1.୨୦୨୫-୨୬ରେ ଉତ୍ପାଦନ ୧୧୦.୬୫ ନିୟୁତ ଟନ୍‌ ରହିବା ନେଇ ଏହା ଆକଳନ କରିଥିଲା। ଏହା ୨୦୨୪-୨୫ର ୧୦୯.୬୩ ନିୟୁତ ଟନ୍‌ ତୁଳନାରେ ସାମାନ୍ୟ ଅଧିକ ହୋଇଥିଲେ ମଧ୍ୟ ୨୦୨୫-୨୬ ପାଇଁ ସରକାର କରିଥିବା ୧୨୦.୨୧ ନିୟୁତ ଟନ୍‌ ଆକଳନଠାରୁ ଯଥେଷ୍ଟ କମ୍‌ । 

2.କେନ୍ଦ୍ର ସରକାର ଶନିବାର କହିଛନ୍ତି ଯେ ଫେବୃଆରୀ ୨୮ ତାରିଖ ପରଠାରୁ ପ୍ରାୟ ୧୨.୬୫ ଲକ୍ଷ ଯାତ୍ରୀ ଉପସାଗର ଏବଂ ପଶ୍ଚିମ ଏସିଆ କ୍ଷେତ୍ରରୁ ଭାରତ ଯାତ୍ରା କରିଛନ୍ତି।

3.ଦେଶର ପାର୍ବତ୍ୟ ଏବଂ ଦୁର୍ଗମ ଅଞ୍ଚଳରେ ଜଳବିଦ୍ୟୁତ୍‌ ପ୍ରକଳ୍ପମାନ ପ୍ରକଳ୍ପଗୁଡ଼ିକ ନିର୍ମାଣ ହେବ। ଆସନ୍ତା ୫ ବର୍ଷ ମଧ୍ୟରେ ଏହା ଜରିଆରେ ୧୫୦୦ ମେଗାୱାଟ୍‌ର ବିଦ୍ୟୁତ୍‌ ଶକ୍ତି ଉତ୍ପାଦନ ହେବ ଏବଂ ନିର୍ମାଣ ସମୟରେ ୫୧ ଲକ୍ଷ ଦିବସର କାର୍ଯ୍ୟ ସୃଷ୍ଟି କରାଯିବ।

4.ପେଟିଏମ୍‌ ପେମେଣ୍ଟ୍‌ସ ବ୍ୟାଙ୍କର ଲାଇସେନ୍ସ ନିକଟରେ ଭାରତୀୟ ରିଜର୍ଭ ବ୍ୟାଙ୍କ ରଦ୍ଦ କରିଛି। ତେବେ ଏହି ବ୍ୟାଙ୍କରେ ଜମାକାରୀମାନଙ୍କର ଏ‌ବେ ବି ୮୦୦ କୋଟି ଟଙ୍କା ପଡ଼ି ରହିଛି। ଏଥିରୁ ୪୦୦ କୋଟି ଟଙ୍କା ଅଚଳ ଆକାଉଣ୍ଟରେ ଥିବାବେଳେ ଆଉ ୪୦୦ କୋଟି ଟଙ୍କାର କେହି ଦାବିଦାର ନାହାନ୍ତି।

5.ଅଶୋଧିତ ତେଲ ଦର ଉଚ୍ଚସ୍ତରରେ ରହିବା ଫଳରେ ମୁଦ୍ରାସ୍ଫୀତି, ଟଙ୍କାର ବିନିମୟ ମୂଲ୍ୟ ଏବଂ ଚଳନ୍ତି ଖାତା ଉପରେ ଚାପ ସମ୍ଭାବନା ସୃଷ୍ଟି କରିଛି ବୋଲି ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ ଏହାର ରିପୋର୍ଟରେ ଦର୍ଶାଇଛି। 

6.ଆମେରିକା ଖୁବ୍ ଶୀଘ୍ର ଇରାନ ସହିତ ଯୁଦ୍ଧରେ ବିଜୟୀ ହେବ। ସେ ନାଟୋ, ବ୍ରିଟେନ ଏବଂ ଚୀନ୍ ସମେତ ବିଶ୍ୱ ବିଷୟରେ ଅନେକ ମନ୍ତବ୍ୟ ମଧ୍ୟ ଦେଇଛନ୍ତି। 

7.ଚାଇନାର ଶାନସି ପ୍ରଦେଶର ଏକ ବିଶ୍ୱବିଦ୍ୟାଳୟରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ଏକ ହ୍ୟୁମାନଏଡ୍‌ ରୋବୋ (ଯନ୍ତ୍ରମଣିଷ) ନାଚୁଥିବା ସମୟରେ ହଠାତ୍‌ ଜଣେ ଛାତ୍ରୀଙ୍କ ଆଡ଼କୁ ମାଡ଼ିଆସି ତାଙ୍କୁ କୁଣ୍ଢାଇ ପକାଇଥିଲା।

8. ରାଜସ୍ଥାନରେ ଗରମପ୍ରବାହ ଚଳିତ ବର୍ଷ ତାପମାତ୍ରା ୪୬ ଡିଗ୍ରିରେ ପହଞ୍ଚିଛି। ପଶ୍ଚିମ ଏବଂ ପୂର୍ବ ଅଂଶ ସ୍ପଷ୍ଟ ଭାବରେ ଗରମପ୍ରବାହ ଅନୁଭବ କରୁଛି।

9.ସ୍ବାସ୍ଥ୍ୟସେବାକୁ ନେଇ ଇଣ୍ଟେନସିଭ୍‌ କେୟାର ୟୁନିଟ୍‌(ଆଇସିୟୁ)ର ସର୍ବନିମ୍ନ ମାନ ରକ୍ଷା ଲାଗି ସୁପ୍ରିମକୋର୍ଟ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦେଇଛନ୍ତି।

10. ଦେଶର ବିଶିଷ୍ଟ ଫଟୋ ଜର୍ଣ୍ଣାଲିଷ୍ଟ ତଥା କିମ୍ବଦନ୍ତୀ ଫଟୋଗ୍ରାଫର ରଘୁ ରାୟଙ୍କର ରବିବାର ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ବୟସ ହୋଇଥିଲା।

11.ବିଶ୍ୱର ୧୦୦ ଉତ୍ତପ୍ତ ସହର ମଧ୍ୟରୁ ୯୫ଟି ସହର କେବଳ ଭାରତରେ ରହିଛି।

12.ନାଗପୁରରେ ଆୟୋଜିତ ଏକ ଧାର୍ମିକ କାର୍ଯ୍ୟକ୍ରମରେ, ଧୀରେନ୍ଦ୍ର କୃଷ୍ଣ ଶାସ୍ତ୍ରୀ ତାଙ୍କ ଭାଷଣରେ ଲୋକମାନଙ୍କୁ ଚାରୋଟି ସନ୍ତାନ ଜନ୍ମ କରିବାକୁ କହିଥିଲେ । ସେମାନଙ୍କ ମଧ୍ୟରୁ ଜଣକୁ ସଂଘର ସ୍ୱୟଂସେବକ କରିବା ପାଇଁ ପରାମର୍ଶ ଦେଇଥିଲେ।

13.ମଣିପୁରର ଉଖ୍ରୁଲ୍‌ ଜିଲାରେ ଶୁକ୍ରବାର ନାଗା ଓ କୁକି ସମ୍ପ୍ରଦାୟ ୨ ସଶସ୍ତ୍ର ଗୋଷ୍ଠୀ ମଧ୍ୟରେ ସଂଘର୍ଷ ଘଟି ଅନୂ୍ୟନ ୩ ଜଣଙ୍କ ମୃତ୍ୟୁ ହେବା ସହ ଅନେକେ ଆହତ ହୋଇଛନ୍ତି।

14.କୌଣସି ଅଦାଲତ ଜଣେ ମହିଳା ବିଶେଷକରି ନାବାଳିକାଙ୍କୁ ତାଙ୍କ ଇଚ୍ଛା ବିରୋଧରେ ଗର୍ଭଧାରଣ ଜାରି ରଖିବାକୁ ବାଧ୍ୟ କରିପାରିବେ ନାହିଁ ବୋଲି ସୁପ୍ରିମକୋର୍ଟ ଶୁକ୍ରବାର ଟିପ୍ପଣୀ ଦେବା ସହ ୭ ମାସର ଗର୍ଭଧାରଣ କରିଥିବା ଜଣେ ୧୫ ବର୍ଷୀୟା ବାଳିକାଙ୍କୁ ଗର୍ଭପାତ କରିବାକୁ ଅନୁମତି ଦେଇଛନ୍ତି।

15.ପ୍ରଚଣ୍ଡ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ରାଜ୍ୟ ସରକାର ଆଗୁଆ ଖରାଛୁଟି ଘୋଷଣା କରିଛନ୍ତି। ଆଜିଠାରୁ ରାଜ୍ୟର ସମସ୍ତ ସରକାରୀ, ସରକାରୀ ଅନୁଦାନପ୍ରାପ୍ତ ଏବଂ ବେସରକାରୀ ବିଦ୍ୟାଳୟ ବନ୍ଦ ରହିବ।