1.ଆଗାମୀ ଦଶନ୍ଧିଗୁଡ଼ିକରେ ଡିମେନ୍ସିଆ (ଭୁଲା ରୋଗ) ବିଶ୍ୱ ପାଇଁ ଏକ ବଡ଼ ସ୍ୱାସ୍ଥ୍ୟ ସମସ୍ୟା ଭାବେ ଉଭା ହୋଇପାରେ। ୨୦୨୩ରେ ବିଶ୍ୱରେ ପ୍ରାୟ ୧.୧୪ କୋଟି ଲୋକ ଏହି ରୋଗରେ ନୂଆ କରି ଆକ୍ରାନ୍ତ ହୋଇଥିବାବେଳେ ୨୦୫୦ ସୁଦ୍ଧା ଏହି ସଂଖ୍ୟା ବର୍ଷକୁ ୨.୪୭ କୋଟିରେ ପହଞ୍ଚିପାରେ।

2.ବିଶ୍ବ ପ୍ରସିଦ୍ଧ କୋଣାର୍କସ୍ଥିତ ‘ସୂର୍ଯ୍ୟ ମନ୍ଦିର’ ସମ୍ମୁଖର ୧୧ଏକରୁ ଅଧିକ ଜମି ବିବାଦ ନେଇ ରାଜସ୍ୱ ପର୍ଷଦ ଐତିହାସିକ ରାୟ ଦେଇଛନ୍ତି। ୧୧୦କୋଟିରୁ ଅଧିକ ଟଙ୍କାର ମୂଲ୍ୟବାନ ଜମିକୁ ତୁରନ୍ତ ସରକାରୀ ଖାତାକୁ ଜମି ଫେରାଇବାକୁ ବନ୍ଦୋବସ୍ତ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି।

3.ବାଂଲାଦେଶର ବିଭିନ୍ନ ଜେଲ୍‌ରେ ଦଣ୍ଡାଦେଶର ଅବଧି ଶେଷ ହୋଇଥିଲେ ମଧ୍ୟ ୧୬୮ ଜଣ ଭାରତୀୟ ନାଗରିକ ଏବେ ବି ଅଟକି ରହିଛନ୍ତି।

4.ଦେଶରେଡିଜିଟାଲ୍ ଆରେଷ୍ଟ ଠକେଇ ଚିନ୍ତାଜନକ ସ୍ଥିତିରେ ପହଞ୍ଚିଛି। ଚଳିତ ବର୍ଷ ଜାନୁଆରିରୁ ଅଗଷ୍ଟ ମଧ୍ୟରେ ଏହି ଠକେଇ ସଂକ୍ରାନ୍ତରେ ୨୧,୯୦୦ରୁ ଅଧିକ ଅଭିଯୋଗ ପଞ୍ଜୀକୃତ ହୋଇଛି।

5.ଏସିଏଫ୍ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ବିଦ୍ୟାଭାରତୀଙ୍କୁ ହାଇକୋର୍ଟରୁ ଝଟକା ଲାଗିଛି। ସମ୍ଭାବ୍ୟ ଗିରଫଦାରୀରୁ ସୁରକ୍ଷା ପାଇଁ ସେ ଦାଖଲ କରିଥିବା ଆଗୁଆ ଜାମିନ ଆବେଦନର ଶୁଣାଣି କରି ହାଇକୋର୍ଟ ତାଙ୍କୁ ଅନ୍ତରୀଣ ସୁରକ୍ଷା ଦେବାକୁ ମନା କରିଛନ୍ତି।

6.ହିମାଚଳ ପ୍ରଦେଶର ସରକାରୀ କର୍ମଚାରୀ ଏବଂ ଅଧିକାରୀମାନଙ୍କ ପାଇଁ ଖୁସି ଖବର। ରାଜ୍ୟ ସରକାର ସେମାନଙ୍କର ମହଙ୍ଗା ଭତ୍ତା (ଡିଏ)କୁ ୫ ପ୍ରତିଶତ ବୃଦ୍ଧି କରିବା ପାଇଁ ଏକ ସରକାରୀ ନିର୍ଦ୍ଦେଶ ଜାରି ହୋଇଛି।

7.ଭିତରକନିକା ଜାତୀୟ ଉଦ୍ୟାନ ସଂଲଗ୍ନ ବୈତରଣୀ ନଦୀ ପାର୍ଶ୍ୱ ବେଙ୍ଗମାରିଠାରେ ୭ ଫୁଟ୍ ୭ ଇଞ୍ଚ ଲମ୍ବର ଏକ ମୃତ ବଉଳା କୁମ୍ଭୀରକୁ ବନ ବିଭାଗ ଜବତ କରିଛି।

8.ଅରୁଣାଚଳ ପ୍ରଦେଶର ଟାକସିଂ (Taksing) ଅଞ୍ଚଳରେ ଉତ୍ତେଜନା ଥିବା ଖବର ମଧ୍ୟରେ ଭାରତ ଓ ଚୀନ୍ ମଧ୍ୟରେ ଆଲୋଚନା ହେବାର ଏକ ମାସ ପରେ ଆଇଟିବିପି (ITBP) ମହାନିର୍ଦ୍ଦେଶକ ଶତ୍ରୁଜିତ୍ କପୁରଙ୍କ ଏହି ମନ୍ତବ୍ୟ ସାମ୍ନାକୁ ଆସିଛି।

9.ମରାଠା ସଂରକ୍ଷଣ ଆନ୍ଦୋଳନକାରୀ ମନୋଜ ଜାରାଙ୍ଗେ-ପାଟିଲ କିଛି ଅଡିଓ ରେକର୍ଡିଂ ଜାରି କରି ଅଭିଯୋଗ କରିଛନ୍ତି ଯେ, ତାଙ୍କ ଆନ୍ଦୋଳନକୁ ଦୁର୍ବଳ କରିବା ପାଇଁ ଏକ ରାଜନୈତିକ ଷଡ଼ଯନ୍ତ୍ର କରାଯାଇଛି। ଶିବସେନା ନେତାମାନେ ଏହାର ତଦନ୍ତ ଦାବି କରିଥିବା ବେଳେ, ବିଜେପି ନେତାମାନେ ଉକ୍ତ ରେକର୍ଡିଂଗୁଡ଼ିକର ପ୍ରାମାଣିକତା ଉପରେ ପ୍ରଶ୍ନ ଉଠାଇଛନ୍ତି।

10.ଉତ୍ତର ପ୍ରଦେଶ ବିଧାନ ପରିଷଦର ୧୧ଟି ଆସନ ପାଇଁ ଶୁକ୍ରବାର ଦିନ ଭୋଟ୍ ଗ୍ରହଣ କରାଯାଇଛି। ଏହି ନିର୍ବାଚନକୁ ଶାସକ ଭାରତୀୟ ଜନତା ପାର୍ଟି (ବିଜେପି) ଏବଂ ସମାଜବାଦୀ ପାର୍ଟି (ଏସ୍‌ପି) ମଧ୍ୟରେ ଏକ ପ୍ରତିଷ୍ଠା ଲଢ଼େଇ ଭାବରେ ଦେଖାଯାଉଛି।

11.୨୦୨୨ ମସିହାର ଅଙ୍କିତା ଭଣ୍ଡାରୀ ହତ୍ୟା ମାମଲାରେ, ଅଭିନେତ୍ରୀ ଉର୍ମିଲା ସାନୱାର ଏବଂ ପୂର୍ବତନ ବିଜେପି ବିଧାୟକ ସୁରେଶ ରାଠୋର ଶୁକ୍ରବାର ଦିନ ଏଠାରେ ଥିବା ଏକ ସିବିଆଇ (CBI) କୋର୍ଟରେ ନାର୍କୋ-ଆନାଲିସିସ୍ ପରୀକ୍ଷା କରାଇବା ପାଇଁ ସହମତି ପ୍ରଦାନ କରିଛନ୍ତି।

12.ରେକର୍ଡ ୧୧୪ ପଦକ ସହ ଜାପାନରେ ଚାଲିଥିବା ଏସିଆନ ପାରା ଗେମ୍ସ ଅଭିଯାନ ଶେଷ କରିଛି ଭାରତ। ଏହି ୧୧୪ ପଦକ ମଧ୍ୟରେ ରହିଛି ୩୦ଟି ସ୍ୱର୍ଣ୍ଣ, ୩୫ ରୌପ୍ୟ ଓ ୪୯ଟି ବ୍ରୋଞ୍ଜ ମେଡାଲ। ଏସିଆନ ପାରା ଗେମ୍ସରେ ଏହା ଭାରତର ସର୍ବଶ୍ରେଷ୍ଠ ପ୍ରଦର୍ଶନ।

13.ଓଡ଼ିଶା ପୁଲିସ ଓ ଅଗ୍ନିଶମ ବିଭାଗରେ ଚାକିରି କରିବାକୁ ଚାହୁଁଥିବା ଯୁବକ ଯୁବତୀଙ୍କ ପାଇଁ ବଡ଼ ଘୋଷଣା। ରାଜ୍ୟର  ୭୨୬୮ଟି ପୁଲିସ ଓ ଅଗ୍ନିଶମ ବିଭାଗର ପଦବୀରେ ନିଯୁକ୍ତି ପାଇଁ ପ୍ରକାଶ ପାଇଛି ବିଜ୍ଞପ୍ତି।

14.ଗଭୀର ଅବପାତ ଆହୁରି ଘନୀଭୂତ ହୋଇ ୨୬ ତାରିଖରେ ବାତ୍ୟାର ରୂପ ନେବ। ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ବାତ୍ୟା ସୃଷ୍ଟି ହେବ। ଏହାପରେ ଏହି ବାତ୍ୟା ୨୮ ତାରିଖ ସକାଳେ କିମ୍ବା ଭୋର ସମୟରେ ଉତ୍ତର ଆନ୍ଧ୍ର ଓ ଦକ୍ଷିଣ ଓଡ଼ିଶାରେ ଉପକୂଳ ଛୁଇଁବାର ଯଥେଷ୍ଟ ସମ୍ଭାବନା ରହିଛି।

15.କାହ୍ନୁ ଚରଣ ନାଏକ ପ୍ରଥମଥର ୧୯୯୦ରେ ପାଟଣାରୁ ବିଧାୟକ ହୋଇଥିଲେ। ବିଧାୟକ ଭାବେ ସେ ୧୯୯୫ ଯାଏ କାର୍ଯ୍ୟ କରିଥିଲେ। ୧୯୯୨ରୁ ୧୯୯୪ ଯାଏ ସେ ଜନତା ଦଳର ଜିଲ୍ଲା ସଭାପତି ମଧ୍ୟ ରହିଥିଲେ।