1.ଅର୍ଥମନ୍ତ୍ରୀ ନିର୍ମଳା ସୀତାରମଣ ଆସନ୍ତା ରବିବାର ୨୦୨୬-୨୭ ଆର୍ଥିକବର୍ଷ ପାଇଁ ସଂସଦରେ ବଜେଟ ଉପସ୍ଥାପନ କରିବେ।

2.ଗତ ବର୍ଷ ଇସ୍ରାଏଲ ଏବଂ ଆମେରିକା ଦ୍ୱାରା ବୋମା ମାଡ଼ କରାଯାଇଥିବା ଦୁଇଟି ପରମାଣୁ ସ୍ଥାନରେ ଇରାନ ନୂତନ ନିର୍ମାଣ କାର୍ଯ୍ୟ କରିଛି। ସାଟେଲାଇଟ୍ ଚିତ୍ରଗୁଡ଼ିକ ଏହା ପ୍ରକାଶ କରିଛି।

3.ଫେବୃଆରୀ ୧ ପର୍ଯ୍ୟନ୍ତ କିଭ୍ ଉପରେ ବିମାନ ଆକ୍ରମଣ ବନ୍ଦ କରିବା ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଅନୁରୋଧରେ ରୁଷ ରାଜି ହୋଇଛି।

4.ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋର ପୂର୍ବ ପ୍ରଦେଶରେ ଥିବା ରୁବାୟା କୋଲ୍ଟାନ୍ ଖଣିରେ ବୁଧବାର ଦିନ ଏକ ବଡ଼ ଭୂସ୍ଖଳନରେ ୨୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି।

5.ନବରତ୍ନ ଉଦ୍ୟୋଗ ନ୍ୟାସନାଲ ଆଲୁମିନିୟମ କମ୍ପାନି ଲିମିଟେଡ (ନାଲ୍‌କୋ) ୨୦୨୫-୨୬ ଆର୍ଥିକ ବର୍ଷର ତୃତୀୟ ତ୍ରୈମାସିକରେ ସର୍ବକାଳୀନ ସର୍ବାଧିକ ୧୬୦୧ କୋଟି ଟଙ୍କାର ନିଟ୍‌ ଲାଭ କରିଛି। ବିଗତ ଆର୍ଥିକ ବର୍ଷର ତୃତୀୟ ତ୍ରୈମାସିକରେ ଏହି ପରିମାଣ ୧୫୮୩ କୋଟି ଟଙ୍କା ଥିଲା।

6.କର୍ଣ୍ଣାଟକ ମନ୍ତ୍ରୀ ରାମଲିଙ୍ଗ ରେଡ୍ଡୀ ଶୁକ୍ରବାର ଦିନ ରାଜ୍ୟର ଚାରୋଟି ପରିବହନ ନିଗମର ବସ୍ ଏବଂ ବସ୍ ଷ୍ଟାଣ୍ଡରେ ତମାଖୁ ଉତ୍ପାଦ ବ୍ୟବହାରକୁ ପ୍ରୋତ୍ସାହିତ କରୁଥିବା ସମସ୍ତ ପ୍ରତ୍ୟକ୍ଷ ଏବଂ ପରୋକ୍ଷ ବିଜ୍ଞାପନକୁ ନିଷେଧ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।

7.ଦିଲ୍ଲୀ ସରକାର ଜଳ ବିଲ୍ ଉପରେ ବିଳମ୍ବ ପେମେଣ୍ଟ ସରଚାର୍ଜ ଛାଡ଼ ଯୋଜନା (LPSC) ପାଇଁ ସମୟ ସୀମା ଅଗଷ୍ଟ ୧୫ ପର୍ଯ୍ୟନ୍ତ ବୃଦ୍ଧି କରିଛନ୍ତି, ମନ୍ତ୍ରୀ ପରଭେଶ ବର୍ମା କହିଛନ୍ତି।

8.ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ମୃତ୍ୟୁର ୨ ଦିନ ପରେ ତାଙ୍କ ପତ୍ନୀ ତଥା ରାଜ୍ୟସଭା ସାଂସଦ ସୁନେତ୍ରା ପାୱାର ଆସନ୍ତାକାଲି ଉପମୁଖ୍ୟମନ୍ତ୍ରୀ ଭାବେ ଶପଥ ନେବେ। ଏନେଇ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି ବୋଲି ଏକ ସୂତ୍ରରୁ ଜଣାପଡ଼ିଛି। ସୁନେତ୍ରା ଉପମୁଖ୍ୟମନ୍ତ୍ରୀ ଭାବେ ଶପଥ ନେବେ ଏବଂ ଏନ୍‌ସିପିର ମଙ୍ଗ ଧରିବେ।

9.କଂଗ୍ରେସ ସାଂସଦ ଶଶୀ ଥରୁର ଶୁକ୍ରବାର ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ପ୍ରଶଂସା କରିଛନ୍ତି। ଥରୁର କହିଛନ୍ତି, ଦେଶରେ ବିଭିନ୍ନ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ରାହୁଲ ଦୃଢ଼ ସ୍ବର ରଖିଛନ୍ତି ଏବଂ ସେ ଜଣେ ନିଷ୍ଠାପର ନେତା।

10.ଗତ ୧୦ ବର୍ଷରେ ଗୃହ ଋଣ ଚାହିଦାରେ ୩ ଗୁଣା ବୃଦ୍ଧି ଘଟି ୩୭ ଲକ୍ଷ କୋଟି ଟଙ୍କା ହୋଇଯାଇଛି। ଗୃହ ଋଣ ପରିମାଣ ଦେଶର ମୋଟ ଘରୋଇ ଉତ୍ପାଦ (ଜିଡିପି)ର ୧୧ ପ୍ରତିଶତରେ ପହଞ୍ଚିଛି।

11.ତାଳଚେର, ଭୂତଳ କୋଇଲା ଖଣିରେ ବାଲି ଭର୍ତ୍ତି ନେଇ ଖଣି କର୍ତ୍ତୃପକ୍ଷ ତତ୍ପରତା ପ୍ରକାଶ କରୁନଥିବାରୁ ତାଳଚେରରେ ବାରମ୍ବାର ମାଟି ଧସୁଛି। ଭୂଗର୍ଭରୁ ମୋଟ୍‌ ୫ ଲକ୍ଷ ୮୫ ହଜାର କ୍ୟୁବିକ୍‌ ସେଣ୍ଟିମିଟର କୋଇଲା ଉତ୍ତୋଳନ କରାଯାଇଥିବା ବେଳେ ବିଗତ ୩୪ ବର୍ଷ ମଧ୍ୟରେ ମାତ୍ର ୪ ଲକ୍ଷ ୪୫ ହଜାର ୩ ଶହ ୧୯ କ୍ୟୁବିକ୍‌ ସେଣ୍ଟିମିଟର୍‌ ବାଲି ଭର୍ତ୍ତି ହୋଇଥିବା ଜଣାପଡ଼ିଛି।

12.ଭୁବନେଶ୍ବରରେ ୨୪ କ୍ୟାରେଟ୍‌ ସୁନାର ୧୦ ଗ୍ରାମ ପିଛା ମୂଲ୍ୟ ୯୬୫୦ ଟଙ୍କା ହ୍ରାସ ପାଇ ୧,୬୯,୨୦୦ ଟଙ୍କାକୁ ହ୍ରାସ ପାଇଛି। ୨୨ କ୍ୟାରେଟ୍‌ ସୁନାର ୧୦ ଗ୍ରାମ ପିଛା ଦାମ୍‌ ୮୮୫୦ ଟଙ୍କା ହ୍ରାସ ପାଇ ୧,୫୫,୧୦୦ ଟଙ୍କା ହୋଇଛି।

13.ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶୁକ୍ରବାର ଗଞ୍ଜାମ ଜିଲ୍ଲା ପାଇଁ ୪୯୨ କୋଟି ଟଙ୍କାର ବିକାଶମୂଳକ ପ୍ରକଳ୍ପର ଶୁଭାରମ୍ଭ କରିଛନ୍ତି ଏବଂ ପ୍ରସିଦ୍ଧ କବି ସମ୍ରାଟ ଉପେନ୍ଦ୍ର ଭଞ୍ଜଙ୍କ ଜନ୍ମବାର୍ଷିକୀକୁ ରାଜ୍ୟ ମହୋତ୍ସବ ଭାବରେ ପାଳନ କରାଯିବ ବୋଲି ଘୋଷଣା କରିଛନ୍ତି।

14.ଦୁଇରୁ ଅଧିକ ସନ୍ତାନ ପାଇଁ ଗ୍ରାମପଞ୍ଚାୟତ (GP) ସଦସ୍ୟଙ୍କ ଅଯୋଗ୍ୟତାକୁ ଚ୍ୟାଲେଞ୍ଜ କରି କରାଯାଇଥିବା ଏକ ଆବେଦନକୁ ଖାରଜ କରି ଓଡ଼ିଶା ହାଇକୋର୍ଟ ପରିବାର ନିୟୋଜନ ଏବଂ ଜନସଂଖ୍ୟା ନିୟନ୍ତ୍ରଣର ଗୁରୁତ୍ୱକୁ ପୁନଃସ୍ଥାପିତ କରିଛନ୍ତି।

15.ମହାନ ଆଥ୍‌ଲେଟ୍‌ ତଥା ଭାରତୀୟ ଅଲିମ୍ପିକ୍‌ ସଂଘ (ଆଇଓଏ)ର ସଭାନେତ୍ରୀ ପିଟି ଉଷାଙ୍କ ସ୍ବାମୀ ଭି ଶ୍ରୀନିବାସନ ଆକସ୍ମିତ ପରଲୋକ ଗମନ କରିଛନ୍ତି।