେନର ସୁବିଧା ପାଇଁ ଆଦାନୀ ପୋର୍ଟସ ଆଣ୍ଡ ସ୍ପେଶାଲ ଇକୋନୋମିକ୍‌ ଜୋନ୍‌ ଲିମିଟେଡ୍‌ (ଏପିଏସ୍‌ଇଜେଡ୍‌) ୫ ବର୍ଷର ଅପରେସନ୍‌ ଆଣ୍ଡ ୍‌ ମେଣ୍ଟେନାନ୍‌ସ (ଓଆଣ୍ଡଏମ୍‌) ଚୁକ୍ତି ହାସଲ କରିଛି।

5.ଷ୍ଟକ୍ ମାର୍କେଟ୍ ପୁଣି ଧାରାକୁ ଫେରିଛି। ଶୁକ୍ରବାର ଦିନ, ସେନସେକ୍ସ ଏକ ରେକର୍ଡ ସୃଷ୍ଟି କରିଛି ​​ଏବଂ ଏହା ରେକର୍ଡସ୍ତରୀୟ ଅଙ୍କରେ ପହଞ୍ଚିଛି। ଏହା ସହିତ, ନିଫ୍ଟି ମଧ୍ୟ ୨୩ ହଜାର ଅଙ୍କ ଅତିକ୍ରମ କରିଛି।

6.ଚନ୍ଦ୍ରବାବୁ ନାଇଡୁଙ୍କ ପତ୍ନୀ ୭ ଦିନ ମଧ୍ୟରେ ସେୟାର ବଜାରରୁ ୫୮୪କୋଟି ଟଙ୍କା ରୋଜଗାର କରିଛନ୍ତ।

7.ଛତିଶଗଡ଼ ନାରାୟଣପୁର-ଦାନ୍ତେଓ୍ଵାଡା ସୀମାନ୍ତ ଅଞ୍ଚଳରେ ଜିଲ୍ଲା ରିଜର୍ଭ ଗ୍ରୁପ୍ ଯବାନଙ୍କ ସହ ଏନକାଉଣ୍ଟରରେ ୫ ଜଣ ନକ୍ସଲ ନିହତ ହୋଇଛନ୍ତି।

8.ଅର୍ଥନୈତିକ ସଂସ୍କାର କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି ହୋଇଥିବା ଦର୍ଶାଇ ଶ୍ରୀଲଙ୍କାର ଋଣ ସମସ୍ୟାର ଶୀଘ୍ର ସମାଧାନ ହେବ ବୋଲି ଆନ୍ତର୍ଜାତିକ ମୁଦ୍ରା ପାଣ୍ଠି –  ଆଇଏମ୍ଏଫ୍ ବିଶ୍ୱାସ ବ୍ୟକ୍ତ କରିଛି।

9.ହ୍ବାଟ୍ସଆପ୍‌ ବିଜ୍‌ନେସ୍‌ ଆକାଉଣ୍ଟ ପାଇଁ କମ୍ପାନୀ କୃତ୍ରିମ ବୁଦ୍ଧିମତା(ଏଆଇ) ସପୋର୍ଟ ଆଣୁଛି। ଏହା ବ୍ୟତୀତ କମ୍ପାନୀ ବ୍ଲୁ ଟିକ୍‌ ମଧ୍ୟ ପ୍ରଦାନ କରୁଛି। ଏହି ଦୁଇ ଫିଚରକୁ ପ୍ରଥମେ ଭାରତୀୟ ବ୍ୟବହାରକାରୀଙ୍କ ପାଇଁ ଜାରି କରାଯିବ।

10.ବହୁ ଚର୍ଚ୍ଚିତ କର୍ନାଟକ ଯୌନ କେଳେଙ୍କରୀ ମାମଲାର ମୁଖ୍ୟ ଅଭିଯୁକ୍ତ ପ୍ରଜ୍ଜ୍ୱଳ ରେଭାନ୍ନାଙ୍କ ମା’ ତଥା ହୋଲେନାରସିପୁରା ବିଧାୟକ ଏଚଡି ରେଭାନ୍ନାଙ୍କ ସ୍ତ୍ରୀ ଭବାନୀ ରେଭାନ୍ନାଙ୍କୁ ଆଗୁଆ ଜାମିନ ମିଳିଛି।

11.ବରିଷ୍ଠ କଂଗ୍ରେସ ନେତା ଶଶି ଥରୁର କେରଳର ଥିରୁଭାନନ୍ତପୁରମର ଲୋକ ସଭା ଆସନରୁ କ୍ରମାଗତ ଚତୁର୍ଥ ବିଜୟ ହାସଲ କରିଛନ୍ତି। ଖବର ସରବରାହ ସଂସ୍ଥା ପିଟିଆଇକୁ ସେ କହିଛନ୍ତି, ଯଦି ଆଗାମୀ ଲୋକ ସଭା ନିର୍ବାଚନ ପାଞ୍ଚବର୍ଷ ପରେ ଅନୁଷ୍ଠିତ ହୁଏ, ତେବେ ଆଉ ଏକ ଲୋକ ସଭା ନିର୍ବାଚନ ଲଢିବା ପାଇଁ ଇଚ୍ଛୁକ ନୁହେଁ। କାରଣ ଏବେ ଯୁବପିଢିି ଆଗକୁ ଆସିବା ଆବଶ୍ୟକ। ଆଉ ଏଥିପାଇଁ ଆମକୁ ପଛକୁ ଯିବା ଜରୁରୀ।

12.ଛଅ ମାସ ଛୁଟିରେ ଗଲେ ବରିଷ୍ଠ ଆଇଏଏସ ଅଧିକାରୀ ସୁଜାତା ରାଉତ କାର୍ତିକେୟନ। ନଭେମ୍ବର ୨୬ ତରିଖ ଯାଏଁ ସୁଜାତା ଛୁଟିରେ ରହିବେ। ଝିଅର ଦଶମ ପରୀକ୍ଷା ପ୍ରସ୍ତୁତି କାରଣ ଦର୍ଶାଇ ସେ ଛୁଟିରେ ରହିଥିବା ଜଣାପଡିଛି।

13.ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ(ଓଟିଡିସି)ର ଅଧ୍ୟକ୍ଷ ଲେନିନ୍‌ ମହାନ୍ତି ତାଙ୍କ ପଦବୀରୁ ଶୁକ୍ରବାର ଇସ୍ତଫା ଦେଇଛନ୍ତି। ସେ ୨୦୨୨ରେ ଅଧ୍ୟକ୍ଷ ପଦରେ ଅବସ୍ଥାପିତ ହୋଇଥିଲେ।

14.ଆସନ୍ତା ୨୦ ତାରିଖ ସୁଦ୍ଧା ଡ୍ରେନ୍‌ ସଫେଇ ସାରିବାକୁ ମେୟର ସୁଲୋଚନା ଦାସ ନିର୍ଦ୍ଦେଶ ଦେଇଛନ୍ତି। ଶୁକ୍ରବାର ବିଏମ୍‌ସି କାର୍ଯ୍ୟାଳୟରେ ମେୟରଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ଡ୍ରେନ୍‌ ସଫେଇ ସାଙ୍ଗକୁ ମୁକ୍ତା ଯୋଜନାରେ ଚାଲିଥିବା କାମର ସମୀକ୍ଷା କରାଯାଇଥିଲା।

15.ଆସନ୍ତା ୨-୩ ଦିନ ମଧ୍ୟରେ ରାଜ୍ୟକୁ ଦକ୍ଷିଣ-ପଶ୍ଚିମ ମୌସୁମୀ ବାୟୁ ପ୍ରବେଶ କରିବା ସମ୍ଭାବନା ରହିଛି । ଏଥିପାଇଁ ପାଗ ଅନୁକୂଳ ହୋଇଛି । ମୌସୁମୀ ପ୍ରଥମେ ଦକ୍ଷିଣ ଓଡ଼ିଶାର କୋରାପୁଟ, ମାଲକାନଗିରି, ନବରଙ୍ଗପୁର, ନୂଆପଡ଼ା ଆଦି ଜିଲାର କେତେକ ଭାଗରେ ପ୍ରବେଶ କରିବ।