2.୨.୪୪ ଲକ୍ଷ ରାଜ୍ୟ କର୍ମଚାରୀଙ୍କ ଅଗଷ୍ଟ ମାସର ଦରମା ବନ୍ଦ କରିଦେଇଛନ୍ତି ଉତ୍ତରପ୍ରଦେଶ ସରକାର। ଯେଉଁମାନେ ଦେଶରେ ସେମାନଙ୍କର ସମ୍ପତ୍ତିର ସବିଶେଷ ତଥ୍ୟ ଦେଇନାହାଁନ୍ତି ସେମାନଙ୍କ ଦରମା ବନ୍ଦ କରିଦିଆଯାଇଛି।

3.କେନ୍ଦ୍ର ସରକାର କୃଷକମାନଙ୍କ ସହ ଜଡିତ ୭ଟି ଯୋଜନାକୁ ଅନୁମୋଦନ କରିଛନ୍ତି। କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, କୃଷକଙ୍କ ଜୀବନରେ ଉନ୍ନତି ଆଣିବା ଏବଂ ସେମାନଙ୍କ ଆୟ ବୃଦ୍ଧି ପାଇଁ ସୋମବାର କ୍ୟାବିନେଟ ୭ଟି ପ୍ରମୁଖ ନିଷ୍ପତ୍ତି ନେଇଛି।.

4.ହିମାଚଳ ପ୍ରଦେଶ ସରକାର ଏକ ଦଳ ବଦଳ ବିଲ୍ ଆଣିଛନ୍ତି ଯାହା ବିଧାୟକଙ୍କୁ  ଏକ ବଡ଼ ଝଟକା ଦେବ। ଏହି ବିଲ୍ ମାଧ୍ୟମରେ ହିମାଚଳ ପ୍ରଦେଶର କଂଗ୍ରେସ ସରକାର ସେହି ବିଧାୟକଙ୍କ ପେନସନ୍‌ ବନ୍ଦ କରିବାକୁ ପ୍ରସ୍ତୁତି ଚଳାଇଛନ୍ତି। ଏହି ବିଲ୍ ପାରିତ ହେବା ମାତ୍ରେ ସରକାର ଏଭଳି ଦଳ ବଦଳ କରୁଥିବା ବିଧାୟକଙ୍କ ପେନସନ୍ ବନ୍ଦ କରିବେ।

 5.ସ୍ଥାନୀୟ ପ୍ରତିରକ୍ଷା ଉତ୍ପାଦନକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ସରକାର ଭାରତୀୟ ସେନାର ଟ୍ୟାଙ୍କ ଫ୍ଲିଟ୍ ର ଆଧୁନିକୀକରଣ ପାଇଁ ୧,୪୪,୭୧୬ କୋଟି ଟଙ୍କାର ୧୦ଟି କ୍ରୟ ପ୍ରସ୍ତାବକୁ ଅନୁମୋଦନ କରିଛନ୍ତି। କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରତିରକ୍ଷା ଅଧିଗ୍ରହଣ ପରିଷଦ (ଡିଏସି) ଏହି ୧୦ଟି କ୍ରୟ ପ୍ରସ୍ତାବ (ଏଓଏନ୍)କୁ ଅନୁମୋଦନ କରିଛି।

6.୧୦ ବର୍ଷ ବିତିଗଲାଣି, ୧୦ ହଜାର କୋଟି ଦେଉନ, ସାହାରା-ସେବି ମାମଲାରେ ସାହାରା ଇଣ୍ଡିଆକୁ ସୁପ୍ରିମ୍‌କୋର୍ଟ କଡ଼ା ସମାଲୋଚନା କରିଛନ୍ତି। ନିବେଶକଙ୍କୁ ପାଣ୍ଠି ଫେରସ୍ତ କରିବା ଲାଗି ସେବି ଖାତାରେ ୨୫ ହଜାର କୋଟି ଟଙ୍କା ଜମା କରିବାକୁ ସାହାରାକୁ ସୁପ୍ରିମ୍‌କୋର୍ଟ ୨୦୧୨ରେ ନିର୍ଦ୍ଦେଶ ଦେଇଥିଲେ।

7.ଆଇଏମ୍ଏଫ୍‌ କହିଥିଲା ୨୦୨୪-୨୫ ଆର୍ଥିକ ବର୍ଷରେ ଭାରତୀୟ ଅର୍ଥନୀତି ୭ ପ୍ରତିଶତ ହାରରେ ଆଗକୁ ବଢ଼ିବ ଯାହା ଏହାର ପୂର୍ବ ଆକଳନ ୬.୮ ପ୍ରତିଶତ ତୁଳନାରେ ଅଧିକ।

8.ଅବାଞ୍ଛିତ କଲ୍‌ ସମସ୍ୟାର ସମାଧାନ କରିବା ଲାଗି ଭାରତୀୟ ଟେଲିକମ୍ ନିୟାମକ କର୍ତ୍ତୃପକ୍ଷ (ଟ୍ରାଇ) କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଦେଶରେ ୨.୭୫ ଲକ୍ଷ ଟେଲିଫୋନ୍ ନମ୍ବରକୁ ବ୍ଲକ୍‌ କରାଯାଇଥିବା ବେଳେ ୫୦ଟି ସଂସ୍ଥା ଉପରେ କଟକଣା ଲଗାଯାଇଛି। 

9.ପୂର୍ବ ଚୀନ୍‌ର ତାଇଆନ୍‌ ସହରର ସାନ୍‌ଡୋଂ ଠାରେ ଆଜି ଏକ ଦୁଃଖଦ ଘଟଣାକ୍ରମେ ସ୍କୁଲ ବାହାରେ ନିଜ ସନ୍ତାନଙ୍କୁ ନେଇ ଠିଆ ହୋଇଥିବା ପିତାମାତା, ଅଭିଭାବକଙ୍କ ଉପରେ ଏକ ସ୍କୁଲ ବସ୍‌ ମାଡ଼ିଯାଇଛି। ଫଳରେ ଘଟଣାସ୍ଥଳରେ ୧୧ଜଣଙ୍କ ମୃତ୍ୟୁ ଘଟିବା ସହ ୧୩ଜଣ ଆହତ ହୋଇଛନ୍ତି।

10.କେନ୍ଦ୍ର ସରକାରଙ୍କ ତାଗିଦ୍‌ ପରେ ୧୯୯୯ରେ ଯାତ୍ରୀବାହୀ ବିମାନ ଆଇସି ୮୧୪ର ଅପହରଣ ଘଟଣାକୁ ନେଇ ନିର୍ମିତ ନେଟ୍‌ଫ୍ଲିକ୍ସ ସିରିଜ୍‌ ‘ଆଇସି-୮୧୪: ଦି କାନ୍ଦାହାର ହାଇଜାକ୍‌’ରେ ଥିବା ଆତଙ୍କବାଦୀ ଚରିତ୍ରର ନାମକୁ ପରିବର୍ତ୍ତନ କରାଯାଇଛି।

11.ରୁଷ୍‌ କ୍ଷେପଣାସ୍ତ୍ର ମାଡ଼ରେ ୫୧ ଜଣ ଲୋକଙ୍କ ଜୀବନ ଯାଇଥିବାବେଳେ ୨୧୯ ଲୋକ ଆହତ ହୋଇଥିବାରୁ ପୋଲଟଭା ଗଭର୍ଣ୍ଣର ଫିଲିପ ପ୍ରୋନିନ ୩ ଦିନିଆ ଶୋକ ଘୋଷଣା କରିଛନ୍ତି। 

12.ମଣିପୁର ମୁଖ୍ୟମନ୍ତ୍ରୀ ଏନ୍ ବୀରେନ ସିଂହ ମଙ୍ଗଳବାର ରାଜ୍ୟର ସାଧାରଣ ଅଞ୍ଚଳରେ ବୋମାମାଡ଼ ପାଇଁ ଡ୍ରୋନ୍ ବ୍ୟବହାରକୁ ନିନ୍ଦା କରିବା ସହ ଏହାକୁ ଆତଙ୍କବାଦୀ କାର୍ଯ୍ୟ ବୋଲି କହିଛନ୍ତି।

13.ଭୁବନେଶ୍ୱର ଏୟାରଫିଲ୍ଡ ଥାନା ଅଞ୍ଚଳରେ ଜଣେ ୯ ବର୍ଷୀୟା ଶିଶୁକନ୍ୟାଙ୍କୁ ୫୫ ବର୍ଷୀୟ ପଡୋଶୀ ବ୍ୟକ୍ତି ବଳାତ୍କାର କରିଛନ୍ତି। ଏହି ମାମଲାରେ ସମ୍ପୃକ୍ତ ଅଭିଯୁକ୍ତଙ୍କୁ ପୋଲିସ ମଙ୍ଗଳବାର ଗିରଫ କରିଛି।

14.ରାଜ୍ୟସରକାରଙ୍କ ବେଆଇନ ମଦ ଭାଟି ଓ ବିକ୍ରୟ କେନ୍ଦ୍ର ଗୁଡିକୁ ଅବକାରୀ ବିଭାଗର ବିଭିନ୍ନ ଟିମ ପକ୍ଷରୁ ଖୋଜି ବାହାର କରିବା ସହିତ ସମ୍ପୂର୍ଣ୍ଣ ରୂପେ ଭଙ୍ଗା ଯାଉଛି। ଏହି କ୍ରମରେ ସମଗ୍ର ରାଜ୍ୟର ୧୪୪୩ଟି ବେଆଇନ ମଦ ଭାଟିକୁ ଭାଙ୍ଗି ନଷ୍ଟ କରାଯିବା ସହ ପାଖାପାଖି ୧୦ ଟିରୁ ଉର୍ଦ୍ଧ ଭାଟିକୁ ବୁଲଡୋଜର ଯୋଗେ ସମ୍ପୂର୍ଣ୍ଣ ରୂପେ ଧୂଳିସାତ କରାଯାଇଛି। ଏଥିମଧ୍ୟରୁ କେବଳ ରାଜଧାନୀର ୫୧ ଟି ବେଆଇନ ମଦ ଭାଟିକୁ ନଷ୍ଟ କରାଯାଇଛି।

15.ଛତିଶଗଡର ଦାନ୍ତେୱାଡା ଏବଂ ବିଜାପୁରର ସୀମାନ୍ତ ଅଞ୍ଚଳରେ ସୁରକ୍ଷାବାହିନୀ ଏବଂ ନକ୍ସଲମାନଙ୍କ ମଧ୍ୟରେ ଏନକାଉଣ୍ଟର ଚାଲିଛି। ସୁରକ୍ଷାବାହିନୀ ଗୁଳିରେ ୯ ଜଣ ନକ୍ସଲ ପ୍ରାଣ ହରାଇଛନ୍ତି।

16.୨୦୨୪ ଏପ୍ରିଲରୁ ଅଗଷ୍ଟ ଶେଷ ସୁଦ୍ଧା ଏଚ୍‌ଏମ୍‌ଏସଆଇ ଗାଡ଼ିର ଘରୋଇ ବିକ୍ରି ସଂଖ୍ୟା ୨୩,୪୫,୦୨୮ ଓ ରପ୍ତାନି ସଂଖ୍ୟା ୨,୨୯,୭୧୬ ୟୁନିଟ ରହିଛି। ଚଳିତ ବର୍ଷ ଅଗଷ୍ଟରେ କମ୍ପାନୀ ମଧ୍ୟପ୍ରଦେଶରେ ୩୦ ଲକ୍ଷ ଗାଡ଼ି ବିକ୍ରି କରିବା ମାଇଲଖୁଣ୍ଟ ହାସଲ କରିଛି ଯାହା ରାଜ୍ୟରେ କମ୍ପାନୀକୁ ସବୁଠୁ ପସନ୍ଦର ଦୁଇଚକିଆରେ ପରିଣତ କରିଛି।

17.କଙ୍ଗନାଙ୍କ ଫିଲ୍ମ ଏମରଜେନ୍ସି ରିଲିଜ୍‌ ଉପରେ ରୋକ୍‌ ଲଗାଇଛନ୍ତି ସେନ୍ସର ବୋର୍ଡ।

18.ଅଭିନେତା ନିଭିନ ପାଉଲିଙ୍କ ନାମରେ ରୁଜୁ ହୋଇଛି ଯୌନ ନିର୍ଯାତନା ମାମଲା। ଚଳଚ୍ଚିତ୍ରରେ ସୁଯୋଗ ଦେବାର ପ୍ରଲୋଭନ ଦେଖାଇ ନିଭିନ ଜଣେ ଯୁବତୀଙ୍କୁ ଯୌନ ନିର୍ଯାତନା ଦେଇଥିବା ନେଇ ଅଭିଯୋଗ ହୋଇଛି।

19.ତାମିଲ, କନ୍ନଡ଼, ତେଲୁଗୁ ସମେତ ୧୨ଟି ଆଞ୍ଚଳିକ ଭାଷାରେ କ୍ରିକେଟ ମ୍ୟାଚ୍‌ର ଧାରା ବିବରଣୀ ପ୍ରସାରଣ କରି ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ) ଏକ ବୈପବ୍ଳିକ ପରିବର୍ତ୍ତନ ଆଣିଛି। ଆଇପିଏଲରେ ଅନ୍ୟ ଭାଷାଗୁଡ଼ିକ ପରି ସଂସ୍କୃତ ଭାଷାରେ ଧାରା ବିବରଣୀ ବ୍ୟବସ୍ଥା କରିବାକୁ ପ୍ରଶଂସକମାନେ ଦାବି କରିଛନ୍ତି।

20.ଗତ ଅଗଷ୍ଟ ୩୦ରୁ ସେପ୍ଟେମ୍ବର ୧ତାରିଖ ପର୍ଯ୍ୟନ୍ତ କଟକର ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମରେ ଅନୁଷ୍ଠିତ ରାଜ୍ୟସ୍ତରୀୟ ଟାଏକୋଣ୍ଡୋ ପ୍ରତିଯୋଗିତାରେ କନ୍ଧମାଳ ଜିଲାକୁ ବେଶ୍‌ ସଫଳତା ମିଳିଛି।