- 1.୮୦ତମ ସ୍ଵାଧୀନତା ଦିବସ ଅବ୍ୟବହିତ ପୂର୍ବରୁ (୨୦୨୬ ଅଗଷ୍ଟ ୧୪) ରାଷ୍ଟ୍ରପତିଦ୍ରୌପଦୀ ମୁର୍ମୁ ଦେଶବାସୀଙ୍କୁ ସମ୍ବୋଧିତ କରିଛନ୍ତି। ସେ କହିଛନ୍ତି, ବିଗତ ଏକ ଦଶନ୍ଧି ମଧ୍ୟରେ ଭାରତ ଦ୍ରୁତଗତିରେ ଅଗ୍ରସର ହୋଇଛି
- 2.ସ୍ଵାଧୀନତା ଦିବସ ପୂର୍ବରୁ ବିଶିଷ୍ଟ ସେବା ପୁରସ୍କାର ୨୦୨୬ ଘୋଷଣା କରାଯାଇଛି। ଚଳିତ ବର୍ଷ ଓଡ଼ିଶାର ୧୭ ଜଣଙ୍କୁ ମିଳିବ ଏହି ପୁରସ୍କାର। ୫ ଜଣଙ୍କୁ ସାହସିକତା, ୨ ଜଣଙ୍କୁ ରାଷ୍ଟ୍ରପତି ପଦକ ଏବଂ ୧୦ ଜଣଙ୍କୁ ପ୍ରଶଂସନୀୟ ସେବା ପଦକ ମିଳିବ ବୋଲି ଜଣାପଡ଼ିଛି। ଏଡିଜି ସଞ୍ଜୀବ ପଣ୍ଡା ଏବଂ ଡିସିପି ସ୍ମିତାରାଣୀ ମହାନ୍ତିଙ୍କୁ ରାଷ୍ଟ୍ରପତି ପଦକ ମିଳିବ।
- 3.ସ୍ଵାଧୀନତା ଦିବସ ୨୦୨୬ ଅବସରରେ ପୋଲିସ, ଅଗ୍ନିଶମ, ଗୃହରକ୍ଷୀ, ନାଗରିକ ପ୍ରତିରକ୍ଷା ଏବଂ ସଂଶୋଧନ ସେବାର ମୋଟ ୧,୦୫୭ ଜଣ କର୍ମଚାରୀଙ୍କୁ ସାହସିକତା ଏବଂ ସେବା ପଦକ ପ୍ରଦାନ କରାଯିବ ବୋଲି ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
- 4.ସାହାସିକତା ପାଇଁ ୩୦୧ ପଦକ (GM) ପୁରସ୍କାର ମଧ୍ୟରୁ ୨୭୨ ପୋଲିସ କର୍ମଚାରୀଙ୍କୁ ଏବଂ ୨୯ ଅଗ୍ନିଶମ ସେବା କର୍ମଚାରୀଙ୍କୁ ଦିଆଯାଇଛି।
- 5.ଏକ ସ୍ଵତନ୍ତ୍ର ପ୍ରତିଷ୍ଠିତ ସେବା ରେକର୍ଡ ପାଇଁ ମୋଟ ୯୨ ଜଣ ରାଷ୍ଟ୍ରପତିଙ୍କ ବିଶିଷ୍ଟ ସେବା ପଦକ (PSM) ପ୍ରଦାନ କରାଯିବ। ପୃଥକ ଭାବରେ ୬୬୪ ପଦକ ମେଧାବୀ ସେବା (MSM) ପୁରସ୍କାର ମିଳିବ।
- 6.୧୪ ଅଗଷ୍ଟ ଦିନ ଭାରତରେ ‘ବିଭାଜନ ବିଭୀଷିକାର ସ୍ମୃତି ଦିବସ’ ପାଳନ କରାଯାଇଛି। ୧୯୪୭ ବିଭାଜନ ସମୟରେ ଯେଉଁମାନେ ପ୍ରାଣ ହରାଇଥିଲେ ଏବଂ ଅକଳ୍ପନୀୟ ଯନ୍ତ୍ରଣା ସହ୍ୟ କରିଥିଲେ। ସେମାନଙ୍କୁ ଦେଶ ଶ୍ରଦ୍ଧାଞ୍ଜଳି ଜଣାଉଛି।
- 7.ନାସାର ପ୍ରସିଦ୍ଧ ଜେମ୍ସ ୱେବ୍ ସ୍ପେସ୍ ଟେଲିସ୍କୋପର ଚିତ୍ରକୁ ଅନୁଧ୍ୟାନ କରି ଗବେଷକମାନେ ସମ୍ପୂର୍ଣ୍ଣ ନୂଆ ପ୍ରକାରର ମହାଜାଗତିକ ପିଣ୍ଡର ଆବିଷ୍କାର କରିଛନ୍ତି, ଯାହାକୁ ‘ବ୍ଲାକ୍ ହୋଲ୍ ଷ୍ଟାର୍’ଆଖ୍ୟା ଦିଆଯାଇଛି।
- 8.ଓଡ଼ିଶାର ନୂତନ ଅନ୍ତରୀଣ ପୋଲିସ ମହାନିର୍ଦ୍ଦେଶକ (ଡିଜିପି) ଭାବେ ବରିଷ୍ଠ ଆଇପିଏସ୍ ଅଧିକାରୀ ବିନୟତୋଷ ମିଶ୍ର ଦାୟିତ୍ୱ ଗ୍ରହଣ କରିଛନ୍ତି।
- 9.ପୁରୀ ଜିଲା ସତ୍ୟବାଦୀ ବ୍ଲକର ବରାଳ ଗ୍ରାମର ପୁରାଣ ପ୍ରସିଦ୍ଧ ବାଲୁଙ୍କେଶ୍ୱର ଦେବ ମନ୍ଦିର ଓ ଏହାର ପାଶର୍ବବର୍ତ୍ତୀ ଅଞ୍ଚଳର ବିକାଶ ପାଇଁ ରାଜ୍ୟ ସରକାର ୮୫ ଲକ୍ଷ ଟଙ୍କା ମଞ୍ଜୁର କରିଛନ୍ତି।
- 1.ସାଳନ୍ଦୀ ଓ ବୈତରଣୀ ନଦୀର ଜଳସ୍ତର ଧୀରେ ଧୀରେ ବଢ଼ିବାରେ ଲାଗିଛି । ସାଳନ୍ଦୀର ଭଦ୍ରକ ରାଜଘାଟଠାରେ ବିପଦ ସଙ୍କେତ ୧୭ ଫୁଟ ରହିଥିବା ବେଳେ ଏଠାରେ ୧୬.୯୦ ଫୁଟ ଉପରେ ବନ୍ୟାଜଳ ପ୍ରବାହିତ ହେଉଛି।
- 11.ବରମୁଣ୍ଡା ଅଞ୍ଚଳର ଜଣେ ୫୦ ବର୍ଷୀୟ ବ୍ୟକ୍ତି କୋଭିଡ୍ ସଂକ୍ରମିତ ହୋଇଥିବା ନେଇ ଏକ ଘରୋଇ ହସ୍ପିଟାଲ୍ ପକ୍ଷରୁ ସୂଚନା ଦିଆଯାଇଛି।
- 12.ଭାରତ ଏହାର ମୋଟ ଅଶୋଧିତ ତେଲ ଆମଦାନିର ୫୦.୮୩ ପ୍ରତିଶତ ବା ଦୈନିକ ୨.୪୭ ନିୟୁତ ବ୍ୟାରେଲ ତେଲ ରୁଷ୍ରୁ ଆଣିଛି। ଗତବର୍ଷ ଜୁଲାଇ ତୁଳନାରେ ଏବର୍ଷ ଜୁଲାଇରେ ରୁଷ୍ରୁ ଭାରତ ଅଧିକ ୬୨.୪ ପ୍ରତିଶତ ଅଶୋଧିତ ତେଲ ଆଣିଛି।
- 13.ସ୍ବାଧୀନତା ଦିବସ ସମାରୋହକୁ ସୁରକ୍ଷିତ ଏବଂ ବ୍ୟବସ୍ଥିତ କରିବାକୁ ଦିଲ୍ଲୀ ପୁଲିସ ଲାଲକିଲ୍ଲାରେ ସୁରକ୍ଷା ବ୍ୟବସ୍ଥାକୁ ଶକ୍ତିଶାଳୀ କରିଛି।
- 14. ଭାରତର ରାଇଡ୍-ହେଲିଂ ବଜାରରେ ବଡ଼ ପରିବର୍ତ୍ତନର ସମ୍ଭାବନା ସୃଷ୍ଟି କରିଥିବା ଉବର ଓ ରାପିଡୋର ମିଶ୍ରଣ ଆଲୋଚନା ବିଫଳ ହୋଇଛି।
- 15.ଭାରତ ସଞ୍ଚାର ନିଗମ ଲିମିଟେଡ୍ (ବିଏସ୍ଏନ୍ଏଲ୍) ପକ୍ଷରୁ ରାଜ୍ୟରେ ୧୭୪୧ ନୂଆ ୪ଜି ଟାୱାର ସ୍ଥାପନ କରାଯାଇଛି। ୨୪୮୭ ଦୁର୍ଗମ ଓ ଅପହଞ୍ଚ ଗ୍ରାମରେ ୪ଜି ସେବା ମଧ୍ୟ ଯୋଗାଇ ଦିଆଯାଉଛି।
- 16.ମଧୁ ବାବୁ ପେନ୍ସନ୍ ଯୋଜନାରେ ଏଯାବତ୍ ୬୩ ହଜାର ୮୪୮ଟି ଆବେଦନ ପଡ଼ି ରହିଛି। ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି।
- 17.ଇରାନ ରାଷ୍ଟ୍ରପତି ମାସୁଦ ପେଜେସ୍କିଆନ ଚଳିତ ବର୍ଷ ଭାରତରେ ଅନୁଷ୍ଠିତ ହେବାକୁ ଥିବା ବ୍ରିକ୍ସ ସମ୍ମିଳନୀରେ ଯୋଗଦେବା ପାଇଁ ଜାତୀୟ ରାଜଧାନୀ ନୂଆଦିଲ୍ଲୀ ଗସ୍ତ କରିବାର କାର୍ଯ୍ୟକ୍ରମ ରହିଛି।
- 18.କେନ୍ଦ୍ର ସରକାର ୨୦୨୭ ଜନଗଣନାର ଜନସଂଖ୍ୟା ଗଣନା ପର୍ଯ୍ୟାୟରେ ପଚରାଯିବାକୁ ଥିବା ୪୦ଟି ପ୍ରଶ୍ନର ଏକ ତାଲିକା ପ୍ରକାଶ ପାଇଛି । ଏହି ପ୍ରଶ୍ନଗୁଡ଼ିକରେ ଜାତି, ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି ସ୍ଥିତି, ଧର୍ମ, ଶିକ୍ଷା, ନିଯୁକ୍ତି, ପ୍ରବାସ ଏବଂ ପରିବାର ସମ୍ପର୍କିତ ସୂଚନା ଅନ୍ତର୍ଭୁକ୍ତ। କରୋନା ଟୀକାକରଣ ସ୍ଥାନଠାରୁ ଆରମ୍ଭ କରି ବ୍ୟାଙ୍କ ଆକାଉଣ୍ଟ ନମ୍ବର, ମୋବାଇଲ୍ ନମ୍ବର, ଆଧାର, ଭୋଟର ପରିଚୟପତ୍ର ଏବଂ ପାସପୋର୍ଟ ସୂଚନା ମଧ୍ୟ ମଗାଯିବ।
- 19.ବାରମ୍ବାର ନିର୍ଦେଶ ଦେବା ସତ୍ଵେ ପ୍ୟାକେଟ୍ ଖାଦ୍ୟର ସମ୍ମୁଖ ଭାଗରେ ଚିନି, ଲୁଣ, ସାଚୁରେଟଡ ଫ୍ୟାଟର ମାତ୍ରା ନେଇ ସତର୍କ ସୂଚନା ଲେଖାଯାଉ ନାହିଁ। ସୁପ୍ରିମକୋର୍ଟ ଏହାକୁ ଗମ୍ଭୀରତାର ସହ ନେଇ କେନ୍ଦ୍ର ସରକାର ଓ ଭାରତର ଖାଦ୍ୟ ସୁରକ୍ଷା ଓ ମାନକ କର୍ତ୍ତୃପକ୍ଷ (ଏଫଏସଏସଏଆଇ)ଙ୍କୁ ତୀବ୍ର ସମାଲୋଚନା କରିଛନ୍ତି।
- 2.ବିସିସିଆଇର ସେଣ୍ଟର ଅଫ୍ ଏକ୍ସିଲେନ୍ସ ମୁଖ୍ୟ ଭିଭିଏସ୍ ଲକ୍ଷ୍ମଣଙ୍କୁ ‘ଡାଇରେକ୍ଟର ଅଫ୍ କ୍ରିକେଟ୍’ ଭାବେ ନୂଆ ଦାୟିତ୍ୱ ଦେବାକୁ ବୋର୍ଡ ପ୍ରସ୍ତୁତ ହେଉଥିବା ସୂଚନା ମିଳିଛି। ଏଥିସହ ଲକ୍ଷ୍ମଣଙ୍କ ଚୁକ୍ତିକୁ ଆଉ ଦୁଇ ବର୍ଷ ବଢ଼ାଯିବା ସହ ତାଙ୍କୁ ଏକ ବଡ଼ ଭୂମିକା ଦିଆଯିବ ବୋଲି ଜଣାପଡ଼ିଛି।
© 2024 Amarisatya Magazine All Rights Reserved
Design & Developed By Zemusitech Solutions Pvt. Ltd.