1.୨୦୨୫-୨୬ ଆର୍ଥିକବର୍ଷରେ ଦେଶକୁ ୯୪.୫ ବିଲିଅନ ଡଲାରର  ମୋଟ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (ଏଫ୍‌ଡିଆଇ) ଆସିଛି।

2.କେନ୍ଦ୍ର ବାଣିଜ୍ୟ ମନ୍ତ୍ରୀ ପିୟୁଷ ଗୋୟେଲ ଶନିବାର ରାତିରେ କାନାଡା  ଗସ୍ତରେ ଯାଇଛନ୍ତି। ପାଖାପାଖି ୧୫୦ ଜଣ ବ୍ୟବସାୟ ପ୍ରତିନିଧିଙ୍କୁ ନେଇ ସେ ଏହି ଗସ୍ତ କରିଛନ୍ତି। ୨୫ ତାରିଖରେ ଅଟାୱାରେ ଏବଂ ୨୬ ଓ ୨୭ ତାରିଖରେ ଟରଣ୍ଟୋରେ ତାଙ୍କର ଆଲୋଚନା କାର୍ଯ୍ୟକ୍ରମ ରହିଛି।

3.ଶନିବାର ଜମ୍ମୁ ଡିଭିଜନର ରାଜୌରୀ ଜିଲ୍ଲାର ଗମ୍ଭୀର ମୁଘଲାନ ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି।

4.ତେଲେଙ୍ଗାନାରେ ଗ୍ରୀଷ୍ମ ପ୍ରବାହ ଯୋଗୁଁ ରାଜ୍ୟର ସାତଟି ଜିଲ୍ଲାରେ ୧୬ ଜଣଙ୍କର ମୃତ୍ୟୁ ହୋଇଛି। ରାଜସ୍ଥାନରେ ଚିତ୍ତୋରଗଡ଼ ରାଜ୍ୟର ସବୁଠାରୁ ଗରମ ସ୍ଥାନ ଥିଲା।

5.ବିଜେପିରେ ଯୋଗ ଦେବା ପରେ, ରାଜ୍ୟସଭା ସାଂସଦ ରାଘବ ଚଢାଙ୍କୁ ରାଜ୍ୟସଭାର ପିଟିସନ୍ କମିଟିର ଅଧ୍ୟକ୍ଷ ନିଯୁକ୍ତ କରାଯାଇଛି।

6.ଗଣମାଧ୍ୟମ ରିପୋର୍ଟକୁ ଆଧାର କରି ସୁପ୍ରିମକୋର୍ଟ ଅଭିନେତ୍ରୀ ତଥା ମଡେଲ ଟ୍ବିଶା ଶର୍ମା ମୃତ୍ୟୁ ମାମଲାକୁ ନିଜଆଡ଼ୁ ବିଚାର ପାଇଁ ଗ୍ରହଣ କରିଛନ୍ତି।

7. ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାରି ଦିନିଆ ଗସ୍ତ ପାଇଁ ଭାରତ ଆସିଥିବା ଆମେରିକୀୟ ବୈଦେଶିକ ମନ୍ତ୍ରୀ ମାର୍କୋ ରୁବିଓଙ୍କ ସହ ସାକ୍ଷାତ କରିଛନ୍ତି।  ସାକ୍ଷାତ ବିଷୟରେ ମତାମତ ଦେଇ ପ୍ରଧାନମନ୍ତ୍ରୀ ମୋଦି କହିଥିଲେ ଯେ ସେ ଶ୍ରୀ ମାର୍କୋ ରୁବିଓଙ୍କୁ ସ୍ବାଗତ କରି ଖୁସି।

8.ସୋସିଆଲ୍‌ ମିଡିଆ ଆଧାରିତ ଅପରାଧ, ଭ୍ରାନ୍ତ ସୂଚନା ଓ ଆଣ୍ଟି ପୁଲିସ ପ୍ରଚାର ଉପରେ ନିରୀକ୍ଷଣ କରିବା ପାଇଁ ଓଡ଼ିଶା ପୁଲିସ ଏକ ସ୍ୱତନ୍ତ୍ର ସେଲ୍‌ ଗଠନ କରିବ। ଓଡ଼ିଶା ପୁଲିସ ଷ୍ଟ୍ରାଟେଜିକ୍‌ କମ୍ୟୁନିକେସନ୍ ଆଣ୍ଡ ଇନ୍‌ଫର୍ମେସନ୍ ସେଲ୍ (ଓପିଏସ୍‌ସି ଆଣ୍ଡ ଆଇସି) ଗଠନ ପାଇଁ ରାଜ୍ୟ ପୁଲିସ ପକ୍ଷରୁ ବିସ୍ତୃତ ରିକ୍ୱେଷ୍ଟ ଫର୍‌ ପ୍ରୋପୋଜାଲ୍ ଜାରି କରାଯାଇଛି।

9.ଓଡିଶା ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ବିଭାଗ ମନ୍ତ୍ରୀ ଡ଼. ମୁକେଶ ମହାଲିଙ୍ଗ ଭାରତ ସଂଚାର ନିଗମ ଲିମିଟେଡ଼ର ଏକ ଗୁରୁତ୍ୱପୂର୍ଣ୍ଣ ବୈଠକରେ ଅଧ୍ୟକ୍ଷତା କରି ‘ଭାରତ ନେଟ୍ ପରିଯୋଜନା’ ଫେଜ୍-୩ର  ପ୍ରଗତି ଏବଂ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ସମୀକ୍ଷା କରିଛନ୍ତି।

10.ଆସନ୍ତା ୩୧ ତାରିଖରେ ଦୁଇବର୍ଷିଆ ବି.ଏଡ୍‌ ପାଠ୍ୟକ୍ରମର ପ୍ରବେଶିକା ପରୀକ୍ଷା ସକାଳ ୧୦ଟାରୁ ୧୨ଟା ପର୍ଯ୍ୟନ୍ତ ପରୀକ୍ଷା ଅନୁଷ୍ଠିତ ହେବ।

11.ଭାରତର ସୋସିଆଲ ମିଡିଆରେ ବେଶ ଭାଇରାଲ ହୋଇଥିବା “କକ୍ରୋଚ ଜନତା ପାର୍ଟି” ବର୍ତ୍ତମାନ ପଡ଼ୋଶୀ ଦେଶ ପାକିସ୍ତାନରେ ପହଞ୍ଚିଛି।

12.ଆମେରିକାର କାଲିଫର୍ଣ୍ଣିଆରେ ଏକ ଶିଳ୍ପାଞ୍ଚଳରେ ରଖାଯାଇଥିବା ବିଷାକ୍ତ କେମିକାଲ ଟାଙ୍କି ହଠାତ ଅତ୍ୟଧିକ ଗରମ ହୋଇଯିବା ଯୋଗୁଁ ସେଠାରେ ଭୟାବହ ପରିସ୍ଥିତି ସୃଷ୍ଟି ହୋଇଛି। ବିସ୍ଫୋରଣ ଏବଂ ବିଷାକ୍ତ ଗ୍ୟାସ ବ୍ୟାପିବା ଆଶଙ୍କାରେ ପ୍ରଶାସନ ପକ୍ଷରୁ ପ୍ରାୟ ୪୦ ହଜାର ଲୋକଙ୍କୁ ତୁରନ୍ତ ଘର ଛାଡ଼ି ସୁରକ୍ଷିତ ସ୍ଥାନକୁ ଚାଲିଯିବା ପାଇଁ ନିର୍ଦ୍ଦେଶ ଦିଆଯାଇଛି।

13.ଉତ୍ତର ଚୀନର ଶାଂସି ପ୍ରଦେଶର ଲିଉସେନ୍ୟୁ କୋଇଲା ଖଣିରେ ଭୟଙ୍କର ବିସ୍ଫୋରଣ। ଗ୍ୟାସ ବିସ୍ଫୋରଣରେ ୮୨ ଜଣଙ୍କର ମୃତ୍ୟୁ ଘଟିଥିବାବେଳେ ୯ ଜଣ ଶ୍ରମିକଙ୍କ ପତ୍ତା ମିଳୁନି ।

14.ଆମେରିକୀୟ ଗଣମାଧ୍ୟମ ରିପୋର୍ଟ ଅନୁସାରେ, ଆମେରିକା ଇରାନ ବିରୁଦ୍ଧରେ ନୂତନ ବିମାନ ଆକ୍ରମଣ ପାଇଁ ପ୍ରସ୍ତୁତ ହେଉଛି। 

15.ଆମେରିକାର ଆଇନ ପ୍ରବର୍ତ୍ତନ ଅଧିକାରୀଙ୍କ ଅନୁଯାୟୀ ଜଣେ ସନ୍ଦିଗ୍ଧ ବ୍ୟକ୍ତି ହ୍ୱାଇଟ୍ ହାଉସ୍ ନିକଟବର୍ତ୍ତୀ ଏକ ସୁରକ୍ଷା ଚେକ୍‌ପଏଣ୍ଟ ନିକଟକୁ ଯାଇ ସେଠାରେ ନିୟୋଜିତ ଅଧିକାରୀମାନଙ୍କ ଉପରେ ଗୁଳି ଚଳାଇଥିଲେ। ଏଥିରେ ସନ୍ଦିଗ୍ଧ ବ୍ୟକ୍ତିର ମୃତ୍ୟୁ ଘଟିଛି।