1.ଭାରତୀୟ ସ୍ଥଳସେନାର ନୂଆ ମୁଖ୍ୟ ଭାବେ ଲେଫ୍ଟନାଣ୍ଟ ଜେନେରାଲ୍ ଧୀରଜ ସେଠ୍ ଦାୟିତ୍ୱ ଗ୍ରହଣ କରିଛନ୍ତି।

2.ସମ୍ଭବତଃ ଜୁଲାଇ ୨୦ରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବ। ତେଣୁ ମୌସୁମୀ ଅଧିବେଶ ପରେ ଅର୍ଥାତ ସେପ୍ଟେମ୍ବରରୁ ଅକ୍ଟୋବର ମାସରେ ମୋଦି ସରକାର ନିଜ କ୍ୟାବିନେଟ ସଂପ୍ରସାରଣ କରିପାରନ୍ତି।

3. ଦିଲ୍ଲୀରେ ନୂଆ ନିୟମ ଅନୁଯାୟୀ ୩୦ ଲକ୍ଷ କିମ୍ବା ତା’ଠାରୁ କମ୍ ଦାମର ଇଲେକ୍‌ଟ୍ରିକ୍ କାର୍‌ ଉପରୁ ୧୦୦% ରୋଡ୍ ଟ୍ୟାକ୍ସ ଏବଂ ପଞ୍ଜୀକରଣ ଫି ଛାଡ଼ କରାଯାଇଛି। ଏହି ସୁବିଧା ମାର୍ଚ୍ଚ ୩୧, ୨୦୩୦ ପର୍ଯ୍ୟନ୍ତ ଉପଲବ୍ଧ ହେବ। ୨୦୨୮ ଏପ୍ରିଲ ୧ରୁ ଦିଲ୍ଲୀରେ କୌଣସି ନୂଆ ପେଟ୍ରୋଲ କିମ୍ବା ସିଏନଜି ଚାଳିତ ଦୁଇଚକିଆ ଯାନର ପଞ୍ଜୀକରଣ ହେବ ନାହିଁ।

4.ଇରାନର ପ୍ରତିନିଧି ଦଳ କେବଳ କତରରେ ଜମା ରହିଥିବା ୬ ବିଲିୟନ ଆମେରିକୀୟ ଡଲାରର ପାଣ୍ଠି ମୁକ୍ତ କରିବା ଏବଂ ଅନ୍ତରୀଣ ଚୁକ୍ତି ସମ୍ପର୍କରେ ଆଲୋଚନା କରିବାକୁ ଦୋହା ଯାଉଛନ୍ତି।

5.ଇଣ୍ଡିଆନ ଅଏଲର ନୂତନ ଦର ଅନୁସାରେ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୮୩.୫୦ ଟଙ୍କା ହ୍ରାସ ପାଇ ୨,୯୩୦ ଟଙ୍କା ହୋଇଛି, ଯାହା ପୂର୍ବ ୩,୧୧୩.୫୦ ଟଙ୍କା ଥିଲା।

6.ସମ୍ବଲପୁରରେ ଥିବା ‘ଜେଏସ୍‌ଡବ୍ଲ୍ୟୁ ଜେଏଫ୍‌ଇ କଳିଙ୍ଗ’ ପ୍ରକଳ୍ପରେ ଜାପାନର ଜେଏଫ୍‌ଇ ଷ୍ଟିଲ୍‌ ଅତିରିକ୍ତ ୭,୮୭୫ କୋଟି ଟଙ୍କା ନିବେଶ କରି ଆଉ ୨୫ ପ୍ରତିଶତ ଅଂଶଧନ ହାସଲ କରିଛି। 

7.କୋଷ୍ଟାଲ ହାଇୱେ ଓ କ୍ୟାପିଟାଲ ରିଜନ ରିଙ୍ଗରୋଡ୍ ଭଳି ପ୍ରମୁଖ ମେଗା ଜାତୀୟ ରାଜପଥ ପ୍ରକଳ୍ପଗୁଡ଼ିକର କାର୍ଯ୍ୟକୁ ଗତିଶୀଳ ଓ ତ୍ୱରାନ୍ୱିତ କରିବା ନିମନ୍ତେ ରାଜ୍ୟ ସରକାର ପଦକ୍ଷେପ ନେଇଛନ୍ତି।

8. ଆସନ୍ତା ଜୁଲାଇ-ସେପ୍ଟେମ୍ବର ତ୍ରୈମାସିକରେ ସୁକନ୍ୟା ସମୃଦ୍ଧି ଯୋଜନା  ଉପରେ ୮.୨୦ ପ୍ରତିଶତ ସୁଧ ମିଳିବ।

9.ରାଜଧାନୀ ଭୁବନେଶ୍ୱରର ଭୀମଟାଙ୍ଗୀର ବହୁଚର୍ଚ୍ଚିତ ପ୍ରିୟଙ୍କା ପ୍ରିୟଦର୍ଶିନୀ ସାହୁ ହତ୍ୟାକାଣ୍ଡର ଦୋଷୀ ଜଗନ୍ନାଥ ପ୍ରଧାନଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି କୋର୍ଟ। 

10.ନାବାଳିକା ଭାଣିଜୀଙ୍କୁ ନିଆଁରେ ପୋଡ଼ି ହତ୍ୟା କରିବା ଘଟଣାରେ ମାମୁଙ୍କୁ ମିଳିଛି ଫାଶୀ ଦଣ୍ଡାଦେଶ। ଏହି ଦଣ୍ଡାଦେଶ ପାଇଥିବା ଦୋଷୀଙ୍କ ନାଁ ସିପ୍ରୁନ ଦିଗାଲ। ତାଙ୍କୁ ଫାଶୀ ଦଣ୍ଡାଦେଶ ଶୁଣାଇଛନ୍ତି ବ୍ରହ୍ମପୁର ସ୍ଥିତ ଅତିରିକ୍ତ ଜିଲ୍ଲା ଦୌରାଜଜ୍‌ (ଆଡ୍‌ହକ୍‌) ଫାଷ୍ଟଟ୍ରାକ୍ ପୋକ୍ସୋ କୋର୍ଟ।

11.ଡାକ ଘର ସଞ୍ଚୟ ଖାତା ସୁଧ ୪ ପ୍ରତିଶତ, ବର୍ଷିକିଆ ମିଆଦୀ ଜମା ସୁଧ ୬.୯ ପ୍ରତିଶତ, ଦୁଇ ବର୍ଷିଆ ମିଆଦୀ ଜମା ସୁଧ ୭ ପ୍ରତିଶତ, ୩ ବର୍ଷିଆ ମିଆଦୀ ଜମା ସୁଧ ୭.୧ ପ୍ରତିଶତ ଓ ୫ ବର୍ଷିଆ ମିଆଦୀ ଜମା ସୁଧ ୭.୫ ପ୍ରତିଶତ ରହିଛି। ୫ ବର୍ଷିଆ ରିକରିଂ ଡିପୋଜିଟ୍‌ (ଆର୍‌ଡି) ଜମା ସୁଧ ୬.୭ ପ୍ରତିଶତ, ବରିଷ୍ଠ ନାଗରିକ ସଞ୍ଚୟ ସ୍କିମ୍‌ ସୁଧ ୮.୨ ପ୍ରତିଶତ, ମାସିକ ଆୟ ଖାତା ସୁଧ ୭.୪ ପ୍ରତିଶତ, ଜାତୀୟ ସଞ୍ଚୟ ସାର୍ଟିଫିକେଟ ସୁଧ ୭.୭ ପ୍ରତିଶତ ଓ ପବ୍ଲିକ ପ୍ରୋଭିଡେଣ୍ଟ୍‌ ଫଣ୍ଡ୍‌ ସ୍କିମ୍‌ ସୁଧ ୭.୧ ପ୍ରତିଶତ ରହିଛି।

12.ଭାରତର  ୟୁପିଆଇ( ୟୁନିଫାଏଡ ପେମେଣ୍ଟ ଇଣ୍ଟରଫେସ) ସେବା ଗ୍ରୀସରେ ଆରମ୍ଭ ହୋଇଛି। ଏଥେନ୍ସସ୍ଥିତ ୟୁରୋବ୍ୟାଙ୍କ ମୁଖ୍ୟାଳୟରେ ୟୁରୋ ବ୍ୟାଙ୍କ ଓ ଏନ୍‌ପିସିଆଇ ଇଣ୍ଟରନ୍ୟାସନାଲ ପେମେଣ୍ଟସ ଲିମିଟେଡ (ଏନ୍‌ଆଇପିଏଲ୍‌) ସହଭାଗିତାରେ ଉକ୍ତ ସେବା ଆରମ୍ଭ କରାଯାଇଛି। 

13.ହ୍ୱାଟ୍ସଆପ୍ ନୂତନ ୟୁଜରନେମ୍ ଫିଚର ଲଞ୍ଚ କରିଛି। ଏହି ଫିଚର ମାଧ୍ୟମରେ ୟୁଜରମାନେ ନିଜ ମୋବାଇଲ୍ ନମ୍ବର ପ୍ରକାଶ ନକରି କେବଳ ୟୁଜରନେମ୍ ବ୍ୟବହାର କରି ଅନ୍ୟମାନଙ୍କ ସହ ଚାଟ୍ କରିପାରିବେ।

14.ମୌସୁମୀ ବାୟୁ  ଏବେ ଦେଶବ୍ୟାପୀ ସକ୍ରିୟ ହେବାରେ ଲାଗିଛି। ଚଳିତ ସପ୍ତାହରେ ବଙ୍ଗୋପସାଗରରେ ଦୁଇଟି ପ୍ରଭାବଶାଳୀ ଲଘୁଚାପ ବଳୟ ସୃଷ୍ଟି ହେବାକୁ ଯାଉଛି।

15.ଆଇପିଏଲ୍‌‌ ଫ୍ରାଞ୍ଚାଇଜି ସନରାଇଜର୍ସ ହାଇଦରାବାଦର ମାଲିକାଣୀ କାବ୍ୟା ମାରାନ୍‌ ବିବାହ କରିବାକୁ ଯାଉଛନ୍ତି। ୩୩ ବର୍ଷୀୟା କାବ୍ୟା ପ୍ରସିଦ୍ଧ ସଙ୍ଗୀତକାର ଅନିରୁଦ୍ଧ ରବିଚନ୍ଦରଙ୍କ ହାତ ଧରିବେ।