1.ଲୋକ ସଭାରେ ଆଣ୍ଟି ପେପର ଲିକ୍ ବିଲ୍ ପାରିତ ହୋଇଛି । ପରୀକ୍ଷାରେ ସଂସ୍କାର ନେଇ ଆସିଥିବା ବିଲ୍ ପାରିତ ହୋଇଛି

2.କୋଇଲା ବ୍ଲକ ଆବଣ୍ଟନ ମାମଲାରେ ସ୍ବର୍ଗତ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ବିରୋଧରେ ଜାରି ସମନକୁ ରଦ୍ଦ କରିଛନ୍ତି ସୁପ୍ରିମକୋର୍ଟ । ପୂର୍ବତନ ପ୍ରଧାନମନ୍ତ୍ରୀଙ୍କ ମୃତ୍ୟୁର ଦୁଇ ବର୍ଷ ପରେ ତାଙ୍କୁ କ୍ଲିନଚିଟ୍ ମିଳିଛି ।

3.ରାଜ୍ୟରେ କୃଷି ଉଦ୍ୟୋଗକୁ ପ୍ରୋତ୍ସାହନ ଦେବା ପାଇଁ ‘ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା’ ଅଧୀନରେ ଆଗାମୀ ୫ ବର୍ଷ ପାଇଁ ଏପିକଲ୍‌କୁ ୨,୪୯୬.୪୦ କୋଟି ଟଙ୍କା ମଞ୍ଜୁର କରିଛନ୍ତି

4.ଓଡ଼ିଶାରେ ବନ୍ୟା ପ୍ରଭାବରେ ୪୪ଟି ବ୍ଲକ୍, ୨୪୩ଟି ପଞ୍ଚାୟତ ଓ ୭୪୮ଟି ଗ୍ରାମ ରହିଛି। ୨୨୬ଟି ଗ୍ରାମ ଏବେ ବି ଜଳବନ୍ଦୀ ଥିବାବେଳେ ରାଜ୍ୟ ସରକାର ବନ୍ୟା ସ୍ଥିତି ନିୟନ୍ତ୍ରଣରେ ଥିବା କହିଛନ୍ତି।

5. ବନ୍ୟାରେ ୬ ଜିଲାର ୪୪ ବ୍ଲକ ପ୍ରଭାବିତ ହୋଇଛି। ଏନେଇ ଏସ୍‌ଆର୍‌ସିଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଜାରି ହୋଇଛି। ବାଲେଶ୍ୱରର ୧୨, ଭଦ୍ରକର ୫, ଢେଙ୍କାନାଳର ୮ଟି ବ୍ଲକ ପ୍ରଭାବିତ ହୋଇଛି। ସେହିପରି ଯାଜପୁରର ୩, ମୟୂରଭଞ୍ଜର ୧୩, ସମ୍ବଲପୁରର ୩ ବ୍ଲକ ପ୍ରଭାବିତ ହୋଇଛି। 

6.କର୍ଣ୍ଣାଟକର ୧୮ ରୁ ୨୫ ବର୍ଷ ବୟସର ପ୍ରାୟ ୭ ହଜାର ଛାତ୍ର ଏଚଆଇଭି ପଜିଟିଭ ଚିହ୍ନଟ ହୋଇଛନ୍ତି । ଏହାପରେ କର୍ଣ୍ଣାଟକ ସରକାର ଇଞ୍ଜିନିୟରିଂ ଏବଂ ଡିଗ୍ରୀ କଲେଜଗୁଡ଼ିକରେ ସ୍ୱତନ୍ତ୍ର HIV ପରୀକ୍ଷା ଏବଂ ପରାମର୍ଶ ଶିବିର ଆୟୋଜନ କରିବାକୁ ନିଷ୍ପତ୍ତି ନେଇଛନ୍ତି ।

7.ରିପୋର୍ଟ ଅନୁଯାୟୀ, ଏଚ୍ଆଇଭି ସଂକ୍ରମିତ ଲୋକଙ୍କ ସଂଖ୍ୟା ଦୃଷ୍ଟିରୁ କର୍ଣ୍ଣାଟକ ଦେଶରେ ତୃତୀୟ ସ୍ଥାନରେ ଅଛି। ରାଜ୍ୟରେ ପ୍ରାୟ ୨.୬୦ ଲକ୍ଷ ଲୋକ ଏଚ୍ଆଇଭି ସଂକ୍ରମିତ ଅଛନ୍ତି । ଏଥିମଧ୍ୟରୁ କେବଳ ୨.୦୫ ଲକ୍ଷ ଆଣ୍ଟିରେଟ୍ରୋଭାଇରାଲ୍ ଥେରାପି (ART) ଗ୍ରହଣ କରୁଛନ୍ତି। ସ୍ୱାସ୍ଥ୍ୟ ବିଭାଗ ଆକଳନ କରିଛି ଯେ ପ୍ରାୟ ୫୪,୦୦୦ ଲୋକ ଏଚଆଇଭି ସଂକ୍ରମିତ ବୋଲି ମଧ୍ୟ ଜାଣି ନାହାଁନ୍ତି।

8.ପୂର୍ବତନ ବାଂଲାଦେଶୀ ପ୍ରଧାନମନ୍ତ୍ରୀ ଶେଖ ହାସିନା ବୁଧବାର କହିଛନ୍ତି ଯେ ଗିରଫ, ଜେଲ କିମ୍ବା ମୃତ୍ୟୁଦଣ୍ଡର ବିପଦ ସତ୍ତ୍ୱେ ସେ ଡିସେମ୍ବର ସୁଦ୍ଧା ତାଙ୍କ ଦେଶକୁ ଫେରିବାକୁ ପ୍ରସ୍ତୁତ।

9.ଏକ ଅଧ୍ୟୟନ ଅନୁଯାୟୀ, ବାର୍ଷିକ ପ୍ରାୟ ୧୧ ନିୟୁତ ଟନ ପ୍ଲାଷ୍ଟିକ ସମୁଦ୍ରରେ ପ୍ରବେଶ କରେ। ପ୍ଲାଷ୍ଟିକ ଅଳିଆ ମାଇକ୍ରୋପ୍ଲାଷ୍ଟିକରେ ଭାଙ୍ଗିଯିବାରୁ, ଏହି କ୍ଷୁଦ୍ର କଣିକାଗୁଡ଼ିକ ସମୁଦ୍ର ସ୍ରୋତ ମାଧ୍ୟମରେ ସାମୁଦ୍ରିକ ଇକୋସିଷ୍ଟମରେ ବିସ୍ତାରିତ ହୁଏ, ଯାହା କେବଳ ସାମୁଦ୍ରିକ ଜୀବନ ପାଇଁ ନୁହେଁ ବରଂ ମାନବ ଖାଦ୍ୟ ଶୃଙ୍ଖଳ ପାଇଁ ମଧ୍ୟ ବିପଦ ସୃଷ୍ଟି କରେ।

10.’ବନ୍ଦେ ମାତରମ୍’କୁ ମିଳିବ ଜାତୀୟ ସଙ୍ଗୀତ ‘ଜନ ଗଣ ମନ’ ଭଳି ଆଇନଗତ ସୁରକ୍ଷା ପ୍ରଦାନ କରିବା ଲକ୍ଷ୍ୟରେ ଆଗତ ‘ପ୍ରିଭେନ୍ସନ ଅଫ୍ ଇନସଲ୍ଟ୍ସ ଟୁ ନ୍ୟାସନାଲ୍ ଅନର୍ (ସଂଶୋଧନ) ବିଲ୍–୨୦୨୬’ ବୁଧବାର ରାଜ୍ୟସଭାରେ ପାରିତ ହୋଇଛି।ବିଲ୍ ପାସ୍ ହେବା ପରେ ‘ବନ୍ଦେ ମାତରମ୍’ର ଅପମାନ କଲେ କଠୋର ଦଣ୍ଡବିଧାନର ବ୍ୟବସ୍ଥା ରହିବ।

11.ଆନ୍ଦୋଳନ ସମୟରେ ଗିରଫ ହୋଇଥିବା ନାବାଳକ ଓ ଯେଉଁ ବିଦ୍ୟାର୍ଥୀଙ୍କ ନାମରେ କୌଣସି ପୂର୍ବ ଅାପରାଧିକ ରେକର୍ଡ ନାହିଁ, ସେମାନଙ୍କୁ ତୁରନ୍ତ ମୁକ୍ତ କରିବାକୁ ସୁପ୍ରିମକୋର୍ଟ ଆଦେଶ ଦେଇଛନ୍ତି। 

12. ଶୁକ୍ରବାର ଦିଲ୍ଲୀ ହାଇକୋର୍ଟ ୯ କୋଟି ଟଙ୍କାର ଚେକ୍ ବାଉନ୍ସ ମାମଲାରେ ଅଭିନେତା ରାଜପାଲ ଯାଦବଙ୍କ ଦଣ୍ଡାଦେଶକୁ ବଜାୟ ରଖିଛନ୍ତି। ଚେକ୍ ବାଉନ୍ସ ମାମଲାରେ ରାଜପାଲ ଯାଦବଙ୍କ ଆବେଦନ ଖାରଜ କରାଯାଇଛି।

13.ବ୍ରାଜିଲର ଷ୍ଟାର ଫୁଟବଲର ନେମାର ଜୁନିୟର ଆନ୍ତର୍ଜାତୀୟ ଫୁଟବଲରୁ ଅବସର ଘୋଷଣା କରିଛନ୍ତି। ଫିଫା ବିଶ୍ୱକପରେ ଦଳର ପରାଜୟ ପରେ ହିଁ ସେ ଅବସର ନେବାର ସଙ୍କେତ ଦେଇଥିଲେ 

14.ରାଜ୍ୟଗୋଷ୍ଠୀ କ୍ରୀଡାରେ ଭାରତୀୟ ବକ୍ସରମାନଙ୍କ ଚମତ୍କାର ପ୍ରଦର୍ଶନ ଜାରି। ପ୍ରତିଯୋଗିତାର ସପ୍ତମ ଦିନରେ ଆଉ ପାଞ୍ଚ ଭାରତୀୟ ବକ୍ସର ସେମିଫାଇନାଲରେ ପ୍ରବେଶ କରିବା ସହ ଦେଶ ପାଇଁ ଅତି କମରେ ପାଞ୍ଚଟି ପଦକ ନିଶ୍ଚିତ କରିଛନ୍ତି।

15.କିମ୍ବଦନ୍ତୀ ଫୁଟବଲର ଜିନେଦିଁ ଜିଦାନ୍‌ ଫ୍ରାନ୍‌ସ ଜାତୀୟ ଫୁଟବଲ ଦଳର ନୂତନ ମୁଖ୍ୟ ପ୍ରଶିକ୍ଷକ ନିଯୁକ୍ତ ହୋଇଛନ୍ତି।