1.ଆଫ୍ରିକୀୟ ରାଷ୍ଟ୍ର ବୋତ୍‌ସ୍ବାନାରୁ ଖୁବ୍‌ଶୀଘ୍ର ଆଉ ୮ଟି ଚିତା ଭାରତ ଅଣାଯିବ । ଇତିମଧ୍ୟରେ ଭାରତ ଆସିବାକୁ ଥିବା ଦୁଇଟି ଅଣ୍ଡିରା ଚିତାଙ୍କୁ ଧରାଯାଇ ଗୋଟିଏ ମାସ ପାଇଁ କ୍ବାରେଣ୍ଟାଇନରେ ରଖାଯାଇଛି। ଡାକ୍ତରୀ ପରୀକ୍ଷା ପରେ ଛଅ ମାଈ ଚିତାଙ୍କ ସହ ଏମାନଙ୍କୁ ଭାରତ ଅଣାଯିବ।

2.ବିହାର ସରକାର 2,400 MW ଭାଗଲପୁର (ପିରପୈନ୍ତି) ବିଦ୍ୟୁତ ପ୍ରକଳ୍ପ ପାଇଁ ଆଦାନୀ ପାୱାର ଲିମିଟେଡକୁ ଚୁକ୍ତିନାମା ପ୍ରଦାନ କରିଛନ୍ତି। ଏହି ବିଦ୍ୟୁତ ପ୍ରକଳ୍ପରେ ଆଦାନୀଙ୍କ ପ୍ରାୟ 30,000 କୋଟି ଟଙ୍କାର ଯୋଜନାବଦ୍ଧ ନିବେଶ ଶିଳ୍ପ କାର୍ଯ୍ୟକଳାପକୁ ବୃଦ୍ଧି କରିବ।

3.ପାକିସ୍ତାନ ଏବେ ଏହାର ସେନାମୁଖ୍ୟ ଅସୀମ ମୁନିରଙ୍କୁ ଅଭୂତପୂର୍ବ କ୍ଷମତା ପ୍ରଦାନ କରିଛି।    ପାକିସ୍ତାନ ସଂସଦ  ଏକ ଐତିହାସିକ ପଦକ୍ଷେପରେ ୨୭ତମ ସାମ୍ବିଧାନିକ ସଂଶୋଧନ ପାସ୍‌ କରିଛି ଏବଂ ଏହା ଦ୍ବାରା ସେନା ମୁଖ୍ୟ ମୁନିରଙ୍କୁ  ସ୍ଥଳସେନା, ନୌସେନା ଓ ବାୟୁସେନାର ମୁଖ୍ୟ ଭାବେ ନିଯୁକ୍ତ କରାଯାଇଛି।

4.ଭାରତର କ୍ଷତି କରିବା ଲାଗି ସେମାନଙ୍କ ବାରମ୍ବାର ପ୍ରୟାସର ଉପଯୁକ୍ତ ଜବାବ ଦେବାକୁ ପଡିବ ବୋଲି ସେ ବେଙ୍ଗାଲୁରୁରେ ‘ସଂଘର ୧୦୦ ବର୍ଷର ଯାତ୍ରା - ନୂତନ ଦିଗ୍‌ବଳୟ’ ଶୀର୍ଷକ ଏକ କାର୍ଯ୍ୟକ୍ରମରେ  ରାଷ୍ଟ୍ରୀୟ ସ୍ୱୟଂସେବକ ସଂଘ (ଆର୍‌ଏସ୍ଏସ) ମୁଖ୍ୟ ମୋହନ ଭାଗବତ କହିଛନ୍ତି।  

5.ଆଣ୍ଡାମାନ ଓ ନିକୋବର ଦ୍ଵିପପୁଞ୍ଜ​‌ରେ ଭୂମିକମ୍ପ ହୋଇଥିବା ସୂଚନା ମିଳିଛି । ୧୨:୬ ସମୟରେ ଭୂମିକମ୍ପ ହୋଇଥିବା ସୂଚନା ରହିଛି । ଭୂମିକମ୍ପ ହୋଇଥିବା , ନ୍ୟାସନାଲ ସେଣ୍ଟର ଫର ସିସମୋଲୋଜି ସୂଚନା ଦେଇଛି । 

6.ଉତ୍ତରାଖଣ୍ଡ ପ୍ରତିଷ୍ଠାର ୨୫ତମ ବାର୍ଷିକୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉତ୍ତରାଖଣ୍ଡ ଗସ୍ତ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଉତ୍ତରାଖଣ୍ଡକୁ ୮ ହଜାର କୋଟିର ଉପହାର ଦେଇଛନ୍ତି।

7.ରାଉଜ୍ ଆଭେନ୍ୟୁ କୋର୍ଟ ଦିଲ୍ଲୀ ଦଙ୍ଗା ମାମଲାରେ ବିଜେପି ନେତା କପିଲ ମିଶ୍ରଙ୍କ ଆବେଦନ ଉପରେ ତାଙ୍କର ରାୟ ଶୁଣାଇବେ।

8.ସୁପ୍ରିମକୋର୍ଟ ଦେଶରେ ଅନଲାଇନ୍ ଠକେଇ ଏବଂ ଡିଜିଟାଲ୍ ଗିରଫଦାରୀ ବୃଦ୍ଧି ଉପରେ ଏକ ମାମଲାର ଶୁଣାଣି କରିବେ।

9.ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଙ୍ଗୋଲାର ଜାତୀୟ ସଭାକୁ ସମ୍ବୋଧିତ କରିବେ। ଆଙ୍ଗୋଲା ପରେ ସେ ତାଙ୍କର ଛଅ ଦିନିଆ ଆଫ୍ରିକା ଗସ୍ତ କରିବେ।

10. ବିହାରରେ ବିଧାନସଭା ନିର୍ବାଚନର ଦ୍ୱିତୀୟ ତଥା ଶେଷ ପର୍ଯ୍ୟାୟ ପାଇଁ ପ୍ରଚାର ଶେଷ ହୋଇଛି। ଦ୍ୱିତୀୟ ପର୍ଯ୍ୟାୟ ମତଦାନ ମଙ୍ଗଳବାର ହେବ ଏବଂ ଶୁକ୍ରବାର ଫଳାଫଳ ପ୍ରକାଶ ପାଇବ

11."ଦୃଶ୍ୟମ" ଚଳଚ୍ଚିତ୍ର ଦ୍ୱାରା ଅନୁପ୍ରାଣିତ ହୋଇ ଜଣେ ସ୍ୱାମୀ ତାଙ୍କ ସ୍ତ୍ରୀଙ୍କୁ ହତ୍ୟା କରିଛି ଓ ମୃତଦେହକୁ ଏକ ଭାଟିରେ ପୋଡ଼ି ଦେଇଛି। ପୁଣେର ୱାର୍ଜେ ମାଲୱାଡି ପୁଲିସ ଏକ ଚାଞ୍ଚଲ୍ୟକର ହତ୍ୟା ମାମଲାର ପର୍ଦ୍ଦାଫାସ କରିଛି ।

12. ମାରୁତି ସୁଜୁକି ଇଣ୍ଡିଆ ସହିତ ସୁଜୁକି ମୋଟର ଗୁଜରାଟା ପ୍ରାଇଭେଟ ଲିମିଟେଡ କମ୍ପାନି ମିଶିଯିବ। ଏହି ମିଶ୍ରଣ ପ୍ରସ୍ତାବକୁ ଏନ୍‌ସିଏଲ୍‌ଟି (ଜାତୀୟ କମ୍ପାନି ଆଇନ ଟ୍ରିବ୍ୟୁନାଲ) ମଞ୍ଜୁରି ପ୍ରଦାନ କରିଛି।

13. ଅକ୍ଟୋବର ମାସରେ ଦେଶରେ ଉଭୟ ନିରାମିଷ ଓ ଆମିଷ ଖାଦ୍ୟ ଥାଳି ଗତବର୍ଷ ଅକ୍ଟୋବର ତୁଳନାରେ ଶସ୍ତା ହୋଇଛି। ନିରାମିଷ ଥାଳି ମୂଲ୍ୟ ୧୭ ପ୍ରତିଶତ କମି ୨୭ ଟଙ୍କା ୮୦ ପଇସା ରହିଛି। ୨୦୨୪ ଅକ୍ଟୋବରରେ ନିରାମିଷ ଥାଳି ମୂଲ୍ୟ ୩୩ ଟଙ୍କା ୩୦ପଇସା ଥିଲା। 

14. ଗୁଜରାଟ ଆଣ୍ଟି ଟେରୋରିଷ୍ଟ ସ୍କ୍ବାଡ୍ (ଏଟିଏସ୍) ଜଣେ ଡାକ୍ତରଙ୍କ ସମେତ ତିନି ଜଣ ଇସ୍‌ଲାମିକ ଷ୍ଟେଟ୍‌(ଆଇଏସ୍‌) ଆତଙ୍କବାଦୀଙ୍କୁ ଗିରଫ କରିଛି। ସେମାନଙ୍କଠାରୁ ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଛି।  

15.ଉତ୍ତର-ପଶ୍ଚିମ ଦିଗରୁ ବହୁଥିବା ଶୁଷ୍କ ଥଣ୍ଡା ବାୟୁ ପ୍ରଭାବରେ ରାଜ୍ୟରେ ସର୍ବନିମ୍ନ ତାପମାତ୍ରା ହ୍ରାସ ପାଉଛି। କନ୍ଧମାଳ, ଝାରସୁଗୁଡ଼ା, ସୁନ୍ଦରଗଡ଼, ଭଦ୍ରକ, ଅନୁଗୋଳ, କେନ୍ଦୁଝର, କୋରାପୁଟ, କଳାହାଣ୍ଡି, ବଲାଙ୍ଗିର ଏବଂ ନବରଙ୍ଗପୁର ଆଦି ପାହାଡ଼ିଆ ଜିଲାରେ ପ୍ରବଳ ଶୀତ ପଡୁଛି।