1.ଗୋଟିଏ ମଞ୍ଚରୁ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ଓଡ଼ିଶା ଏବଂ ମୟୂରଭଞ୍ଜ ଜିଲ୍ଲା ପାଇଁ ୫୦ ହଜାର କୋଟି ଟଙ୍କାରୁ ଊର୍ଦ୍ଧ୍ବ ୪୦ଟି ପ୍ରକଳ୍ପର ଶିଳାନ୍ୟାସ ଓ ଉଦ୍‌ଘାଟନ କରିବେ। 

2.ରାଷ୍ଟ୍ରପତି ଦ୍ରୌପଦୀ ମୁର୍ମୁ ରାଇରଂଗପୁର ଉପଖଣ୍ଡ ଡାକ୍ତରଖାନା ପରିସରରେ ବହୁ ପ୍ରତୀକ୍ଷିତ ଏମ୍‌ସ ସାଟେଲାଇଟ୍‌ ସେଣ୍ଟର ଉଦ୍‌ଘାଟନ କରିଛନ୍ତି।

3.ଏଲଏନଜି ଟ୍ୟାଙ୍କର ‘ଦିଶା’ ସୁରକ୍ଷିତ ଭାବରେ ହର୍ମୁଜ ପ୍ରଣାଳୀ ଦେଇ ଅତିକ୍ରମ କରିବା ପରେ ଗୁଜରାଟର ଦହେଜ ବନ୍ଦରରେ ପହଞ୍ଚିଛି।

4.ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକ ସଭାର ବିରୋଧୀ ଦଳ ନେତା ଏବଂ କଂଗ୍ରେସ ଏମପି ରାହୁଲ ଗାନ୍ଧୀଙ୍କ ଜନ୍ମଦିନରେ ତାଙ୍କୁ ଶୁଭେଚ୍ଛା ଜଣାଇଛନ୍ତି।

5.ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ବ୍ଲକ୍‌ ଭୁଆଶୁଣି ପଞ୍ଚାୟତ କନ୍ଦୋଳିଆ ଗ୍ରାମରେ ଏକ ଅଭାବନୀୟ ଘଟଣା ସାମନାକୁ ଆସିଛି। ନିଷ୍ଠୁର ନାତି  ବୃଦ୍ଧା ଜେଜେମା’ଙ୍କୁ ନେଇ ଜଙ୍ଗଲରେ ଛାଡ଼ି ଦେଇଥିଲା ।

6.ଚଳିତ ଶିକ୍ଷା ବର୍ଷ ପାଇଁ ସ୍ନାତକ(ୟୁଜି) ସିଟ୍ ସଂଖ୍ୟା ବଢାଇଲା ଉଚ୍ଚଶିକ୍ଷା ବିଭାଗ। ବିଭିନ୍ନ କଲେଜରେ ମୋଟ ୧୦ ହଜାର ୩୭୨ ସିଟ୍ ସଂଖ୍ୟା ବୃଦ୍ଧି କରାଯାଇଛି।

7.ଓଡିଶା ରାଜ୍ୟ ସରକାର ପିଏମ୍‌ ଆବାସ ଯୋଜନାରେ ହିତାଧିକାରୀଙ୍କ ଘର ପଞ୍ଜୀକରଣ ଖର୍ଚ୍ଚକୁ ୧%ରୁ କମ୍‌ କରିବେ ବୋଲି ନିଷ୍ପତ୍ତି ନେଇଛନ୍ତି।

8.ଆସନ୍ତା ଅଗଷ୍ଟ ୧୯ରୁ ବରଗଡ଼ର ବଡ଼ଡୋଲ ସିମେଣ୍ଟ ନଗରସ୍ଥିତ ଏ ସି ସି  ସିମେଣ୍ଟ କାରଖାନା ବନ୍ଦ ହେବ। ପୁରୁଣା ପ୍ଲାଣ୍ଟ, ଚୂନପଥର ଅଭାବ ଏବଂ କ୍ଲିଙ୍କର ଉତ୍ପାଦନର ବୃଦ୍ଧି ପାଉଥିବା ଖର୍ଚ୍ଚ ଏହାର କାରଣ ବୋଲି କମ୍ପାନି କହିଛି। ଏହି ନିଷ୍ପତ୍ତିରେ ୯୨ ଜଣ କର୍ମଚାରୀଙ୍କ ଚାକିରି ପ୍ରଭାବିତ ହେବ।  

9.ସମ୍ବଲପୁର ସହରରେ ଅବକାରୀ ଗୋଇନ୍ଦା ଓ ପ୍ରବର୍ତ୍ତନ ବ୍ୟୁରୋ (ଇଆଇ ଓ ଇବି) ପକ୍ଷରୁ ଏକ ବଡ଼ ଧରଣର ଚଢ଼ାଉ କରାଯାଇ ପ୍ରାୟ ୨୪ ଲକ୍ଷ ଟଙ୍କାର ବ୍ରାଉନସୁଗାର ଜବତ କରାଯାଇଛି।

10.ବିଶ୍ୱର ସବୁଠାରୁ ସୁରକ୍ଷିତ, ସବୁଠାରୁ ଅଭେଦ୍ୟ ଏବଂ ଶକ୍ତିଶାଳୀ ବିମାନର ଯାତ୍ରା ଶେଷ ହୋଇଛି। ତିନି ଦଶନ୍ଧିରୁ ଅଧିକ ସମୟ ଧରି ଆମେରିକାର ରାଷ୍ଟ୍ରପତିମାନଙ୍କୁ ଆଖି ପିଛୁଳାକେ ବିଶ୍ୱର ଗୋଟିଏ କୋଣରୁ ଅନ୍ୟ କୋଣକୁ ସୁରକ୍ଷିତ ଭାବରେ ପରିବହନ କରିଥିବା ପ୍ରସିଦ୍ଧ SAM 29000 (ବୋଇଂ VC-25A) ଆଉ କେବେ ଉଡ଼ିବ ନାହିଁ।

11.ସେଲ୍‌ର ପୂର୍ବତନ ଅଧ୍ୟକ୍ଷ ତଥା ପରିଚାଳନା ନିର୍ଦେଶକ ଅମରେନ୍ଦୁ ପ୍ରକାଶ ହିନ୍ଦୁସ୍ତାନ ଜିଙ୍କ୍ ଲିମିଟେଡ୍‌ (HZL)ର ନୂତନ ସିଇଓ ଭାବେ ଦାୟିତ୍ୱ ଗ୍ରହଣ କରିଛନ୍ତି। 

12.ଶିବସେନା ପ୍ରତିଷ୍ଠା ଦିବସରେ ଦଳର କ୍ୟାଡରମାନଙ୍କୁ ସମ୍ବୋଧିତ କରି ଠାକରେ କହିଛନ୍ତି ଯେ, ସେ ଦଳ ଭିତରୁ ଯେକୌଣସି ଲୋକକୁ ମୁଖ୍ୟ କରିବାକୁ ପ୍ରସ୍ତୁତ ଅଛନ୍ତି ଏବଂ ସେ ଏହି ପଦବିକୁ ଜାବୁଡ଼ି ଧରିବେ ନାହିଁ। ତେବେ ଦଳର ଆଦର୍ଶ ପାଇଁ ଲଢ଼େଇ ଛାଡ଼ିବେ ନାହିଁ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।

13.ଗୁଜରାଟର ଅହମଦାବାଦଠାରେ ଚାଲିଥିବା ଜାତୀୟ ବରିଷ୍ଠ ସନ୍ତରଣ ପ୍ରତିଯୋଗିତାରେ ଓଡ଼ିଆ ଝିଅ ପ୍ରତ୍ୟାଶା ରାୟ କ୍ରମାଗତ ତୃତୀୟ ଦିନ ପଦକ ଜିତି ହ୍ୟାଟ୍ରିକ୍‌ ଅର୍ଜନ କରିଛନ୍ତି। 

14.ଭାରତର ଷ୍ଟାର ଜାଭେଲିନ୍ ଫିଙ୍ଗାଳି ନୀରଜ ଚୋପ୍ରା ଆହତରୁ ବିରତି ପରେ କାର୍ଯ୍ୟକୁ ଫେରିଛନ୍ତି ଏବଂ ଶୁକ୍ରବାର ଦିନ ଦୋହା ଡାଇମଣ୍ଡ ଲିଗ୍ ୨୦୨୬ରେ ଚତୁର୍ଥ ସ୍ଥାନ ଅଧିକାର କରିଛନ୍ତି।

15.ସମସ୍ତ ଋତୁ ଏବଂ ସମସ୍ତ ବିଶ୍ବକପ୍‌ରେ ମେସି ନିୟମିତ ଭାବେ ଭଲ ପ୍ରଦର୍ଶନ କରି ଚାଲିଛନ୍ତି। ତାଙ୍କ ହ୍ୟାଟ୍ରିକ୍‌କୁ ଫୁଟ୍‌ବଲପ୍ରେମୀ ସବୁଦିନ ପାଇଁ ମନେରଖିବେ।