1.ପ୍ରତିବର୍ଷ ୮ ସେପ୍ଟେମ୍ବରରେ ବିଶ୍ୱ ସାକ୍ଷରତା ଦିବସ ପାଳନ କରାଯାଉଛି।୧୯୬୬ରେ ୟୁନେସ୍କୋ ଶିକ୍ଷା ପ୍ରତି ଲୋକଙ୍କ ମଧ୍ୟରେ ସଚେତନତା ସୃଷ୍ଟି ନେଇ ସାରା ବିଶ୍ୱରେ ସାକ୍ଷରତା ଦିବସ ପାଳନ ନିମନ୍ତେ ନିଷ୍ପତ୍ତି ହୋଇଥିଲା। ଏହି ନିଷ୍ପତ୍ତି ୭ ନଭେମ୍ବର ୧୯୬୫ରେ ନିଆଯାଇଥିଲା।

2.ପଶ୍ଚିମ ଏସିଆରେ ବଢୁଥିବା ଉତ୍ତେଜନା ମଧ୍ୟରେ ଆବୁଧାବିର ‘କ୍ରାଉନ ପ୍ରିନ୍ସ’ ଶେଖ ଖାଲିଦ ବିନ ମହମ୍ମଦ ବିନ ଜାଏଦ ଅଲ ନାହାନ ରବିବାର (୮ ସେପ୍ଟେମ୍ବର)ରେ ଦୁଇ ଦିନିଆ ଗସ୍ତରେ ଆସି ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରିବେ।

3.ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧରେ ଭାରତୀୟ ନାଗରିକମାନେ ମଧ୍ୟ ଆଗ ଧାଡ଼ିରେ ଲଢ଼ିବାକୁ ବାଧ୍ୟ ହେଉଛନ୍ତି। ଏହି ସଂଗ୍ରାମରେ ଏପର୍ଯ୍ୟନ୍ତ ଅନେକ ଭାରତୀୟ ପ୍ରାଣ ହରାଇଛନ୍ତି। ଏହି ସମୟରେ ଯେଉଁମାନେ ରୁଷିଆ ସେନାରେ ନିଯୁକ୍ତ ହୋଇଥିଲେ ଏବଂ ୟୁକ୍ରେନରେ ଯୁଦ୍ଧ କରିବାକୁ ବାଧ୍ୟ ହୋଇଥିଲେ, ସେମାନଙ୍କୁ ରୁଷିଆର ସୀମା ଭିତରକୁ ଅଣାଯାଇଛି।

4.ବାଂଲାଦେଶରେ ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟ କହିଛି ଯେ ସେପ୍ଟେମ୍ବରର ପ୍ରଥମ ୬ ଦିନରେ ସାରା ଦେଶରେ ଅତି କମରେ ୯ ଜଣ ଡେଙ୍ଗୁରେ ପ୍ରାଣ ହରାଇଛନ୍ତି ଏବଂ ୧ ହଜାର ୯୬୩ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

5.ପାକିସ୍ତାନର ଜଳସୀମାରେ ବିପୁଳ ପରିମାଣର ତୈଳ ଓ ପ୍ରାକୃତିକ ଗ୍ୟାସ୍‌ ମହଜୁଦ ଥିବା ଜଣାଯାଇଛି। ଏପରିକି ଏହା ବିଶ୍ବର ଚତୁର୍ଥ ବୃହତ୍ ତୈଳ ଓ ପ୍ରାକୃତିକ ଗ୍ୟାସ୍‌ ଭଣ୍ଡାର ହୋଇପାରେ ବୋଲି ଆକଳନ କରାଯାଉଛି।

6.ନାସା ଶେଷରେ ନିଷ୍ପତ୍ତି ନେଇଥିଲା ଯେ ବୁଚ୍ ୱିଲ୍‌ମୋର ଓ ସୁନୀତା ୱିଲିୟମ୍‌ସଙ୍କୁ ଷ୍ଟାର୍‌ଲାଇନର୍ ବଦଳରେ ସ୍ପେସ୍ ଏକ୍ସର କ୍ରୁ ଡ୍ରାଗନ୍‌ରେ ଫେରାଇ ଆଣିବା ଅଧିକ ସୁରକ୍ଷିତ ହେବ। ଏଥିପାଇଁ ସେମାନଙ୍କୁ ଫେବ୍ରୁଆରି ୨୦୨୫ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ।

7.ନିବେଶ ଓ ସାର୍ବଜନୀନ ସମ୍ପତ୍ତି ପରିଚାଳନା ବିଭାଗ (ଡିଆଇପିଏଏମ୍)  ସଚିବ ତୁହିନ କାନ୍ତ ପାଣ୍ଡେଙ୍କୁ ଭାରତର ଅର୍ଥ ସଚିବ ଭାବେ ନିଯୁକ୍ତ କରାଯାଇଛି। ଟିଭି ସୋମନାଥନଙ୍କ ସ୍ଥାନରେ ପାଣ୍ଡେଙ୍କୁ  ଏହି ଦାୟିତ୍ୱ ଦିଆଯାଇଛି।

8.କାଉଣ୍ଟରପଏଣ୍ଟ ରିସର୍ଚ୍ଚ ରିପୋର୍ଟ ଅନୁସାରେ  ୨୦୨୪ର ପ୍ରଥମ ୬ ମାସରେ ଭାରତ ବିଶ୍ଵର ଦ୍ଵିତୀୟ ବୃହତ୍‌ ୫ଜି ସ୍ମାର୍ଟଫୋନ୍‌ ବଜାରରେ ପରିଣତ ହେବ। ଆମେରିକାକୁ ପଛରେ ପକାଇ ଭାରତ ଏହି ସ୍ଥାନ ଦଖଲ କରିବ।

9.ଟାଟା ସନ୍ସ ଅଧ୍ୟକ୍ଷ ଏନ୍‌ ଚନ୍ଦ୍ରଶେଖରନ୍‌ ୨୦୨୩-୨୪ ଆର୍ଥିକବର୍ଷରେ ୧୩୫ କୋଟି ଟଙ୍କାର ବେତନ ପାଇଛନ୍ତି। ୨୦୨୨-୨୩ ଆର୍ଥିକ ବର୍ଷ ତୁଳନାରେ ଏହା ୨୦ ପ୍ରତିଶତ ଅଧିକ। ଯେକୌଣସି ଭାରତୀୟ କମ୍ପାନିର ସର୍ବାଧିକ ବେତନ ପାଉଥିବା ପ୍ରଫେସନାଲ ବ୍ୟକ୍ତିଙ୍କ ମଧ୍ୟରେ ଚନ୍ଦ୍ରଶେଖରନ୍‌ ସବୁଠୁ ଆଗରେ ଅଛନ୍ତି।

10.ଜନ୍ମ ତାରିଖ ଏବଂ ନାମ ସଂଶୋଧନ କରିବା ପାଇଁ ଆଧାର କାର୍ଡ ତିଆରି କରୁଥିବା ଘରୋଇ କମ୍ପାନୀଗୁଡିକ ପାଇଁ UIDAI ଦ୍ୱାରା ନୂଆ ନିୟମ ଜାରି କରାଯାଇଛି। ବର୍ତ୍ତମାନ ଜନ୍ମ ପ୍ରମାଣପତ୍ର ଏବଂ ହାଇସ୍କୁଲ ସାର୍ଟିଫିକେଟ ବିନା ଆଧାର କାର୍ଡରେ କୌଣସି ବ୍ୟକ୍ତିର ଜନ୍ମ ତାରିଖ ସଂଶୋଧନ କରିପାରିବେ ନାହିଁ।

11.ଜିନ୍ଦଲ ଷ୍ଟେନ୍‌ଲେସ୍‌ ଲିମିଟେଡ୍‌ (ଜେଏସ୍‌ଏଲ୍‌)ର ଉଚ୍ଚ ଶକ୍ତିସମ୍ପନ୍ନ ଟେମ୍ପର୍ଡ ୩୦୧ ଏଲ୍‌ ଗ୍ରେଡ୍‌ ଅଷ୍ଟେନିଟିକ୍‌ ଷ୍ଟେନ୍‌ଲେସ୍‌ ଷ୍ଟିଲର ଉଲ୍ଲେଖନୀୟ ସଫଳତା ପାଇଁ କମ୍ପାନୀ ନିକଟରେ ଆଉ ଏକ ନୂଆ ମାଇଲଷ୍ଟୋନ ହାସଲ କରିଛି।

12.କେନ୍ଦ୍ର ସରକାର ୨୦୨୩ ବ୍ୟାଚ୍ ଆଇଏଏସ୍ ପ୍ରୋବେସନର ପୂଜା ଖେଡକରଙ୍କୁ ଭାରତୀୟ ପ୍ରଶାସନିକ ସେବାରୁ ତୁରନ୍ତ ହଟାଇ ଦେଇଛନ୍ତି।

13.ଉତ୍ତରପ୍ରଦେଶର ରାଜଧାନୀ ଲଖନଉର ଟ୍ରାନ୍ସପୋର୍ଟ ନଗରରେ ଏକ ବଡ କୋଠା ଭୁଶୁଡ଼ିବା କାରଣରୁ ବଡ଼ ଦୁର୍ଘଟଣାରେ ଅନେକ ଲୋକ ମାଟି ତଳେ ପୋତି ହୋଇଯାଇଥିବାର ଆଶଙ୍କା କରାଯାଉଛି | ଏହି ଘଟଣାରେ ଏପର୍ଯ୍ୟନ୍ତ ୪ ଜଣଙ୍କର ମୃତ୍ୟୁ ଘଟିଛି।

14.ସୋମନାଥ ଏକ୍ସପ୍ରେସ ଜବଲପୁର ଷ୍ଟେସନରେ ପ୍ଲାଟଫର୍ମ ନମ୍ବର ୬କୁ ଯାଉଥିବା ବେଳେ ଦୁଇଟି ବଗି ଲାଇନଚ୍ୟୁତ ହୋଇଛି।

15.କୋଲକାତାର ଆର୍‌ଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ  ‌ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ସଂଜୟ ରାୟର ଜାମିନ ଆବେଦନର ଶୁଣାଣି ସମୟରେ ଶୁକ୍ରବାର ସିଅଲଦା କୋର୍ଟ  ସିବିଆଇ ଉପରେ ବର୍ଷିଛନ୍ତି।

16.ମଣିପୁରରେ ଗତବର୍ଷ ମେ’ରୁ ଆରମ୍ଭ ହୋଇଥିବା ଜାତିଆଣ ହିଂସା ଥମିବାର ନାଁ ନେଉନାହିଁ।  ରାଜ୍ୟରେ ଆତଙ୍କର ବାତାବରଣ ଦେଖିବାକୁ ମିଳିଥିବା ବେଳେ ସଦ୍ୟ ହିଂସାରେ ମଣିପୁରର ଜିରିବାମ୍‌ ଜିଲ୍ଲାରେ ୬ ଜଣଙ୍କର ମୃତ୍ୟୁ ହୋଇଯାଇଛି।

17.ଓଡିଶାରେ ୩ ମାସରେ ୨ ହଜାର ଫରେଷ୍ଟ ଗାର୍ଡ ପଦବୀ ପୂରଣ ହେବ । ଏନେଇ ଜଙ୍ଗଲ ପରିବେଶ ମନ୍ତ୍ରୀ ଗଣେଶରାମ ସିଂ ଖୁଣ୍ଟିଆ ଶନିବାର ସୂଚନା ଦେଇଛନ୍ତି।

18.ଗତ ୭ ବର୍ଷର ଚିତ୍ରକୁ ଅନୁଧ୍ୟାନ କଲେ, ଘୁମୁସର ବନଖଣ୍ଡର ବିଭିନ୍ନ ବନାଞ୍ଚଳରେ ହାତୀ ଆକ୍ରମଣରେ ୭ ଜଣ ପ୍ରାଣ ହରାଇସାରିଲେଣି। ସେହିପରି ସଂଘର୍ଷରେ ଓ ଶିକାରୀଙ୍କ କବଳରେ ପଡ଼ି ହାତୀ ମଧ୍ୟ ମୃତ୍ୟୁମୁଖରେ ପଡ଼ୁଥିବାର ନଜିର୍ ରହିଛି। ଘୁମୁସର ବନଖଣ୍ଡରେ ୨୦୨୨ ଜୁଲାଇରୁ ଆଜି ସୁଦ୍ଧା ୮ଟି ହାତୀ ମରିଥିବା ସରକାରୀ ତଥ୍ୟ କହୁଛି।

19.ନୂଆଦିଲ୍ଲୀ ଫେରିଥିବା ପ୍ୟାରିସ୍ ପାରାଲିମ୍ପିକ୍ କ୍ରୀଡ଼ାବିତ ମାନଙ୍କୁ ସମ୍ବର୍ଦ୍ଧିତ କରିବା ଅବସରରେ ଶ୍ରୀ ମାଣ୍ଡବ୍ୟ ଏହା କହିଛନ୍ତି। ସ୍ବର୍ଣ୍ଣ ପଦକ ବିଜେତା ଅବନୀ ଲେଖରା, ରୌପ୍ୟ ପଦକ ବିଜେତା ମନୀଷ ନରଓ୍ଵାଲ ଓ ପ୍ରଣବ ସୁରମା ଏବଂ କାଂସ୍ୟ ପଦକ ବିଜେତା ମୋନା ଅଗ୍ରୱାଲ, ରୁବିନା ଫ୍ରାନ୍ସିସ୍ ଓ ରାକେଶ କୁମାରଙ୍କୁ ସମ୍ବର୍ଦ୍ଧିତ କରାଯାଇଥିଲା।

20.ଆସନ୍ତା ୪ ଦିନ ମଧ୍ୟରେ ଓଡ଼ିଶା, ଉପକୂଳ ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ବର୍ଷାର ପରିମାଣ ବୃଦ୍ଧି ପାଇବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ରବିବାର ଦିନ  ଉପକୂଳ ଆନ୍ଧ୍ରପ୍ରଦେଶ ଏବଂ ୟାନାମରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।