1.ବକ୍ରତୁଣ୍ଡ ମହାକାୟ ସୂର୍ଯ୍ୟକୋଟି ସମପ୍ରଭଃ । ନିର୍ବିଘ୍ନଂ କୁରୁ ମେ ଦେବ ସର୍ଵକାର୍ଯ୍ୟେଷୁ ସର୍ଵଦା ॥ ପବିତ୍ର ଗଣେଶ ପୂଜା ଉପଲକ୍ଷେ ସମସ୍ତଙ୍କୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା।

2.ସେପ୍ଟେମ୍ବର ୪ରେ ଶେଷ ହୋଇଥିବା ସପ୍ତାହରେ ଭାରତର ବିଦେଶୀ ମୁଦ୍ରା ଭଣ୍ଡାରରେ ରେକର୍ଡ ୪୪.୯ ବିଲିଅନ ଡଲାରର ବୃଦ୍ଧି ଘଟିବା ସହ ଏହା ୭୮୫.୭ ବିଲିଅନ ଡଲାରରେ ପହଞ୍ଚିଛି। ଭାରତର ଉପରକୁ ଏବେ ଚୀନ, ଜାପାନ ଓ ସ୍ବିଜରଲାଣ୍ଡ୍‌ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନରେ ରହିଛନ୍ତି ବୋଲି ବ୍ଲୁମବର୍ଗ ତଥ୍ୟରୁ ଜଣାଯାଇଛି।

3. ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଆୟୋଜିତ ରାତ୍ରୀଭୋଜନରେ କେତେକ ଦେଶର ରାଷ୍ଟ୍ରମୁଖ୍ୟ ଅନୁପସ୍ଥିତ ରହିବା ରାଜନୈତିକ ଏବଂ କୂଟନୈତିକ ସ୍ତରରେ ଚର୍ଚ୍ଚାର ବିଷୟ ହୋଇଛି। ରାତ୍ରୀଭୋଜନରେ ଯୋଗ ଦେଇ ନଥିବା ପ୍ରମୁଖ ନେତାଙ୍କ ମଧ୍ୟରେ ଚୀନ୍ ରାଷ୍ଟ୍ରପତି ସି ଜିନପିଂ ଓ ଆବୁଧାବିର କ୍ରାଉନ୍ ପ୍ରିନ୍ସ ଶେଖ୍ ଖାଲେଦ ବିନ୍ ମହମ୍ମଦ ଅନ୍ତର୍ଭୁକ୍ତ।

4.ବ୍ରିକ୍ସ ସମ୍ମିଳନୀରେ ସମ୍ବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱରେ ବଢୁଥିବା ଅଶାନ୍ତି, ଯୁଦ୍ଧ ଓ ଅସ୍ଥିରତାକୁ ନେଇ ଚିନ୍ତା ପ୍ରକାଶ କରିଛନ୍ତି। ଏଭଳି ସଙ୍କଟ ସମୟରେ ପଛଘୁଞ୍ଚା ନଦେଇ ସମସ୍ତେ ଏକାଠି ହୋଇ ପ୍ରତିଟି ଆହ୍ୱାନର ସାହସର ସହ ମୁକାବିଲା କରିବା ଆବଶ୍ୟକ।

5.ଆମେରିକା ଉପରେ ହୋଇଥିବା ୯ା୧୧ ଆତଙ୍କବାଦୀ ଆକ୍ରମଣର ୨୫ ବର୍ଷ ପୂର୍ତ୍ତି ଅବସରରେ ଦେଶବାସୀଙ୍କୁ ଉଦ୍‌ବୋଧନ ଦେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି କୌଣସି ପରିସ୍ଥିତିରେ ଇରାନକୁ ଅଣୁ ଅସ୍ତ୍ର ହାସଲ କରିବାକୁ ଦିଆଯିବ ନାହିଁ।

6.ତାମିଲନାଡୁ ମୁଖ୍ୟମନ୍ତ୍ରୀ ବିଜୟଙ୍କ ୟୁନାଇଟେଡ୍‌ କିଙ୍ଗଡମ୍‌ (ୟୁକେ) ଗସ୍ତ ନିମନ୍ତେ ବୈଦେଶିକ ବ୍ୟାପାର ମନ୍ତ୍ରଣାଳୟ ତରଫରୁ ଅନୁମତି ମିଳିଥିବା ଜନୈକ ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି।

7.ମାଲକାନଗିରି ବନ ବିଭାଗ ଦ୍ୱାରା ବଜ୍ରକାପ୍ତା ଚୋରା ଚାଲାଣ ସମୟରେ ଛଅଜଣଙ୍କୁ ଗିରଫ କରିବା ସହ ୩୫୨ଟି ବଜ୍ରକାପ୍ତା କାତି ଜବତ କରିଛନ୍ତିା

8.ନନ୍ଦନକାନନ ପ୍ରାଣୀ ଉଦ୍ୟାନର ଶୋଭାବୃଦ୍ଧି ସହ ଅଧିକରୁ ଅଧିକ ପର୍ଯ୍ୟଟକଙ୍କୁ ଆକର୍ଷିତ କରିବାକୁ ୧୪ ପ୍ରଜାତିର ୫୮ଟି ବିଦେଶୀ ପ୍ରାଣୀ ଆସିଛନ୍ତି।

9. ଜାଭା ସାଗରରେ ରବିବାର ୨୪୦ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ଜାହାଜ ନିଖୋଜ ହୋଇଯାଇଛି।

10.୫ଏକର ପରିମିତି ଭଦ୍ରକର ଐତିହାସିକ ନେହରୁ ଷ୍ଟାଡିଅମକୁ ନେଇ ପୁଣି ଏକ ବିବାଦ ସୃଷ୍ଟି ହୋଇଛି। ଷ୍ଟାଡିଅମ୍‌ର ମରାମତି ଓ ଉନ୍ନତୀକରଣ ନିମନ୍ତେ କାର୍ଯ୍ୟଚାଲୁଛି। ଏହି ସମୟରେ, ପ୍ରତିବାଦ ସତ୍ବେ ଠିକାଦାରଙ୍କ ପୋକଲିନ୍‌ ଷ୍ଟାଡିଅମ୍‌ ପରିସରରେ ଥିବା ୧୨ଟି କ୍ରୀଡ଼ାସଂଘର କାର୍ଯ୍ୟାଳୟକୁ ଭାଙ୍ଗି ମାଟିରେ ମିଶାଇଦେଇଛି।

11.ଇ-ମେଲ୍‌ରେ ଆସିଲା ନିର୍ଦେଶ, ବଦଳିଗଲା ବ୍ୟାଙ୍କ ଖାତା ବିବରଣୀ। ଆଖି ପିଛୁଳାକେ ଆକାଉଣ୍ଟରୁ ଚାଲିଗଲା ପ୍ରାୟ ୧.୮୫ କୋଟି ଟଙ୍କା। ସୁନ୍ଦରଗଡ଼ ସାଇବର ପୁଲିସର ତତ୍ପରତା ଯୋଗୁଁ ଫେରିଲା ୧ କୋଟି ୧୪ ଲକ୍ଷ ୮୮ ହଜାର ୬୩ ଟଙ୍କା ୫୨ ପଇସା। ବିଜନେସ୍‌ ଇ-ମେଲ୍‌ କମ୍ପ୍ରୋମାଇଜ୍‌ ଜରିଆରେ ହୋଇଥିବା ଏହି ବଡ଼ ସାଇବର ଠକେଇ ଘଟଣାରେ ଉତ୍ତରପ୍ରଦେଶରୁ ଜଣେ ଅଭିଯୁକ୍ତକୁ ଗିରଫ କରିଛି ସୁନ୍ଦରଗଡ଼ ସାଇବର ଥାନା

12.ବଲୁଚିସ୍ତାନରେ ପାକିସ୍ତାନ ସେନାର ଗାଡ଼ି ଉପରେ ଆତଙ୍କବାଦୀ ଆକ୍ରମଣ ହୋଇଛି। ବଲୁଚିସ୍ତାନର ଲାସବେଲା ଜିଲ୍ଲାରେ ଏନ୍‌-୨୫ ଜାତୀୟ ରାଜପଥ ଉପରେ ହୋଇଥିବା ଆକ୍ରମଣରେ ପାକିସ୍ତାନ ସେନାର ୨୩ରୁ ଅଧିକ ସୁରକ୍ଷାକର୍ମୀଙ୍କର ମୃତ୍ୟୁ ହୋଇଥିବା ଆଶଙ୍କା କରାଯାଉଛି।

13.୨୦୨୭ ଗୋଆ ବିଧାନସଭା ନିର୍ବାଚନ ପାଇଁ ଆମ ଆଦମୀ ପାର୍ଟି (ଆପ୍) ଏବଂ ଆଞ୍ଚଳିକ ଦଳ 'ଗୋଆ ଫରୱାର୍ଡ ପାର୍ଟି' (ଜିଏଫପ) ହାତ ମିଳାଇଛନ୍ତି।

14.ବଙ୍ଗୋପସାଗରରେ ସୃଷ୍ଟ ଏକ ଲଘୁଚାପ କ୍ଷେତ୍ର ସ୍ଥଳଭାଗ ଆଡ଼କୁ ଗତି କରୁଥିବାରୁ ମଧ୍ୟ ଓ ପଶ୍ଚିମ ଭାରତର କେତେକ ଅଞ୍ଚଳରେ ଆସନ୍ତା କିଛି ଦିନ ବର୍ଷା ବଢ଼ିବାର ସମ୍ଭାବନା ରହିଛି। ସେପ୍ଟେମ୍ବର ୧୫ ମଧ୍ୟରେ କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ।

15.ଓଡ଼ିଆ ତାରକା ସୁପ୍ରିୟା କୁଜୁରଙ୍କ ହ୍ୟାଟ୍ରିକ୍‌ ଗୋଲ ବଳରେ ଭାରତ ଜୁନିୟର ମହିଳା ହକି ଏସିଆ କପ୍‌ର ଫାଇନାଲରେ ପହଞ୍ଚିଛି।