1.ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ କହିଛନ୍ତି ଯେ ସୁନ୍ନି ଏବଂ ସିଆ ଉଗ୍ରବାଦ ଉଭୟ ସମଗ୍ର ବିଶ୍ୱ ପାଇଁ ବିପଦ ସୃଷ୍ଟି କରୁଛନ୍ତି। 

2.ପଶ୍ଚିମ ଏସିଆରେ ଚାଲିଥିବା ଯୁଦ୍ଧ ମଧ୍ୟରେ ଭାରତୀୟ ଅଧିକାରୀମାନେ ରିପୋର୍ଟ କରିଛନ୍ତି ଯେ ଭାରତୀୟ ପତାକାଯୁକ୍ତ ଟ୍ୟାଙ୍କରଗୁଡ଼ିକୁ ହର୍ମୁଜ୍ ପ୍ରଣାଳୀ ଦେଇ ପରିବହନ ପାଇଁ ଅନୁମତି ଦିଆଯାଇଛି। ଅନ୍ୟପକ୍ଷରେ ଇରାନୀ ଅଧିକାରୀମାନେ ଏପରି କୌଣସି ଚୁକ୍ତିକୁ ଅସ୍ୱୀକାର କରିଛନ୍ତି। 

3.ଇରାନରେ ୯୦୦୦ ଭାରତୀୟ ଫସି ରହିଛନ୍ତି। ଏନେଇ ବୈଦେଶିକ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି।

4. ପଶ୍ଚିମ ଇରାକରେ ଆମେରିକୀୟ ବାୟୁସେନାର ଏକ KC-135 ଷ୍ଟ୍ରାଟୋଟାଙ୍କର୍ ବିମାନ ଦୁର୍ଘଟଣାଗ୍ରସ୍ତ ହୋଇଛି।

5. ମଧ୍ୟପ୍ରାଚ୍ୟରେ ଯୁଦ୍ଧ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ଗୁରୁବାର ରାତିରେ ଇରାନ ରାଷ୍ଟ୍ରପତି ମାସୁଦ ପେଜେଶକିୟାନଙ୍କ ସହ ଫୋନ୍ ମାଧ୍ୟମରେ କଥାବାର୍ତ୍ତା କରିଛନ୍ତି। 

6.ଇରାନର ନୂତନ ସର୍ବୋଚ୍ଚ ନେତା ମୋଜ୍‌ତାବା ଖାମେନେଇ ସମ୍ପର୍କରେ ଏକ କଡ଼ା ବିବୃତ୍ତି ଜାରି କରି ବେଞ୍ଜାମିନ୍ ନେତାନ୍ୟାହୁ ଦୃଢ଼ ଭାବରେ କହିଛନ୍ତି ଯେ ତାଙ୍କ ପାଇଁ କୌଣସି “ଜୀବନ ବୀମା” ନାହିଁ।

7.ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ ପ୍ରାଧିକରଣ (FSSAI) କ୍ଷୀର ଉତ୍ପାଦନ ଏବଂ ବିକ୍ରୟ ପାଇଁ ଲାଇସେନ୍ସକୁ ବାଧ୍ୟତାମୂଳକ କରିଛି। ଏବେ କୌଣସି ବ୍ୟକ୍ତି କିମ୍ବା ସଂଗଠନ ଉପଯୁକ୍ତ ପଞ୍ଜିକରଣ କିମ୍ବା ଲାଇସେନ୍ସ ବିନା କ୍ଷୀର ବ୍ୟବସାୟ କରିପାରିବେ ନାହିଁ।

ଏବେସୁଦ୍ଧା ପଶ୍ଚିମ ଓଡ଼ିଶାର ୯ଟି ଜିଲ୍ଲାରେ ସଂପୂର୍ଣ୍ଣଭାବେ ମୋବାଇଲ୍‌ ନେଟ୍‌ୱର୍କ ପହଞ୍ଚିପାରିନି। ସୁନ୍ଦରଗଡ଼ ସମେତ ବରଗଡ଼, ବଲାଙ୍ଗୀର, ବୌଦ୍ଧ, ଦେବଗଡ଼, କଳାହାଣ୍ଡି, ନୂଆପଡ଼ା, ସମ୍ବଲପୁର ଓ ସୁବର୍ଣ୍ଣପୁର ଜିଲ୍ଲାର ୨୭୮ଟି ଗାଁରେ ମୋବାଇଲ୍‌ ନେଟୱର୍କ ଅପହଞ୍ଚ।

9.ରାଜଧାନୀ ଭୁବନେଶ୍ଵରକୁ ବସ୍ତିମୁକ୍ତ କରି ବିକଶିତ ସହର ଯୋଜନା କ୍ରମରେ ଉଚ୍ଛେଦ ବସ୍ତିବାସିନ୍ଦାଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ(ସହରାଞ୍ଚଳ) ଆଫୋର୍ଡେବଲ୍‌ ହାଉସିଂ ପ୍ରକଳ୍ପରେ ଘର ଯୋଗାଇ ଦିଆଯାଉଛି। ବିଏମ୍‌ସି ପକ୍ଷରୁ ଲଟେରି ଜରିଆରେ ୧୦ ବସ୍ତିର ୩୦୩ଟି ପରିବାରକୁ ଘର ବଣ୍ଟାଯାଇଛି ।

10.ଏହି ମାସରେ ଦେଶରେ ଖୁଚୁରା ମୁଦ୍ରାସ୍ଫୀତି ୩.୨୧ ପ୍ରତିଶତକୁ ବୃଦ୍ଧି ପାଇଛି। ଓଡ଼ିଶାରେ ତାହା ଜାତୀୟ ହାରଠାରୁ ଅଧିକ ଅର୍ଥାତ୍‌ ୩.୨୭ ପ୍ରତିଶତ ରହିଛି। ରାଜ୍ୟର ଗ୍ରାମାଞ୍ଚଳରେ ଦରଦାମ୍‌ ଚାପ ଅଧିକ ରହିଥିବାରୁ ସେଠାକାର ଖୁଚୁରା ମୁଦ୍ରାସ୍ଫୀତି ୩.୪୦ ପ୍ରତିଶତ ରହିଛି।

11.ଭୁବନେଶ୍ବର କୋଭିଡ୍‌ ମହାମାରୀ ପରବର୍ତ୍ତୀ ସମୟରେ ଏଠାରେ ଉଭୟ ଜମି ଓ ଫ୍ଲାଟ୍‌ ଦରରେ ଅହେତୁକ ବୃଦ୍ଧି ଘଟିଛି। ୨ବିଏଚ୍‌କେ ଓ ୩ବିଏଚ୍‌କେ ଫ୍ଲାଟ୍‌ ମୂଲ୍ୟ ବଢ଼ିଛି।

12.ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା ଅଧୀନରେ ୧୮ବର୍ଷରୁ ଊର୍ଦ୍ଧ୍ବ କନ୍ୟାମାନଙ୍କୁ ୬୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଉଛି। ଯେଉଁଥିରୁ ୪୫ ହଜାର ଟଙ୍କା ସିଧାସଳଖ ନଗଦ ହସ୍ତାନ୍ତର ମାଧ୍ୟମରେ କନ୍ୟାମାନଙ୍କ ବ୍ୟାଙ୍କ୍ ଖାତାକୁ ପଠାଇ ଦିଆଯାଉଛି।

13.ରାଜ୍ୟସଭା ନିର୍ବାଚନରେ କ୍ରସ ଭୋଟିଂ ଓ ଘୋଡ଼ା ବେପାର ଭୟରେ କଂଗ୍ରେସ ତା’ର ବିଧାୟକମାନଙ୍କୁ ଓଡ଼ିଶା ବାହାରକୁ ସ୍ଥାନାନ୍ତର କରିଛି।

14.ବାଲୁଗାଁ ବନାଞ୍ଚଳ ପ୍ରାଣଦେଇପୁର ଗାଁ ନିକଟସ୍ଥ ଶୋଲେରୀ ପାହାଡ଼ରେ ଲାଗିଛି ନିଆଁ। ପାହାଡ଼ରେ ଥିବା ବାଉଁଶ ଜଙ୍ଗଲ ଓ ଅନନ୍ତ ମୂଳ ଭଳି ଅନେକ ଔଷଧୀୟ ଗୁଳ୍ମ ଲତା ଜଳିପୋଡି ନଷ୍ଟ ହେଉଛି।

15.ରାଜ୍ୟରେ ସର୍ବାଧିକ ତାପମାତ୍ରା ୪୦ ଡିଗ୍ରୀ ଅତିକ୍ରମ କରିଛି। ଗୁରୁବାର ଝାରସୁଗୁଡ଼ାରେ ଦିନ ତାପମାତ୍ରା ୪୦.୮ ଡିଗ୍ରୀ ଛୁଇଁଛି। ୧୭ଟି ସ୍ଥାନରେ ପାରଦ ୩୭ଡିଗ୍ରୀ ଟପିଛି।