1.ୟୁଆଇଡିଏଆଇର ନୂତନ ନିର୍ଦ୍ଦେଶ ଅନୁଯାୟୀ ମାଗଣା ଆଧାର କାର୍ଡ ଅପଡେଟ୍ ପାଇଁ ଶେଷ ତାରିଖକୁ ଗୋଟିଏ ବର୍ଷ ଏବେ ଜୁନ୍ ୧୪, ୨୦୨୭ ପର୍ଯ୍ୟନ୍ତ କରାଯାଇଛି।

2.ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ ତାଙ୍କ ପାଞ୍ଚ-ରାଷ୍ଟ୍ରୀୟ ଗସ୍ତର ଶେଷ ପର୍ଯ୍ୟାୟରେ ଇଟାଲୀର ରାଜଧାନୀ ରୋମରେ ପହଞ୍ଚିଥିଲେ। ଇଟାଲୀର ପ୍ରଧାନମନ୍ତ୍ରୀ ଜିଓର୍ଜିୟା ମେଲୋନି ସେଠାରେ ତାଙ୍କୁ ସ୍ୱାଗତ କରିଥିଲେ।

3.ଆମେରିକା ସମୁଦ୍ର ପଥରେ ପରିବହନ ହେଉଥିବା ରୁଷୀୟ ତୈଳ ଉପରେ କଟକଣାରୁ ମୁକ୍ତିକୁ ଗୋଟିଏ ମାସ ପାଇଁ ବୃଦ୍ଧି କରିଛି।

4.ଖୁବ୍‌ଶୀଘ୍ର ଇ-୩୦ ପେଟ୍ରୋଲ ଆଣିବା ବିଷୟରେ ସରକାର ବିଚାର କରୁଛନ୍ତି। ଦେଶରେ ଏବେ ଇ-୨୦ ପେଟ୍ରୋଲ ବିକ୍ରି ହେଉଛି। ସେଥିରେ ୮୦ ପ୍ରତିଶତ ପେଟ୍ରୋଲ ଓ ୨୦ ପ୍ରତିଶତ ଇଥାନଲ୍‌ ରହୁଛି।

5.ଆସନ୍ତା ସେପ୍ଟେମ୍ବର ୧୨ ଓ ୧୩ ତାରିଖରେ ଦିଲ୍ଲୀର ଭାରତ ମଣ୍ଡପମଠାରେ ଅନୁଷ୍ଠିତ ହେବାକୁ ଥିବା ୧୮ତମ ବ୍ରିକ୍ସ ଶିଖର ସମ୍ମିଳନୀରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଯୋଗଦେବେ।

6.ସୋସିଆଲ ମିଡିଆ ‘ଏକ୍ସ’ ବ୍ଲୁ ଟିକ୍‌ ହାସଲ କରି ନଥିବା ବ୍ୟବହାରକାରୀମାନଙ୍କ ଉପରେ କେତେକ କଟକଣା ଲଗାଇବା ଉପରେ ବିଚାର କରୁଛି। ବ୍ଲୁ ଟିକ୍‌ ନଥିଲେ ଦିନକୁ ସର୍ବାଧିକ ୫୦ ପୋଷ୍ଟ ଓ ୨୦୦ ରିପ୍ଲାଏ କରିହେବ। ସେମାନେ ଦିନକୁ ସର୍ବାଧିକ ୫୦୦ ଡାଇରେକ୍ଟ ମେସେଜ୍‌ କରିପାରିବେ।

7.ବ୍ରିଟେନର ପ୍ରମୁଖ ବ୍ୟାଙ୍କ ଷ୍ଟାଣ୍ଡାର୍ଡ ଚାର୍ଟର୍ଡ ଏହାର ୭୦୦୦ କର୍ମଚାରୀଙ୍କୁ ଛଟେଇ କରିବା ଯୋଜନା ରଖିଛି। କୃତ୍ରିମ ବୁଦ୍ଧିମତ୍ତା (ଏଆଇ) ପ୍ରଭାବକୁ ଦୃଷ୍ଟିରେ ରଖି କମ୍ପାନି ୨୦୩୦ ସୁଦ୍ଧା ଏହି ସଂଖ୍ୟାର କର୍ମଚାରୀ କମ୍‌ କରିବ ।

8.ମଧ୍ୟପ୍ରଦେଶ ଧାରସ୍ଥିତ ଭୋଜଶାଳାରେ ପୂଜା କରିବା ପାଇଁ ଅନୁମତି ମିଳିବା ପରେ ହିନ୍ଦୁ ସଂଗଠନଗୁଡ଼ିକ ଆଶାବାଦୀ ଯେ ସେମାନଙ୍କୁ ଦିଲ୍ଲୀର କୁତବ ମୀନାର ପରିସରରେ ମଧ୍ୟ ପୂଜା କରିବାକୁ ଅନୁମତି ମିଳିବ।

9.ରାଜ୍ୟର ସର୍ବୋଚ୍ଚ ତାପମାତ୍ରା ଝାରସୁଗୁଡ଼ାଠାରେ ୪୪.୮ ଡିଗ୍ରି ରେକର୍ଡ ହୋଇଛି। ରାଜ୍ୟର ୨୧ଟି ସହର ତାପମାତ୍ରା ୪୦ ଡିଗ୍ରି ଉପରେ ରହିଥିଲା।

10.ତୃଣମୂଳ କଂଗ୍ରେସ  ପ୍ରାର୍ଥୀ ଜାହାଙ୍ଗୀର ଖାନ୍‌ ଫାଲଟା ଉପନିର୍ବାଚନ ଲଢ଼ିବେନି। ସେ ତାଙ୍କ ପ୍ରାର୍ଥିପତ୍ର ପ୍ରତ୍ୟାହାର କରିନେଇଛନ୍ତି।

11.ମାଲକାନଗିରି ତମସା ଗାଁର ଦେବା ମାଡକାମୀ ମିଆଜାକି ଆମ୍ବ ଚାଷ କରିଛନ୍ତି। ଭାରତ ବଜାରରେ ଏହା କିଲୋଗ୍ରାମ ପିଛା ୩ହଜାରରୁ ୧୦ ହଜାର ଟଙ୍କା ଯାଏଁ ରହିଛି। ଚାରି ବର୍ଷ ତଳେ ମାଲକାନଗିରିର ସର୍ବ କୁମାର ବିଷୋୟୀ ନାମକ ବ୍ୟକ୍ତି ତାଂକୁ ଏହି ବୃକ୍ଷର ଚାରା ପ୍ରଦାନ କରିଥିଲେ।

12.ଆମେରିକାର ଇଦାହୋ ସହରସ୍ଥିତ ମାଉଣ୍ଟେନ ହୋମ୍‌ ବାୟୁସେନା ଘାଟିରେ ରବିବାର ଏୟାର ଶୋ’ ଚାଲିଥିବାବେଳେ ବାୟୁସେନାର ଦୁଇଟି ଲଢୁଆ ଜେଟ୍‌ ମଧ୍ୟରେ ଧକ୍କା ହୋଇ ଦୁଇଟି ବିମାନ ଆକାଶମାର୍ଗରେ ଧ୍ବଂସ ହୋଇଥିବା ଜଣାପଡିଛି।

13.ଓଡିଶା ସରକାର ଚାଷୀଙ୍କ ହିତକୁ ଦୃଷ୍ଟିରେ ରଖି ସବୁ ସବଡିଭିଜନରେ ଶୀତଳ ଭଣ୍ଡାର ପାଇଁ ବ୍ୟବସ୍ଥା କରୁଛନ୍ତି। ଅନ୍ୟପକ୍ଷେ ୨ ବର୍ଷ ମଧ୍ୟରେ କୋରାପୁଟରେ ୧ ଲକ୍ଷ ଏକର ଜମିରେ କଫି ଚାଷ ପାଇଁ ଲକ୍ଷ୍ୟ ରଖାଯାଇଥିବା ବୋଲି ମୁଖ୍ୟମନ୍ତ୍ରୀ କହିଛନ୍ତି।

14.କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡରେ “ଅପରେସନ ବୈତରଣୀ” କାର୍ଯ୍ୟାନୁଷ୍ଠାନରେ ୧୦ ଜଣ ବାଲି ମାଫିଆ ଓ ବ୍ୟବସାୟୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

15.ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ (BCCI) ମଙ୍ଗଳବାର ଆଫଗାନିସ୍ତାନ ବିପକ୍ଷରେ ହେବାକୁ ଥିବା ଦିନିକିଆ ସିରିଜ ପାଇଁ ଟିମ ଇଣ୍ଡିଆର ଦଳ ଘୋଷଣା କରିଛି। ଶୁବମନ ଗିଲଙ୍କୁ ୧୫ ଜଣିଆ ଭାରତୀୟ ଦଳର ଅଧିନାୟକ ନିଯୁକ୍ତ କରାଯାଇଛି।