1.ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଉପସ୍ଥିତିରେ ଲୋକସେବା ଭବନରେ ଶିଳ୍ପ ବିଭାଗ ଏବଂ ଆଦାନୀ ଏଣ୍ଟରପ୍ରାଇଜେସ ଲିମିଟେଡ ଅନ୍ତରାଷ୍ଟ୍ରୀୟ ହୋଲଡିଂ କମ୍ପାନୀ ମଧ୍ୟରେ ୧ ଲକ୍ଷ ୧ ହଜାର କୋଟିର ଏମଓୟୁ ସ୍ବାକ୍ଷର ହୋଇଛି। ଏହି ଏମଓୟୁ ଦ୍ବାରା ୫୩,୫୦୦ ନୂତନ ନିଯୁକ୍ତି ସୃଷ୍ଟି ହେବ ବୋଲି ଜଣାପଡ଼ିଛି।

2.୩ଟି ଯାକ ରାଷ୍ଟ୍ରାୟତ୍ତ ତୈଳ କମ୍ପାନିଗୁଡ଼ିକ ଦେଶରେ ହାରାହାରି ୩୦ ଦିନ ପାଇଁ ଏଲ୍‌ପିଜି ମହଜୁଦ ରଖିବା ଲାଗି ଯୋଜନା କରୁଛନ୍ତି।

3.ଶିକ୍ଷାବର୍ଷ ୨୦୨୬–୨୭ ପାଇଁ ଅନୁଷ୍ଠିତ କମନ୍ ପିଜି ଏଣ୍ଟ୍ରାନ୍ସ ଟେଷ୍ଟ (CPET-୨୦୨୬)ର ପରୀକ୍ଷାଫଳ ପ୍ରକାଶ ପାଇଛି।

4. ସଂସଦର ମୌସୁମି ଅଧିବେଶନ ଜୁଲାଇ ୨୦ ତାରିଖରୁ ଆରମ୍ଭ ହେବାର ସମ୍ଭାବନା ରହିଛି।

5.ହ୍ବାଟସଆପ ପରେ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (MeitY) ଏବେ ଟେଲିଗ୍ରାମ ଏବଂ ସିଗନାଲକୁ ମଧ୍ୟ ନୋଟିସ ଜାରି କରିଛି, ସେମାନଙ୍କର ବିଦ୍ୟମାନ ୟୁଜରନେମ ଫିଚରଗୁଡ଼ିକୁ ପ୍ରଶ୍ନ କରିଛି।

6.ସୁପ୍ରିମକୋର୍ଟ ନ୍ୟାୟିକ ପ୍ରକ୍ରିୟାରେ କୃତ୍ରିମ ବୁଦ୍ଧିମତ୍ତା (AI) ବ୍ୟବହାର ସମ୍ପର୍କରେ ଗମ୍ଭୀର ଚିନ୍ତା ପ୍ରକାଶ କରିଛନ୍ତି।

7.ଏୟାର ଇଣ୍ଡିଆ ଏକ୍ସପ୍ରେସ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଘୋଷଣା କରିଥିଲା ଯେ କୋଝିକୋଡ ଏବଂ କୁୱେତ ମଧ୍ୟରେ ଶୁକ୍ରବାର ଦିନ ବିମାନ ସେବା ଆରମ୍ଭ ହେବ, ଯେତେବେଳେ ବେଙ୍ଗାଲୁରୁ, କର୍ନାଟକରୁ କୁୱେତକୁ ସେବା ୪ ଜୁଲାଇରେ ଆରମ୍ଭ ହେବାକୁ ସ୍ଥିର ହୋଇଛି।

8.କାତାରର ରାଜଧାନୀ ଦୋହାରେ ଇରାନ ସହିତ ହୋଇଥିବା ଆଲୋଚନା ସକାରାତ୍ମକ ରହିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି।

9.ଆଫଗାନିସ୍ତାନ ପାକିସ୍ତାନର ବେଲୁଚିସ୍ତାନ ପ୍ରଦେଶରେ ଆଇଏସଆଇଏସ ଘାଟି ଉପରେ ଆକ୍ରମଣ କରିଛି, ଯେଉଁଥିରେ ଅନେକ ଆତଙ୍କବାଦୀ ଆହତ ହୋଇଥିବା କୁହାଯାଉଛି।

10.ଇରାନର ପୂର୍ବତନ ସର୍ବୋଚ୍ଚ ନେତା ଆୟାତେଲ୍ଲା ଅଲୀ ଖାମେନେଇଙ୍କ ଅନ୍ତିମ ସଂସ୍କାର କାର୍ଯ୍ୟକ୍ରମକୁ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ, ଦଳର ବରିଷ୍ଠ ନେତା ତଥା ପୂର୍ବତନ ବୈଦେଶିକ ମନ୍ତ୍ରୀ ସଲମନ ଖୁର୍ସିଦ ଓ କଂଗ୍ରେସ ଦଳର ଗଣମାଧ୍ୟମ ଶାଖା ମୁଖ୍ୟ ପୱନ ଖେଡାଙ୍କୁ ନିମନ୍ତ୍ରଣ କରାଯାଇଛି।

11.ପ୍ରତିବର୍ଷ ଜାନୁଆରୀ ୧ ଓ ଜୁଲାଇ ୧ରେ ଏହି  ଭାରତ ଓ ପାକିସ୍ତାନର ବନ୍ଦୀ ତାଲିକା ବିନିମୟ ହୋଇଥାଏ। ଏହି ବନ୍ଦୀ ତାଲିକା ଅନୁଯାୟୀ ପାକିସ୍ତାନର ଜେଲ୍‌ରେ ୨୫୦ଜଣ ଭାରତୀୟ ନାଗରିକ ବନ୍ଦୀ ଅଛନ୍ତି। ଏମାନଙ୍କ ମଧ୍ୟରେ ୧୯୮ଜଣ ମତ୍ସ୍ୟଜୀବୀ ଓ ୫୨ଜଣ ସାଧାରଣ ନାଗରିକ।

12.ଆରବ ସାଗରରେ ଜରୁରୀକାଳୀନ ଅବତରଣ କରିବାକୁ ଚେଷ୍ଟା କରୁଥିବା ସମୟରେ ଏକ ଆମେରିକୀୟ ନୌସେନା MH-60S ସିହକ୍ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି।

13.ଆନ୍ଧ୍ର ପ୍ରଦେଶର ତିରୁପତି ଜିଲ୍ଲାର ମୁକ୍କାବରିପାଲି ଗ୍ରାମରୁ ଗୁରୁବାର ଜାତୀୟ ସ୍ତରରେ ‘ବିକଶିତ ଭାରତ-ଜି ରାମ ଜି  ଯୋଜନା’ ଆରମ୍ଭ ହୋଇଛି।

14.ବୈଜ୍ଞାନିକମାନେ ମାନବ ଶରୀରର ଡିଏନ୍‌ଏ (ଜେନୋମ) ମଧ୍ୟରେ ଏଭଳି ୭୪ଟି ଦିଗ ଚିହ୍ନଟ କରିଛନ୍ତି, ଯାହା ଆଙ୍ଗ୍‌ଜାଇଟି ବା ମାନସିକ ଉଦ୍‌ବେଗ ବା ଉତ୍କଣ୍ଠାର ଲକ୍ଷଣ ସହ ପ୍ରତ୍ୟକ୍ଷ ଭାବେ ଜଡ଼ିତ ରହିଛି। ଏହା ମଧ୍ୟରୁ ୩୯ଟି ଦିଗ ସମ୍ପୂର୍ଣ୍ଣ ନୂତନ ଭାବେ ଆବିଷ୍କୃତ ହୋଇଛି। ଆଙ୍ଗ୍‌ଜାଇଟିକୁ ନେଇ ଆନୁବଂଶିକ କ୍ଷେତ୍ରରେ ଏହା ବିଶ୍ୱର ସବୁଠାରୁ ବଡ଼ ଗବେଷଣା ବୋଲି କୁହାଯାଇଛି।

15.ଆସନ୍ତା ୬ ମାସରେ ଭାରତରେ ହେବ ୧୧ ଅନ୍ତର୍ଜାତୀୟ ପ୍ରତିଯୋଗିତା। ଏହା ମଧ୍ୟରେ ଅଗଷ୍ଟରେ ଭୁବନେଶ୍ବରରେ ରହିଛି ବିଶ୍ବ ଦୌଡ଼କୁଦ କଣ୍ଟିନେଣ୍ଟାଲ୍‌ ଟୁର୍‌ (ରୌପ୍ୟ ସ୍ତରୀୟ)। ସେହିପରି ବ୍ୟାଡ୍‌ମିଣ୍ଟନ ବିଶ୍ବ ଚାମ୍ପିଅନ୍‌ସିପ୍‌ ଅଗଷ୍ଟ ୧୭ରୁ ନୂଆଦିଲ୍ଲୀର ଇନ୍ଦିରା ଗାନ୍ଧୀ ଇନ୍‌ଡୋର ଷ୍ଟାଡି ୟମ୍‌ରେ ଅନୁଷ୍ଠିତ ହେବ।