1.ଭଏଜର୍‌ ସ୍ପେସ୍‌ର ଚେୟାରମ୍ୟାନ ତଥା ସିଇଓ ଡିଲାନ୍‌ ଟେଲର ସିଙ୍ଗାପୁରରେ ଆୟୋଜିତ ଏକ ସମ୍ମିଳନୀରେ ଏହି ସୂଚନା ଦେଇ କହିଛନ୍ତି ଯେ, ୨୦୨୯ ପୂର୍ବରୁ ମଣିଷ ଚନ୍ଦ୍ରରେ ପହଞ୍ଚତ୍ବା ସହ ସେଠାରେ ରହିବା ପାଇଁ ପ୍ରାରମ୍ଭିକ ଭିତ୍ତିଭୂମି ପ୍ରସ୍ତୁତ ହୋଇସାରିଥିବ।

2.ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଇରାନ ସହିତ ଆମେରିକା ପୁଣି ଥରେ ଯୁଦ୍ଧ ଆରମ୍ଭ କରିବାକୁ ବିଚାର କରିପାରେ।

3. ମିଆଁମାରର ସେନା ସରକାର ଜେଲ୍‌ରେ ଥିବା ପୂର୍ବତନ ନେତ୍ରୀ ଅଙ୍ଗ ସାନ ସୁ କିଙ୍କୁ ଗୃହବନ୍ଦୀ କରିବାକୁ ନିଷ୍ପତ୍ତି ନେଇଛି, ଦେଶର ସରକାରୀ ଗଣମାଧ୍ୟମ ଅନୁଯାୟୀ। ଅଙ୍ଗ ସାନ ସୁ କି ପାଞ୍ଚ ବର୍ଷ ଧରି ଜେଲରେ ଅଛନ୍ତି। 

4.ମଧ୍ୟପ୍ରାଚ୍ୟ ଯୁଦ୍ଧ ଅନିଶ୍ଚିତତା ମଧ୍ୟରେ ଗୁରୁବାର ଅଶୋଧିତ ତେଲ  ଦର ବ୍ୟାରେଲ୍‌ ପିଛା ୧୨୫ ଡଲାରକୁ ବୃଦ୍ଧି ପାଇଛି।

5.ଆର୍ସେଲର ମିତ୍ତଲ ନିପ୍ପନ ଷ୍ଟିଲ୍‌ (ଏଏମ୍‌ଏନ୍‌ଏସ୍‌) ଇଣ୍ଡିଆ ଗୁଜୁରାଟର  ହାଜରାଠାରେ ଅବସ୍ଥିତ ଏହାର ପ୍ରମୁଖ କାରଖାନାରେ ଅତ୍ୟାଧୁନିକ ପିକଲିଂ ଲାଇନ୍‌ ଏବଂ ଟାଣ୍ଡେମ୍‌ କୋଲ୍ଡ ମିଲ୍‌ (ପିଏଲ୍‌ଟିସିଏମ୍‌)ର ଶୁଭାରମ୍ଭ କରିଛି।

6. ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୯୯୩ ଟଙ୍କା ବୃଦ୍ଧି କରାଯାଇଛି। ଏହି ବୃଦ୍ଧି ବର୍ତ୍ତମାନ ଦିଲ୍ଲୀରେ ଏକ ବାଣିଜ୍ୟିକ ସିଲିଣ୍ଡରର ମୂଲ୍ୟ ୩୦୭୧ଟଙ୍କା ୫୦ ପଇସା ହୋଇଛି।

7.ଏପ୍ରିଲରେ ଭାରତରସୁନା ଆମଦାନୀ  ୧୫ ମେଟ୍ରିକ ଟନ୍‌କୁ ହ୍ରାସ ପାଇବ, ଯାହାକି ଗତ ପ୍ରାୟ ତିନି ଦଶନ୍ଧି ମଧ୍ୟରେ ସର୍ବନିମ୍ନ ବୋଲି କୁହାଯାଉଛି।

8. ଦିଲ୍ଲୀ ହାଇକୋର୍ଟରେ ଭର୍ଚୁଆଲ ଶୁଣାଣି ଚାଲିଥିଲାବେଳେ ଏକ ଅଶ୍ଳୀଳ କଣ୍ଟେଣ୍ଟ ଚାଲିବାରୁ ଶୁଣାଣି ବାଧାପ୍ରାପ୍ତ ହୋଇଥିଲା। କୋର୍ଟରୁମ୍‌ରେ ସାଇବର ସୁରକ୍ଷାର ଉଲ୍ଲଂଘନକୁ ନେଇ ଚିନ୍ତା ପ୍ରକଟ କରାଯିବା ସହ ଘଟଣାର ତଦନ୍ତ କରାଯାଉଛି।

9. ଫିଜିକ୍ସ ୱାଲା (ପିଡବ୍ଲୁ) ଏବଂ ବିଶ୍ୱବିଦ୍ୟାଳୟର ସିଇଓ ଅଳଖ ପାଣ୍ଡେ ଜିତୁ ମୁଣ୍ଡାଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି।
ସେ ଜିତୁଙ୍କୁ ଅନଲାଇନରେ ୧୦ ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି। ଏହା ବ୍ୟତୀତ, ଦୁଇ ପୂର୍ବତନ କଂଗ୍ରେସ ପିସିସି ସଭାପତି ମଧ୍ୟ ବ୍ୟାଙ୍କ ପରିଦର୍ଶନ କରି ଜିତୁ ମୁଣ୍ଡାଙ୍କୁ ୨୪,୦୦୦ ଟଙ୍କା ସହାୟତା ପ୍ରଦାନ କରିଥିଲେ।

10. ଆସନ୍ତା ମେ ୨ ତାରିଖରେ ପ୍ରକାଶ ପାଇବ ମାଟ୍ରିକ ରେଜଲ୍ଟ । ବିଏସଇ ପକ୍ଷରୁ ପ୍ରେସ ରିଲିଜ ଜରିଆରେ ସୂଚନା ଦିଆଯାଇଛି । ଅପରାହ୍ନ ୪ଟାରେ ବାହାରିବ ଫଳାଫଳ । 

11.ଯୁକ୍ତରାଷ୍ଟ୍ର ବିଶ୍ୱସ୍ତରୀୟ ପର୍ଣ୍ଣୋଗ୍ରାଫି ବ୍ୟବହାର ପାଇଁ ରାଙ୍କିଂରେ ପ୍ରାଧାନ୍ୟ ବିସ୍ତାର କରିଚାଲିଛି।  ଭାରତ ବର୍ତ୍ତମାନ ଶ୍ରେଷ୍ଠ 10 ଦେଶ ମଧ୍ୟରେ ସ୍ଥାନ ପାଇଛି। ସାମ୍ପ୍ରତିକ ରିପୋର୍ଟ ଅନୁଯାୟୀ, ଏହା ପ୍ରାୟ ୯ମ ସ୍ଥାନରେ ରହିଛି। ୨୦୧୮ ଏବଂ ୨୦୧୯ ମଧ୍ୟରେ, ଭାରତ ବିଶ୍ୱ ସ୍ତରରେ ତୃତୀୟ ସ୍ଥାନ ଅଧିକାର କରିଥିଲା।

12.ରେଳ ପ୍ରଶାସନ ଟ୍ରେନରେ ପଶୁ ଏବଂ ପକ୍ଷୀ ପରିବହନ ସମ୍ପର୍କରେ କଡ଼ା ନିର୍ଦ୍ଦେଶାବଳୀ ଜାରି କରିଛି। ଉପଯୁକ୍ତ ବୁକିଂ ଏବଂ ଆବଶ୍ୟକୀୟ କାଗଜପତ୍ର ବିନା ପାଳିତ ପଶୁପକ୍ଷୀ ନେଇ ଯାଉଥିବା ଯାତ୍ରୀମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ଭଡ଼ାର ଛଅ ଗୁଣ ପର୍ଯ୍ୟନ୍ତ ଜରିମାନା ଲାଗୁ ହୋଇପାରେ।

13.୨୦ ସପ୍ତାହ ପରେ ମଧ୍ୟ ଦୁଷ୍କର୍ମ ପୀଡିତାଙ୍କୁ ଗର୍ଭପାତ କରିବାକୁ ଅନୁମତି ଦେବା ପାଇଁ ଆଇନରେ ସଂଶୋଧନ ଉପରେ ବିଚାର କରିବାକୁ ସୁପ୍ରୀମ କୋର୍ଟ କେନ୍ଦ୍ର ସରକାରଙ୍କୁ କହିଛନ୍ତି। କୋର୍ଟ ସ୍ପଷ୍ଟ ଭାବରେ କହିଛନ୍ତି ଯେ, ଯେତେବେଳେ ଦୁଷ୍କର୍ମରୁ ଗର୍ଭଧାରଣ ହୁଏ, ସେତେବେଳେ କୌଣସି ସମୟ ସୀମା ରହିବା ଉଚିତ୍ ନୁହେଁ ଓ ସମୟ ସହିତ ଆଇନ ପରିବର୍ତ୍ତନ ହେବା ଉଚିତ।

14.ଓମ୍ପେଡ୍ ଚାଷୀଙ୍କ ଆୟ ବୃଦ୍ଧି କରିବା ପାଇଁ ବଡ ନିଷ୍ପତ୍ତ ନେଇଛି ଓମ୍ପେଡ୍। ଓମ୍ପେଡ୍ ଦୁଗ୍ଧଚାଷୀଙ୍କୁ ମିଳିବ ଲିଟର ପିଛା ୧ଟଙ୍କା। ଓମ୍ପେଡ୍ ଦୁଗ୍ଧଚାଷୀମାନେ ପୂର୍ବରୁ ଲିଟର ପିଛା ୩୮ଟଙ୍କା  ୫ପଇସା ପାଉଥିଲେ। ଏଣିକି ଲିଟର ପିଛା ୩୯ଟଙ୍କା ୦୫ ପଇସା ଲେଖାଏଁ ପାଇବେ ।

15.ବଜ୍ରପାତ  ଘଟି ଜଣେ ମହିଳାଙ୍କ ମୃତ୍ୟୁ ହୋଇଥିବା ଜଣା ଯାଇଛି। ମୃତ ମହିଳା ଜଣକ ହେଲେ ଗୋଡିପଡା ପଞ୍ଚାୟତ ତଳମୋଟା ଗ୍ରାମର ସୁଷମା ମହାରଣା(୪୪)।