1.ଭୁବନେଶ୍ୱରସ୍ଥିତ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ସମ୍ମିଳନୀ କକ୍ଷରେ ଉପରାଷ୍ଟ୍ରପତି ସି.ପି.ରାଧାକୃଷ୍ଣନ୍ ଗଭୀର ସମୁଦ୍ରରେ ଦୀର୍ଘସ୍ଥାୟୀ ମାଛ ଉତ୍ପାଦନ ଲାଗି ପ୍ରାଧିକରଣପତ୍ର (ଏଲ୍‌ଓଏ)ର ଜାତୀୟ ଶୁଭାରମ୍ଭ କରିଛନ୍ତି। ଏହାସହ ଓଡ଼ିଶା ଗଭୀର ସମୁଦ୍ର ମତ୍ସ୍ୟପାଳନ ମିସନ ଡକୁମେଣ୍ଟ (୨୦୨୬-୨୦୩୬)କୁ ମଧ୍ୟ ଆନୁଷ୍ଠାନିକ ଭାବେ ଉନ୍ମୋଚନ କରିଛନ୍ତି।

2.କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ୍‌ ଚାରଡ଼ା ଉନ୍ନୀତ ଆଶ୍ରମ ବିଦ୍ୟାଳୟରେ ୨୦୦ ଛାତ୍ରଛାତ୍ରୀ ପଢ଼ୁଥିବା ବେଳେ ଶିକ୍ଷାଦାନ ପାଇଁ ନିୟୋଜିତ ଅଛନ୍ତି ମାତ୍ର ୨ ଶିକ୍ଷକ। ୧୩୦ ଛାତ୍ରଛାତ୍ରୀ ହଷ୍ଟେଲରେ ରହି ପଢ଼ୁଛନ୍ତି ଓ ୭୦ ଜଣ ଡେ’ ସ୍କଲାର୍‌।

3.ତୋଫାନ ବିନ୍ଧାଣି  ହତ୍ୟାକାଣ୍ଡରେ ସମ୍ପୃକ୍ତ ୬ ଅଭିଯୁକ୍ତ ଚିନୁ ହରିପ୍ପା, ଉମାକାନ୍ତ ହରିପ୍ପା, ତିଲକ ନାଏକ, ହରିଶଙ୍କର ନାଏକ, ସୁଶାନ୍ତ ନାଏକ ଓ ରୋହିତ ହରିପ୍ପାଙ୍କ ଜବରଦଖଲ ଜମିରେ ଥିବା ଘର କୋର୍ଟ ନିର୍ଦ୍ଦେଶ କ୍ରମେ ଭଙ୍ଗାଯାଇଛି.

4.ଇଲେକଟ୍ରନିକ୍ସ ଓ ବ୍ୟାଟେରି ନିର୍ମାଣ‌ରେ ବ୍ୟବହାର ହେଉଥିବା କେତେକ ପ୍ରମୁଖ ଉପକରଣ ଉପରେ ଲଗାଯାଇଥିବା ସୀମା ଶୁଳ୍କକୁ କେନ୍ଦ୍ର ସରକାର ଉଚ୍ଛେଦ କରିଛନ୍ତି। ଡିସ୍‌ପ୍ଲେ ଆସେମ୍ବଲି ଓ ୱାୟରଲେସ୍‌ ଚାର୍ଜିଂ ମଡ୍ୟୁଲ୍‌ରେ ବ୍ୟବହାର ହେଉଥିବା ଉପକରଣ ଉପରେ ଶୁଳ୍କ ଛାଡ଼ ନିଷ୍ପତ୍ତି ଲାଗୁ କରାଯାଇଛି।

 5.ଦେଶର ପ୍ରମୁଖ ଆଇଟି କମ୍ପାନି ଟାଟା କନ୍‌ସଲଟାନ୍ସି ସର୍ଭିସେସ୍‌ (ଟିସିଏସ୍‌) ଚଳିତ ଆର୍ଥିକବର୍ଷର ପ୍ରଥମ ତ୍ରୟମାସରେ ୯୨୭୯ ଜଣ କର୍ମଚାରୀଙ୍କୁ ନିଯୁକ୍ତି ଦେଇଛି।

6.ଅଷ୍ଟ୍ରେଲିଆର ବୃହତ୍‌  ପେନସନ ପାଣ୍ଠି ପରିଚାଳନାକାରୀ ସଂସ୍ଥା ଅଷ୍ଟ୍ରେଲିଆନ୍‌ ସୁପର୍‌ ଭାରତରେ ୫୦୦ ନିୟୁତ ଅଷ୍ଟ୍ରେଲୀୟ ଡଲାର ନିବେଶ କରିବ। ମେଲବର୍ଣ୍ଣଠାରେ ଆୟୋଜିତ ଭାରତ-ଅଷ୍ଟ୍ରେଲିଆ ସିଇଓ ଫୋରମ୍‌ ବୈଠକରେ ଅଷ୍ଟ୍ରେଲିଆନ୍‌ ସୁପରର ମୁଖ୍ୟ କାର୍ଯ୍ୟନିର୍ବାହୀ ପଲ୍‌ ସ୍କ୍ରୋଡର ଏହି ଘୋଷଣା କରିଛନ୍ତି। 

7.ସରକାରୀ ଟେଲିକମ୍‌ କମ୍ପାନି ଭାରତ ସଞ୍ଚାର ନିଗମ ଲିମିଟେଡ୍‌ ପକ୍ଷରୁ ନୂଆ ସାଟେଲାଇଟ୍‌ ଫୋନ୍‌ ଉନ୍ମୋଚନ କରାଯାଇଛି। ଏହାର ଦାମ୍ ୧,୩୪,୧୬୬ ଟଙ୍କା ରହିଛି। ସ୍ମାର୍ଟଫୋନ୍‌ଠାରୁ ସମ୍ପୂର୍ଣ୍ଣ ଭିନ୍ନ ଏହି ଫୋନ୍‌ ଉପଗ୍ରହ ଜରିଆରେ କାମ କରିବ । ‌‌

8.ନାବାଳିକାଙ୍କୁ ଯୌନ ନିର୍ଯାତନା ମାମଲାରେ ଢେଙ୍କାନାଳ ସ୍ୱତନ୍ତ୍ର ପୋକ୍ସୋ କୋର୍ଟ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ମାମଲାରେ ଅଭିଯୁକ୍ତ ସାବ୍ୟସ୍ତ ହୋଇଥିବା ସାଗର ବାରିକଙ୍କୁ କୋର୍ଟ ୨୦ ବର୍ଷ ସଶ୍ରମ କାରାଦଣ୍ଡ ସହ ୨୦ ହଜାର ଟଙ୍କା ଜରିମାନାରେ ଦଣ୍ଡିତ କରିଛନ୍ତି।

9.ଗୁରୁବାର କୋଲକାତାରେ ତୃଣମୂଳ କଂଗ୍ରେସ ଦଳର ତିନି ପୂର୍ବତନ ରାଜ୍ୟସଭା ସାଂସଦ ସୁସ୍ମିତା ଦେବ, ସୁଖେନ୍ଦୁ ଶେଖର ରାୟ ଏବଂ ପ୍ରକାଶ ଚିକ୍ ବାରାଇକ ବିଜେପିରେ ଯୋଗ ଦେଇଛନ୍ତି।

10.ସାଉଦି ଆରବର ବାଣିଜ୍ୟ ମନ୍ତ୍ରଣାଳୟ ସୁରକ୍ଷା କାରଣରୁ ଦେଶରେ ବିକ୍ରି ହେଉଥିବା ୨୨ଟି ଶିଶୁ ଖାଦ୍ୟ ଯୋଗାଣ ଉତ୍ପାଦକୁ ପ୍ରତ୍ୟାହାର କରିଛି। ଏଥିରେ ବୁନ୍ ନର୍ସ ୮ ଆଉନ୍ସ ସିଲିକନ୍ ଶିଶୁ ବୋତଲ ୩-ପ୍ୟାକ୍ (ଉତ୍ପାଦ ନମ୍ବର B11654) ମଧ୍ୟ ଅନ୍ତର୍ଭୁକ୍ତ ରହିଛି।

11.ଇସ୍କନ ଦେଶ ବିଦେଶରେ ଅଦିନିଆ ରଥଯାତ୍ରା ପ୍ରସଙ୍ଗରେ ଗଜପତି ମହାରାଜା ଦିବ୍ୟସିଂହ ଦେବଙ୍କ ଅପିଲ୍କୁ ପ୍ରତ୍ୟାଖ୍ୟାନ କରିଛି ।

12.ଆମେରିକାର ସେଣ୍ଟ୍ରାଲ୍ କମାଣ୍ଡ୍ ‘ସେଣ୍ଟକମ୍’ ଦାବି କରିଛି ଯେ, ଏହି ଦ୍ୱିତୀୟ ପର୍ଯ୍ୟାୟ ଆକ୍ରମଣରେ ଇରାନ ଉପକୂଳରେ ଥିବା ପ୍ରାୟ ୯୦ଟି ସାମରିକ ଘାଟିକୁ ଧ୍ୱଂସ କରାଯାଇଛି ।

13.ଭାରତ ସମ୍ପ୍ରତି ୪ଟି ଦେଶ (କାଜକ୍ସ୍ତାନ- ୪୦%, କାନାଡା-୨୦-୩୦%, ରୁଷ୍-୧୦-୧୫% ଏବଂ ଉଜବେକିସ୍ତାନ- ପ୍ରାୟ ୧୦%)ରୁ ୟୁରାନିୟମ୍ କିଣୁଥିବା ବେଳେ ଅଷ୍ଟ୍ରେଲିଆ ଏବେ ଭାରତ ପାଇଁ ପଞ୍ଚମ ୟୁରାନାୟିମ୍ ଯୋଗାଣାକାରୀ ବା ବିକ୍ରେତା ଦେଶ ସାଜିଛି ।

14.ମହାରାଷ୍ଟ୍ରର ରାୟଗଡ଼ ଜିଲ୍ଲାରେ ଥିବା ଏଚ୍ପିସିଏଲ୍ ପାତାଳଗଙ୍ଗା ଏଲ୍ପିଜି ବଟଲିଂ ପ୍ଲାଣ୍ଟର ସୁରକ୍ଷା ପ୍ରାଚୀର ହଠାତ୍ ଭୁଶୁଡି ପଡ଼ିବା ଯୋଗୁ ପ୍ରାୟ ୩ହଜାରରୁ ଊଦ୍ଧ୍ୱର୍ ଗ୍ୟାସ୍ ସିଲିଣ୍ଡରଗୁଡ଼ିକ ବନ୍ୟାଜଳରେ ଭାସିଯାଇ ପାଖରେ ପ୍ରବାହିତ ପାତାଳଗଙ୍ଗା ନଦୀରେ ପଡ଼ି ଭାସୁଥିବାର ଦେଖିବାକୁ ମିଳିଛି ।

15.ଓଡ଼ିଆ କଣ୍ଠଶିଳ୍ପୀ ଜ୍ୟୋତିର୍ମୟୀ ନାୟକ ଜାତୀୟସ୍ତରର ଲୋକପ୍ରିୟ ସଙ୍ଗୀତ ରିଆଲିଟି ଶୋ’ ‘ଇଣ୍ଡିଆନ ଆଇଡଲ-୧୬’ରେ ଟପ୍‌-୬ରେ ସ୍ଥାନ ହାସଲ କରିଛନ୍ତି।