1.ସରକାର ତୁରନ୍ତ ଚିନି ରପ୍ତାନି ଉପରେ ପ୍ରତିବନ୍ଧକ ଲଗାଇଛନ୍ତି। ଏହି ପ୍ରତିବନ୍ଧକ ୨୦୨୬ ସେପ୍ଟେମ୍ବର ୩୦ ପର୍ଯ୍ୟନ୍ତ କିମ୍ବା ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବଳବତ୍ତର ରହିବ।

2.କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସ୍‌ଇ) ଦ୍ବାରା ପରିଚାଳିତ ଦ୍ଵାଦଶ ଶ୍ରେଣୀ ପରୀକ୍ଷା ଫଳପ୍ରକାଶ ପାଇଛି। ୨୦୨୫ରେ ଦେଶରେ ପାସ୍‌ହାର ୮୮.୩୯% ରହିଥିବା ବେଳେ ଏଥରକ ୮୫.୨୦% ହୋଇଛି, ଯାହାକି ୩.୧୯% କମ୍‌ ।

3.ଭାରତୀୟ ରିଜର୍ଭ ବ୍ୟାଙ୍କ ଗଭର୍ନର ସଞ୍ଜୟ ମାଲହୋତ୍ରା କହିଛନ୍ତି ଯେ ଯଦି ଏହି ଉତ୍ତେଜନା ଦୀର୍ଘ ସମୟ ପାଇଁ ଜାରି ରହେ, ତେବେ ଦେଶରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇପାରେ।

4.ଦେଶର ଅଗ୍ରଣୀ ଏଲ୍‌ପିଜି କମ୍ପାନି ଗୋଗ୍ୟାସ୍‌ର ସାରା ଦେଶର ବିଭିନ୍ନ ଗୁରୁତ୍ବପୂର୍ଣ୍ଣ ସ୍ଥାନରେ ୬୮ଟି ବଟଲିଂ କାରଖାନା ରହିଛି। କମ୍ପାନି ଦେଶର ବିଭିନ୍ନ ଜିଲ୍ଲା ଓ ସହରରେ ଏହାର ଡିଲର୍‌ସିପ୍‌ର ସମ୍ପ୍ରସାରଣ କରୁଛି।

5.ଇରାନ ଯୁଦ୍ଧ ଆରମ୍ଭ ହେବା ପରଠାରୁ ଟଙ୍କା ୫ ପ୍ରତିଶତ ଦୁର୍ବଳ ହୋଇସାରିଲାଣି। ଟଙ୍କା ଦୁର୍ବଳ ହେବା ଆମଦାନି ଉପରେ ଅତ୍ୟଧିକ ନିର୍ଭରଶୀଳ ଥିବା ଦେଶ ଭାରତ ପାଇଁ ଚିନ୍ତାର କାରଣ ପାଲଟିଛି।

6.ଅମୂଲ କ୍ଷୀର ଦରରେ ଲିଟର ପିଛା ୨ ଟଙ୍କା ବୃଦ୍ଧି କରାଯାଇଛି। ମେ ୧୪ରୁ ଏହି ଦରବୃଦ୍ଧି ସାରା ଦେଶରେ ଲାଗୁ ହେବ ବୋଲି ଗୁଜରାଟ କୋଅପରେଟିଭ୍‌ ମିଲ୍କ ମାର୍କେଟିଂ ଫେଡେରେସନ୍‌ ପକ୍ଷରୁ କୁହାଯାଇଛି।

7.ଟାଟା ଗ୍ରୁପ୍‌ ଅଧୀନରେ ପରିଚାଳିତ ଏୟାରଲାଇନ୍ ଏୟାର ଇଣ୍ଡିଆ ପକ୍ଷରୁ ଆସନ୍ତା ଜୁନ୍‌ରୁ ଅଗଷ୍ଟ ମଧ୍ୟରେ ୩୦ଟି ରୁଟ୍‌ରେ ୧୨୦ଟି ବିମାନର ଉଡ଼ାଣ ବନ୍ଦ କରାଯାଇଛି।

8.ପ୍ଲାଟିନମ୍‌ ଶୁଳ୍କ ବୃଦ୍ଧି ଯୋଗୁଁ ଛୋଟ ପେଟ୍ରୋଲ୍‌ କାର୍‌ ଦାମ୍‌ ୮୦୦୦ ଟଙ୍କା ପର୍ଯ୍ୟନ୍ତ, ମଧ୍ୟମ ଆକାରର ଡିଜେଲ୍ ଏସ୍‌ୟୁଭିଗୁଡ଼ିକର ମୂଲ୍ୟ ୧୨ ହଜାର ଟଙ୍କା ପର୍ଯ୍ୟନ୍ତ ଓ ଶକ୍ତିଶାଳୀ ହାଇବ୍ରିଡ୍ ମଡେଲଗୁଡ଼ିକର ମୂଲ୍ୟ ୧୮ହଜାର ଟଙ୍କା ପର୍ଯ୍ୟନ୍ତ ବଢ଼ିପାରେ।

9.୨୦୨୬-୨୭ ମାର୍କେଟିଂ ଋତୁ ପାଇଁ ୧୪ଟି ଖରିଫ ଫସଲର ସର୍ବନିମ୍ନ ସହାୟକ ମୂଲ୍ୟ (ଏମ୍‌ଏସ୍‌ପି) ବୃଦ୍ଧି କରାଯାଇଛି। ଧାନ (ସାଧାରଣ ମାନ)ର ଏମ୍‌ଏସ୍‌ପି ୭୨ ଟଙ୍କା ବୃଦ୍ଧି ପାଇ କ୍ବିଣ୍ଟାଲ୍‌ ପ୍ରତି ୨୪୪୧ ଟଙ୍କା ହୋଇଛି।

10.ଉତ୍ତର ପ୍ରଦେଶର ପାଗର ହଠାତ୍ ପରିବର୍ତ୍ତନ ଅନେକ ଜିଲ୍ଲାରେ ପାଗର ତାଣ୍ଡବ ଦେଖିବାକୁ ମିଳିଛି। ଏଠାରେ ଅନେକ ଜିଲ୍ଲାରେ ୪୧ ଜଣଙ୍କ ମୃତ୍ୟୁ ହୋଇଛି।

11.ଆସାମ ପୁଲିସର କ୍ରାଇମବ୍ରାଞ୍ଚ ବୁଧବାର କଂଗ୍ରେସ ନେତା ପବନ ଖେଡ଼ାଙ୍କୁ ୧୦ ଘଣ୍ଟାରୁ ଅଧିକ ସମୟ ଧରି ପଚରାଉଚରା କରିଥିଲା। ଖେଡ଼ା କହିଛନ୍ତି ଯେ ତାଙ୍କୁ ଗୁରୁବାର ସକାଳେ ପୁଣି ଥରେ କ୍ରାଇମବ୍ରାଞ୍ଚରେ ହାଜର ହେବାକୁ କୁହାଯାଇଛି।

12.ଭୁବନେଶ୍ବର ହଷ୍ଟେଲ୍‌ ରୁମ୍‌ରେ ଭୋଜି ଆଳରେ ପ୍ରେମିକାକୁ ଡାକିଥିଲା। ରୁମ୍‌ରେ ଆଉ ତିନି ସାଙ୍ଗଙ୍କ ସହ ମଦ ଆସର ଜମାଇ ନିଶା ଚଢ଼ିବା ପରେ ଯୁବତୀଙ୍କୁ ମଦ ପିଆଇଲେ। ନିଶାରେ ଚୁର୍‌ ୪ ସାଙ୍ଗ ମିଶି ଯୁବତୀଙ୍କୁ ଗଣଦୁଷ୍କର୍ମ କଲେ।

13.ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦୁଇ ଦିନିଆ ସରକାରୀ ଗସ୍ତରେ ଚାଇନାରେ ପହଞ୍ଚିଥିବା ଟ୍ରମ୍ପଙ୍କୁ ସ୍ବାଗତ କରିବା ପାଇଁ ଚାଇନା ରାଷ୍ଟ୍ରପତି ଶି ଜିନପିଙ୍ଗ ବିମାନବନ୍ଦରକୁ ଯାଇ ନ ଥିବା ଦେଖିବାକୁ ମିଳିଛି।

14.କେନ୍ଦ୍ରୀୟ ତଦନ୍ତ ବ୍ୟୁରୋ ନିଟ୍ ୟୁଜି-୨୦୨୬ ପରୀକ୍ଷାରେ ଅନିୟମିତତା ଓ ପେପର ଲିକ୍ ଘଟଣାରେ ୫ ଗିରଫ କରିଛି।

15.ତିନୋଟି ବଡ଼ ସ୍କାମ୍‌ର ସିବିଆଇ ତଦନ୍ତ ନିର୍ଦ୍ଦେଶ ଦେଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ - ଶିକ୍ଷକ ନିଯୁକ୍ତି ଦୁର୍ନୀତି, ପୌର ଦୁର୍ନୀତି ଏବଂ ସମବାୟ ଦୁର୍ନୀତି।