1.ଆମେରିକା-ଇସ୍ରାଏଲ ବିମାନ ଆକ୍ରମଣରେ ପ୍ରାଣ ହରାଇଥିବା ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ଶରୀର ଏବେ ବି ସୁରକ୍ଷିତ ରଖାଯାଇଛି। ତାଙ୍କ ଅନ୍ତିମ ସଂସ୍କାର ଜୁଲାଇ ୯ ତାରିଖରେ ଅନୁଷ୍ଠିତ ହେବ। ଇରାନ ରାଷ୍ଟ୍ରପତି ପେଜେଶକିୟାନ ପ୍ରଧାନମନ୍ତ୍ରୀ ମୋଦୀଙ୍କୁ ନିମନ୍ତ୍ରଣ କଲେ ।

2. ଭେନଜୁଆଲରେ ବୁଧବାର ସନ୍ଧ୍ୟାରେ ଅଳ୍ପ ସମୟ ମଧ୍ୟରେ ଦୁଇଟି ବଡ଼ଭୂମିକମ୍ପ ଅନୁଭୂତ ହୋଇଛି। ରାଜଧାନୀ କାରାକାସରେ ଅନେକ କୋଠା ଭୁଶୁଡ଼ି ପଡ଼ିଛି।

3.​​ କତର‌ରେ ରାସ ଲଫାନ ଶିଳ୍ପାଞ୍ଚଳରେ ନିକଟରେ ହୋଇଥିବା ଏକ ବିସ୍ଫୋରଣରେ ୧୨ ଭାରତୀୟଙ୍କ ସମେତ ମୋଟ୍‌ ୧୩ ଜଣଙ୍କର ମୃତ୍ୟୁ ହୋଇଥିଲା। ଏହି ଘଟଣା ପରେ କତର ଏମିର୍‌ ଶେଖ ତମିମ ବିନ୍‌ ହମଦ ଅଲ ଥାନି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ କଥା ହୋଇଛନ୍ତି।

4.କୋଟିପତି ବର। ୧୭ କୋଟି ଟଙ୍କାର ପ୍ରାସାଦରେ ହୋଇଥା’ନ୍ତା ବାହାଘର । ପୁଣେର ଲୋହାଗଡ଼ ଦୁର୍ଗ ୨୬ ବର୍ଷୀୟ ରିଅଲ ଇଷ୍ଟେଟ୍ ବ୍ୟବସାୟୀ କେତନ ବିଶାଲ ଅଗ୍ରୱାଲଙ୍କ ମୃତ୍ୟୁ ଏକ ଦୁର୍ଘଟଣା ନଥିଲା। ତାଙ୍କୁ ତାଙ୍କ ଭାବୀ ସ୍ତ୍ରୀ ମୃତ୍ୟୁମୁଖକୁ ଠେଲି ଦେଇଥିଲେ। ପୁଣେ ଗ୍ରାମୀଣ ପୁଲିସ ଏହି ଭୟଙ୍କର ହତ୍ୟାକାଣ୍ଡର ପର୍ଦ୍ଦାଫାସ କରିଛି।

5.ରଥଯାତ୍ରା ବେଳେ  ପିପିଲି ଟୋଲ୍‌ ଗେଟ୍‌ରେ କୌଣସି ଯାନକୁ ଫି ଦେବାକୁ ପଡିବ ନାହିଁ । ଲୋକଙ୍କ ଆବଶ୍ୟକତା ଦେଖି ଦିନରାତି ବସ୍‌ ଚାଲିବ । ମାଳତିପାଟପୁରରେ ବାହାର ଗାଡ଼ି ପାର୍କିଂ କରାଯିବ ।

6.ଓଡ଼ିଶା ସରକାର ରାଜ୍ୟର ସମସ୍ତ ସ୍କୁଲ, କୋଚିଂ ସେଣ୍ଟର ଓ ଦକ୍ଷତା ବିକାଶ କେନ୍ଦ୍ରରେ ବାଧ୍ୟତାମୂଳକ ଅଗ୍ନି ନିରାପତ୍ତା ଯାଞ୍ଚ ନିର୍ଦ୍ଦେଶ ଦେଇଛନ୍ତି। ୧୫ ଦିନ ମଧ୍ୟରେ ଜିଲ୍ଲାପାଳମାନଙ୍କୁ କାର୍ଯ୍ୟାନୁଷ୍ଠାନ ରିପୋର୍ଟ ଦାଖଲ କରିବାକୁ କୁହାଯାଇଛି।

7.ରାୟଗଡ଼ା ଗ୍ରାମ୍ୟ ଉନ୍ନୟନ ବିଭାଗର ନିର୍ବାହୀ ଯନ୍ତ୍ରୀ ପ୍ରସନ୍ନ କୁମାର ପଟ୍ଟନାୟକ ୨ ଲକ୍ଷ ଟଙ୍କା ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି। ଚଢ଼ାଉ ବେଳେ ୧୨ଟି ଜମି, ବିଳାସପୂର୍ଣ୍ଣ ଘର, ଗାଡ଼ି, ନଗଦ ଟଙ୍କା ଓ ଅନ୍ୟାନ୍ୟ ସମ୍ପତ୍ତି ଠାବ ହୋଇଛି।

8.ପୂର୍ବତନ ସରକାର ସମୟରେ ‘ବିକଶିତ ଗ୍ରାମ ବିକଶିତ ଓଡ଼ିଶା’ରେ ବ୍ୟାପକ ଦୁର୍ନୀତି ହୋଇଥିବା ଆଧାରରେ ଭିଜିଲାନ୍ସର ୨୪ଟି ଟିମ୍‌ ଆଜି କେନ୍ଦୁଝର, ନୟାଗଡ଼ ଏବଂ ଯାଜପୁର ଜିଲ୍ଲାର ୫୦ଟି ଗ୍ରାମରେ ଚଢ଼ଉ କରିଛନ୍ତି। ଭିଜିଲାନ୍ସ ବିଭାଗର ଏହି ୨୪ଟି ଟିମ୍‌ରେ ୮୧ ଜଣ ଅଧିକାରୀ ଅଛନ୍ତି।

9.ବିଶାଖାପାଟଣା ହେଲ୍‌ଥସିଟିରେ ଥିବା କେୟାର ହସ୍ପିଟାଲ୍‌ରେ ବର୍ଷକ ମଧ୍ୟରେ ୫୦୦ ରୋବୋଟିକ୍‌ ଆଣ୍ଠୁ ପ୍ରତିରୋପଣ କରାଯାଇଛି।

10.ରାଜ୍ୟରେ ରୁପା କେଜି ଅଢ଼େଇ ଲକ୍ଷ ଟଙ୍କାରୁ କମ୍‌ ହୋଇଛି। ବୁଧବାର ଏହାର ଦାମ୍‌ ୧୦ ହଜାର ଟଙ୍କା କମ୍‌ ହେବାରୁ ତାହା ୨,୪୦,୦୦୦ ଟଙ୍କାକୁ ଖସିଆସିଛି। ଚଳିତ ମାସ ୧୬ ତାରିଖରୁ ରୁପା ମୂଲ୍ୟରେ ୪୫ ହଜାର ଟଙ୍କାର ହ୍ରାସ ଘଟିଛି।

11.ବ୍ୟାଙ୍କ ଅଫ୍‌ ଇଣ୍ଡିଆକୁ ୧୦୦ କୋଟି ଟଙ୍କା ଫେରାଇବାକୁ ପଳାତକ ଅର୍ଥନୈତିକ ଅପରାଧୀ ତଥା ପଞ୍ଜାବ ନ୍ୟାସନାଲ ବ୍ୟାଙ୍କରେ ହୋଇଥିବା ୧୩ ହଜାର କୋଟି ଟଙ୍କା ଠକେଇର ଅଭିଯୁକ୍ତ ନିରବ ମୋଦୀଙ୍କୁ ଲଣ୍ଡନର ଏକ କୋର୍ଟ ନିର୍ଦ୍ଦେଶ ଦେଇଛନ୍ତି।

12.ଚଳିତ ବର୍ଷ ଫେବ୍ରୁଆରିରେ ଇରାନ ଯୁଦ୍ଧ ଆରମ୍ଭ ହେବା ପରେ ପ୍ରଥମ ଥର ପାଇଁ ଅଶୋଧିତ ତୈଳ ଦର ବ୍ୟାରେଲ ପ୍ରତି ୭୫ ଡଲାରକୁ ହ୍ରାସ ପାଇଛି। ବୁଧବାର ବ୍ରେଣ୍ଟ୍‌ କ୍ରୁଡ୍‌ ଦର ବ୍ୟାରେଲକୁ ୩.୦୧ ପ୍ରତିଶତ ହ୍ରାସ ପାଇ ୭୪.୭୬ ଡଲାର ଥିଲା।

13.ବନ୍ତ ଏକ ଶୌଚାଳୟ ଭିତରୁ ଗୋଟିଏ ମା’ ନାଗୁଣୀ ସହିତ ୨୮ଟି ନାଗ ଛୁଆ ଉଦ୍ଧାର ହେବା ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।

14. କିଡ୍‌ନି ଓ ୟୁରୋଲୋଜି ବିଭାଗର ଏକ ସ୍ବତନ୍ତ୍ର ହସ୍ପିଟାଲ୍‌ ଖଣ୍ଡଗିରିରେ ଖୋଲିବାକୁ ଯାଉଛି। ହାଇଦ୍ରାବାଦର ସଂସ୍ଥା ଏସିଆନ ଇନଷ୍ଟିଚ୍ୟୁଟ୍‌ ଅଫ୍‌ ‌ନେଫ୍ରୋଲୋଜି ଆଣ୍ଡ୍‌ ନ୍ୟୁରୋଲୋଜି (ଏଆଇଏନ୍‌ୟୁ) ଏହି ହସ୍ପିଟାଲ୍‌କୁ ଖୋଲିବ।

15.ଇଥାନଲ ମିଶ୍ରଣ କରାଯାଇଥିବା ପେଟ୍ରୋଲ ସମ୍ପୂର୍ଣ୍ଣ ସୁରକ୍ଷିତ। ଆମେରିକା, ବ୍ରାଜିଲ ଓ ଜାପାନ ଭଳି ବିଶ୍ବର ବିଭିନ୍ନ ଦେଶରେ ତାହା ସଫଳତାର ସହ ବ୍ୟବହାର ହେଉଛି ବୋଲି ତୈଳ ମନ୍ତ୍ରଣାଳୟ ପକ୍ଷରୁ ସଫେଇ ଦିଆଯାଇଥିଲା।