1.କାନାଡା କବି ତଥା ଲେଖିକା ଆନେ କାରସନ ୨୦୨୬ ବର୍ଷ ପାଇଁ ସାହିତ୍ୟରେ ନୋବଲ ପୁରସ୍କାର ପାଇବାକୁ ମନୋନୀତ ହୋଇଛନ୍ତି । ଗ୍ରୀକ୍ ସାହିତ୍ୟ ଉପରେ ତାଙ୍କର ଅଗାଧ ଜ୍ଞାନ ରହିଛି । ୧୯୯୮ ମସିହାରେ ତାଙ୍କ ରଚିତ ଉପନ୍ୟାସ ‘ଅଟୋବାଇଓଗ୍ରାଫି ଅଫ ରେଡ୍‌’ ପାଇଁ ସେ ସାରା ବିଶ୍ୱରେ ପରିଚିତ ହୋଇପାରିଥିଲେ ।

2. ସମସ୍ତ ବୈଧାନିକ କ୍ଲିୟରାନ୍ସ ମିଳିସାରିଥିବାରୁ ପବ୍ଲିକ-ପ୍ରାଇଭେଟ ପାର୍ଟନରସିପ୍ (ପିପିପି) ମୋଡରେ ଖୁବ୍‌ଶୀଘ୍ର ଶ୍ରୀକ୍ଷେତ୍ର ପୁରୀରେ ଏହି ଆନ୍ତର୍ଜାତିକ ଗ୍ରୀନଫିଲ୍ଡ ବିମାନବନ୍ଦରର ଭିତ୍ତିଭୂମି ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି ଜଣାପଡ଼ିଛି।

3. ୫୭ତମ ଜିଏସଟି ପରିଷଦରେ ଟିକସ ସ୍ଲାବରେ କୌଣସି ପରିବର୍ତ୍ତନ ହୋଇନାହିଁ। କିନ୍ତୁ ପୂର୍ବରୁ ଜିଏସଟି ଅଧିକାରୀଙ୍କୁ ମିଳିଥିବା ଗିରଫଦାରୀ କ୍ଷମତାକୁ ପରିଷଦ ରଦ୍ଦ କରି ଦେଇଛି।

4.ଯକ୍ଷ୍ମାମୁକ୍ତ ଭାରତ ପାଇଁ ଆରମ୍ଭ ହୋଇଥିବା ‘ଜୋସ୍‌’ ଅଭିଯାନରେ ଓଡ଼ିଶାର ଯୋଗଦାନ। ଯୁବପିଢ଼ି, ସ୍ୱେଚ୍ଛାସେବୀ ଓ ଏନ୍‌ସିସି କ୍ୟାଡେଟ୍‌ଙ୍କୁ ସାମିଲ କରାଯିବ।

5.କ୍ୟାନ୍ସର ଔଷଧର ରିଟେଲର୍‌ ଦର ଓ ସର୍ବାଧିକ ଖୁଚୁରା ମୂଲ୍ୟ (ଏମ୍ଆର୍‌ପି) ମଧ୍ୟରେ ରହିଥିବା ବଡ଼ ବ୍ୟବଧାନକୁ ସୁପ୍ରିମକୋର୍ଟ ଧରିବା ପରେ ଦର ହ୍ରାସ କରିବାକୁ ସରକାର ପ୍ରକ୍ରିୟା ଆରମ୍ଭ କରିଛନ୍ତି।ଅଣ-ସିଡ୍ୟୁଲ୍‌ କ୍ୟାନସର୍‌  ଔଷଧର ଟ୍ରେଡ୍‌ ମାର୍ଜିନକୁ ସର୍ବାଧିକ ୩୦ ପ୍ରତିଶତରେ ସୀମିତ ରଖାଯାଇଛି। 

6.ବ୍ୟାଙ୍କ ହସ୍ପିଟାଲ, ସରକାରୀ କାର୍ଯ୍ୟାଳୟ ଭଳି ଶତାଧିକ ସେବା ଏବେ ମୋବାଇଲ୍‌ ଫୋନ୍‌ରେ ଉପଲବ୍ଧ ହୋଇପାରିଛି ବୋଲି ଇଣ୍ଡିଆ ମୋବାଇଲ୍‌ କଂଗ୍ରେସ (ଆଇଏମ୍‌ସି) ୨୦୨୬କୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ  କହିଛନ୍ତି।

7.କ୍ଷୁଦ୍ର ଓ ମଧ୍ୟମ ଧରଣର ଉଦ୍ୟୋଗ ଗୁଡ଼ିକର ପାଣ୍ଠି ଅଭାବ ଦୂର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ୧୦ ହଜାର କୋଟି ଟଙ୍କାର ଏସ୍‌ଏମ୍‌ଇ ଗ୍ରୋଥ୍‌ ଫଣ୍ଡକୁ ମଞ୍ଜୁରି ଦିଆଯାଇଛି।

8.ସାଧାରଣ ନିର୍ବାଚନ ଆୟୋଗ, ନ୍ୟାୟପାଳିକା ଏବଂ ଅନ୍ୟାନ୍ୟ ସାମ୍ବିଧାନିକ ସଂସ୍ଥାଗୁଡ଼ିକ ବିରୋଧରେ ଚାଲିଥିବା କ୍ରମାଗତ ଅପପ୍ରଚାରକୁ ନେଇ ୪୨ ଜଣ ପୂର୍ବତନ ବିଚାରପତି ଏବଂ ବରିଷ୍ଠ ଆଇନଜ୍ଞ ଗଭୀର ଚିନ୍ତା ପ୍ରକାଶ କରିଛନ୍ତି।

9.ଶରଣକୂଳ କଲେଜ ଅଧ୍ୟକ୍ଷ ମହେଶ୍ୱର ମହାପାତ୍ରଙ୍କ ମୃତଦେହ ସନ୍ଦେହଜନକ ଅବସ୍ଥାରେ ଭୁବନେଶ୍ୱର-ଦଶପଲ୍ଲା ମେମୁ ଟ୍ରେନରୁ ଉଦ୍ଧାର କରାଯାଇଛି ।

10.ମୁଖ୍ୟ ନିର୍ବାଚନ କମିସନର (ସିଇସି) ଓ ଅନ୍ୟ ନିର୍ବାଚନ କମିସନର (ଇସି)ଙ୍କ ନିଯୁକ୍ତି ସମ୍ବନ୍ଧିତ ନିଜ ପୂର୍ବ ନିଷ୍ପତ୍ତିର ଯାଞ୍ଚ କରିବାକୁ ସୁପ୍ରିମକୋର୍ଟ ସମ୍ମତି ପ୍ରକାଶ କରିଛନ୍ତି। ସେପ୍ଟେମ୍ବର ୨୩ ତାରିଖରେ ବିଚାରପତି ଦୀପଙ୍କର ଦତ୍ତ ଓ ସତୀଶ ଚନ୍ଦ୍ର ଶର୍ମା ଏହି ମାମଲାକୁ ଏକ ସାମ୍ବିଧାନିକ ବେଞ୍ଚକୁ ପଠାଇବା ପ୍ରସଙ୍ଗରେ ଭିନ୍ନ ଭିନ୍ନ ମତ ଦେଇଥିଲେ।

11.କ୍ୟାନ୍ସର ଚିକିତ୍ସାରେ ଭାରି ଖର୍ଚ୍ଚକୁ ନେଇ ଚିନ୍ତିତ ରୋଗୀ ଓ ସେମାନଙ୍କ ପରିବାର ପାଇଁ କେନ୍ଦ୍ର ସରକାର ବଡ଼ ପଦକ୍ଷେପ ନେଇଛନ୍ତି । ସମସ୍ତ ନନ୍-ସେଡ୍ୟୁଲ୍ ଆଣ୍ଟି-କ୍ୟାନସର ଔଷଧ ଉପରେ ଟ୍ରେଡ୍ ମାର୍ଜିନ୍‌କୁ ସର୍ବାଧିକ ୩୦ ପ୍ରତିଶତରେ ସୀମିତ କରିବାକୁ ସରକାର ନିଷ୍ପତ୍ତି ନେଇଛନ୍ତି । ଏହା ଫଳରେ କ୍ୟାନସର ଔଷଧର ଖୁଚୁରା ମୂଲ୍ୟ (MRP)ରେ ବଡ଼ ହ୍ରାସ ହେବା ଆଶା କରାଯାଉଛି ।

12.ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଚାନ୍ଦପୁର ଗାଁରେ ଗୁରୁବାର ଅପରାହ୍ନରେ ଘଟିଥିବା ବାଣ ବିସ୍ପୋରଣରେ ମୃତ୍ୟୁ ସଂଖ୍ୟା ୨କୁ ବୃଦ୍ଧି ପାଇଛି। ବାପା ପରେ ପୁଅଙ୍କର ମୃତ୍ୟୁ ଘଟିଛି।

13.ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅବଢ଼ା ଯୋଜନା ଅଧୀନରେ ପୁରୀରେ କାର୍ଯ୍ୟକାରୀ ହେଉଥିବା ଜଗନ୍ନାଥବଲ୍ଲଭ ତୀର୍ଥଯାତ୍ରୀ କେନ୍ଦ୍ର, ମାର୍କେଟ କମ୍ପ୍ଲେକ୍ସ, ଶ୍ରୀସେତୁ ତଥା ମୁସା ନଦୀର ସଂପ୍ରସାରଣ ପ୍ରକଳ୍ପ ପାଇଁ ଆଜି ୬୫୮.୦୩ କୋଟି ଟଙ୍କା ମଞ୍ଜୁର କରିଛନ୍ତି।

14.'ୱିଣ୍ଡର୍ଜି ଇଣ୍ଡିଆ ୨୦୨୬' (Windergy India 2026) ସମ୍ମିଳନୀରେ ଓଡ଼ିଶାକୁ "ପବନ ଶକ୍ତି କ୍ଷେତ୍ରରେ ବିପଦ ହ୍ରାସ ପାଇଁ ନେତୃତ୍ୱ" (Leadership in Wind Energy De-risking) ନିମନ୍ତେ ପ୍ରତିଷ୍ଠିତ 'ୱିଣ୍ଡ ଇଣ୍ଡିଆ ୨୦୨୬' ପୁରସ୍କାର ପ୍ରଦାନ କରାଯାଇଛି।

15.ରାଜସ୍ୱ ବୋର୍ଡର ସଦସ୍ୟ ସତ୍ୟବ୍ରତ ସାହୁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରି, ୧୦୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରମୁଖ ସରକାରୀ ଜମିର ଘରୋଇ ମ୍ୟୁଟେସନ୍ (ମାଲିକାନା ହସ୍ତାନ୍ତର ପଞ୍ଜୀକରଣ)କୁ ଖାରଜ କରିଛନ୍ତି।