1.ଗାଡ଼ିର ସାମ୍ନା ୱିଣ୍ଡସିଲ୍ଡରେ ଫାସ୍‌ଟ୍ୟାଗ୍‌ ଲଗାଉନଥିବା ଲୋକମାନଙ୍କୁ ଅବହେଳା ମହଙ୍ଗା ପଡ଼ିବ। ସେଭଳି ଗାଡ଼ି ଚାଳକଙ୍କଠାରୁ ଦୁଇ ଗୁଣା ଅଧିକ ଫି’ ଆଦାୟ କରାଯିବ। ଏନେଇ ଭାରତୀୟ ଜାତୀୟ ରାଜପଥ କର୍ତ୍ତୃପକ୍ଷ (ଏନ୍‌ଏଚ୍‌ଏଆଇ) ଏକ ଗାଇଡ୍‌ଲାଇନ୍ ଜାରି କରିଛନ୍ତି।

2.ଶିଳ୍ପ ସ୍ଥାପନ ଲାଗି ଭଡ଼ାରେ ଜମି ଯୋଗାଇ ଦେବାକୁ ତାମିଲନାଡ଼ୁ କୋଏମ୍ବାଟୁର୍‌ର ଉଦ୍ୟୋଗୀମାନେ ଓଡ଼ିଶା ସରକାରଙ୍କୁ ପ୍ରସ୍ତାବ ଦେଇଛନ୍ତି।

3.ବାଂଲାଦେଶରେ ରହୁଥିବା ଭାରତୀୟ ସମ୍ପ୍ରଦାୟର ସଦସ୍ୟ ଏବଂ ଭାରତୀୟ ଛାତ୍ରମାନଙ୍କୁ ବୁଲାବୁଲି ନ କରିବା ଏବଂ ଗତିବିଧିକୁ କମ୍ କରିବାକୁ ବୈଦେଶିକ ବ୍ୟାପାର ମନ୍ତ୍ରଣାଳୟ ଅନୁରୋଧ କରିଛି।

4.ବିଶ୍ୱର ୧୦ଟି ବୃହତ୍ତମ କୋଇଲା ଖଣି ତାଲିକାରେ ଛତିଶଗଡ଼ର କୋଲ୍ ଇଣ୍ଡିଆର ସହାୟକ ସଂସ୍ଥା ସାଉଥ୍ ଇଷ୍ଟର୍ଣ୍ଣ କୋଲ୍ ଫିଲ୍ଡସ୍ ଲିମିଟେଡ୍ (ଏସ୍ଇସିଏଲ୍)ର ଗେଭରା ଓ କୁସମୁଣ୍ଡା କୋଇଲା ଖଣି ଦ୍ବିତୀୟ ଓ ଚତୁର୍ଥ ସ୍ଥାନ ଅଧିକାର କରିଛନ୍ତି।

5.ସୁପ୍ରିମକୋର୍ଟର ଦୁଇ ଜଣ ବିଚାରପତି ଭାବେ ଶପଥ ଗ୍ରହଣ କରିଛନ୍ତି। ସେମାନେ ହେଉଛନ୍ତି ଜଷ୍ଟିସ୍ ନୋଙ୍ଗମେଇକାପମ୍ କୋଟିଶ୍ୱର ସିଂହ ଏବଂ ଜଷ୍ଟିସ୍ ଆର୍ ମହାଦେବନ। ଉଭୟଙ୍କୁ ଶପଥ ପାଠ କରାଇଛନ୍ତି ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼।

6.ଦ୍ୱିତୀୟ ପର୍ଯ୍ୟାୟର ଗୁରୁବାର ଭିତର ରତ୍ନଭଣ୍ଡାର ଖୋଲିଛି ରତ୍ନଭଣ୍ଡାର ତଦାରଖ କମିଟି। ଏହି ଅବସରରେ ପୁରୀ ଗଜପତି ମହାରାଜ ଦିବ୍ୟସିଂହ ଦେବ ଭିତର ରତ୍ନଭଣ୍ଡାରରେ ସ୍ଥିତି ଅନୁଧ୍ୟାନ କରିଛନ୍ତି।

7.ଦିଲ୍ଲୀ ସ୍କିଲ୍ସ ଆଣ୍ଡ ଏଣ୍ଟରପ୍ରାଇଜର୍ସିପ୍ ୟୁନିଭରସିଟି (DSEU) ଛାତ୍ରମାନଙ୍କ ସମୟ ସୂଚୀରୁ ମଧ୍ୟାହ୍ନ ଭୋଜନ ବିରତିକୁ ହଟାଇ ଦିଆଯାଇଛି | ଏଣିକି ଲଗାତାର ଆଠ ଘଣ୍ଟା କ୍ଲାସ୍ ଚଳାଇବାର ଏକ ନୂତନ ନିୟମ ଲାଗୁ କରାଯାଇଛି।

 8.ଜଳପ୍ରପାତରେ ରିଲ୍ସ କରୁଥିବା ବେଳେ ଖସିଲା ଗୋଡ଼। ୩୦୦ଫୁଟ୍ ତଳକୁ ଖସିବାରୁ ଚାଲିଗଲା ଇନଫ୍ଲୁଏନସରଙ୍କ ଜୀବନ। ମୁମ୍ବାଇର ମୁଲୁଣ୍ଡରେ ରହୁଥିବା ଚାର୍ଟାର୍ଡ ​​ଆକାଉଣ୍ଟାଣ୍ଟ ଅନବୀ କାମଦାରଙ୍କ ସହ ଏଭଳି ଘଟିଥିବା ଜଣାପଡ଼ିଛି।

9.ଭିତର ରତ୍ନଭଣ୍ଡାରର ସମସ୍ତ ରତ୍ନ ଓ ଅଳଙ୍କାର ଅସ୍ଥାୟୀ ଭଣ୍ଡାରକୁ ସ୍ଥାନାନ୍ତର । ୪ଟି ଆଲମୀରା ଓ ୩ଟି ସିନ୍ଦୁକରେ ଥିଲା ସୁନା, ରୂପା ଓ ଦୁର୍ଲଭ ଅଳଙ୍କାର।

1.ରେଳବାଇ ସମ୍ବଲପୁରରେ ୨୮୮.୬୧ କୋଟି ଟଙ୍କାର ଫ୍ଲାଏ ଓଭର ପ୍ରକଳ୍ପକୁ ମଞ୍ଜୁରି ଦେଲା ।

11.ପ୍ୟାରିସ ଅଲିମ୍ପିକ୍ସରେ ଭାଗ ନେଉ ଥିବା କିଟ୍‌ର ୧୨ ଛାତ୍ରଛାତ୍ରୀଙ୍କୁ , ୭ ଲକ୍ଷ ଟଙ୍କା ଲେଖାଏଁ ପ୍ରୋତ୍ସାହନ ରାଶି ଦେବାକୁ  ଅଚ୍ୟୁତ ସାମନ୍ତ  ଘୋଷଣା କଲେ ।

12.ଯାଜପୁର ମେଡିକାଲ କଲେଜକୁ ମଞ୍ଜୁରି ମିଳିଲା, ଚଳିତ ବର୍ଷ ୫୦ଟି ସିଟ୍ ରେ ହେବ ନାମ ଲେଖା ହେବ ।

13.NEET-UGକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ, ଶନିବାର ସୁଦ୍ଧା ଫଳାଫଳ ପ୍ରକାଶ କରିବାକୁ ନିର୍ଦ୍ଦେଶ।

14.ଓଡ଼ିଶାର ବିରୋଧୀ ଦଳ ନେତା ତଥା ବିଜେଡି ସଭାପତି ନବୀନ ପଟ୍ଟନାୟକ ନିଜ ମନ୍ତ୍ରୀମଣ୍ଡଳ ଗଠନ କରିଛନ୍ତି। କ୍ଷମତାସୀନ ମନ୍ତ୍ରୀମଣ୍ଡଳ ପରି ବିରୋଧୀଙ୍କ ମଧ୍ୟ ଏକ ମନ୍ତ୍ରୀ ମଣ୍ଡଳ ରହିଛି ଯାହାକୁ ‘ଛାୟା କ୍ୟାବିନେଟ’ ବୋଲି କୁହାଯାଏ।.

15.ଶ୍ରୀଲଙ୍କା ବିପକ୍ଷରେ ଘୋଷଣା ହେଲା ଭାରତୀୟ ଦଳ: ଟି-୨୦ରେ ସୂର୍ଯ୍ୟ କୁମାରଙ୍କୁ ଅଧିନାୟକ ଦାୟିତ୍ୱ।